“Na Vakasama me Baleta na Tubu Cake ena Veivanua Kece ni Bula,” Torocake Yaduadua: iVoladusidusi ni iTabagone (2019)

“Na Vakasama me Baleta na Tubu Cake ena Veivanua Kece ni Bula,” Torocake Yaduadua: iVoladusidusi ni iTabagone

Na Vakasama me Baleta na Tubu Cake ena Veivanua Kece ni Bula

Sa vuqa sara na sala e rawa ni o tubu cake kina ena nomu bula! Kauta mai na vakasama mai na draunipepa oqo, se bulia ga e dua na nomu. Kerea na Tamada Vakalomalagi me vukei iko mo kila na veika e gadrevi mo cakava ena gauna oqo.

Sa rawa mo raica na ikuri ni vakasama ena ChildrenandYouth.ChurchofJesusChrist.org kei na bulataki ni kosipeli app.

Vakayalo

iVakatakilakila

wili ivolanikalou tiko na itabagone

Masu ena yalodina.
Vuli mai na ivolanikalou kei na nodra vosa na parofita bula.
Vakasaqara na madigi mo wasea kina na kosipeli.
Kunea ka taracake nomu isolisoli vakayalo.
Vakavakarau me baleta na nomu veivakalougatataki vakapeteriaki.
Ena kilikili me da ciqoma ka taura tu e dua na ivolatara ni valetabu.
Cakacakataka na nomu kawa kei na veiqaravi ena valetabu.
Vakaraitaka na nomu vakavinavinaka ena veisiga.
Maroroya e dua na ivakaro ka vakamuria taucoko.
Vulica na bula nei Karisito.
Kilikili mo votai ena sakaramede e veimacawa.
Vakaitavi ena semineri.

Veimaliwai

iVakatakilakila

itabagone e veikidavaki vua na qase cake

Vakarorogo vakalevu cake ki na nodra gagadre na tani.
Vulica mo dau vakarorogo vinaka ka vakaraitaka vakamatata na vakasama.
Lomani ira ka qaravi ira na tamata era tu wavoliti iko.
Vakayagataka na gauna vata kei na matavuvale.
Vakarautaki iko mo vakawati ka itubutubu.
Vakatubura na gugumatua—na rawata mo moici iko ka vosota na gauna ka sa dredre.
Vakaitavitaki iko ena itaviqaravi ni koronivuli se itikotiko.
Raica na sala mera vukei kina na dravudravua.
Vulica mo dau kere veivosoti. Vulica mo dau veivosoti.
Vosa ka cakacaka vinaka, ka levea na kakase.

Veika Vakayago

iVakatakilakila

itabagone vodo basikeli

Vakavinakataka nomu bulabula ni yago kei na kaukauwa.
Vulica se vakavinakataka e dua na maqosa vakayago, me vaka na qito, na danisi se itaviqaravi e tautuba.
Vulica se vakavinakataka e dua na kila ni ta iyaya se buli ka.
Dau lewa vinaka na gagadre vakayago ena dua na ivakarau ni tiko bulabula.
Vulica na sala me na taqomaki iko mai na veivakatotogani, ka vakasaqara na veivuke kevaka e gadrevi.
Levea na iyaloyalo vakasisila.
Raica na sala bulabula me vakatulewataki kina na gauna ni cudru kei na lomaocaoca.
Vulica mo taqomaka kina na gone.
Vakatovotovotaka na vinaka ni tiko bulabula.
Vulica mo vakayagataka vakavuku na iyaya rawarawa ni teitei kei na vale.
Vulica na kila ni itataqomaki ni imatai ni veivuke kei na kila ni bula e tautuba.
Vakayagataka na ivosavosa savasava, ka kua ni vosa ca.

Vakasama

iVakatakilakila

vuli tiko na itabagone

Vakavinakataka nomu wiliwili kei na volavola maqosa.
Tara cake na itovo ni vuli vinaka.
Kila na veika e gadrevi mo cakava mo rawata e dua na cakacaka vinaka, kei na tekivu ni cakacakataka tiko ga na lalawa oqori.
Vulica eso tale na ka me baleta e dua na ka ko taleitaka.
Veivosaki vata kei ira na tamata o dau qoroya mo kila era a tara cake vakacava na ivakarau ko via rawata.
Vulica na sala me lewai vakavuku kina na ilavo.
Vulica vakatitobu e dua na ulutaga ni kosipeli.
Vulica na kila ni cakacaka rawarawa o rawa ni vakayagataka oqo kei na gauna emuri.
Tiko ena soqo ni itovo vakavanua.
Vulica e dua tale na vosa.
Rawati iko vakalevu cake.
Vulica ka vakatovotovotaka na ivakavuvuli ni bula vakaivakarau.