Ajri ro im Jodikdik ro
Juon Jon̄ak n̄an Eddōkļo̧k

“Juon Jon̄ak n̄an Eddōkļo̧k,” Eddōkļo̧k eo an Juon Make: Bok in Tōl an Jodikdik ro (2019)

“Juon Jon̄ak n̄an Eddōkļo̧k,” Eddōkļo̧k eo an Juon Make: Bok in Tōl an Jodikdik ro

Juon Jon̄ak n̄an Eddōkļo̧k

Eddōkļo̧k ej juon m̧ōttan eaorōk an karōk eo an Jemedwōj Ilan̄. N̄an jipan̄ eok, Jemedwōj Ilan̄ ej lewaj n̄an eok tōl eo jān Jetōb Kwojarjar, jeje ko rekwojarjar, im rikanaan ro remour. Kwonaaj ekkatak jān en̄jake ko am̧ make, eļaptata n̄e kwoj atartar ioon Jisōs Kraist im Pinmuur eo An. En̄in ej juon jon̄ak n̄an jipan̄ eok mour kōn gospel eo ilo aolep jekjek ko an mour eo am̧.

Kappukōt ta eo kwoj aikuj jerbale.

jodikdik ro rej jar im kappukōt

Karōk ewi wāween am̧ naaj kōmmane.

jodikdik ro kōn juon mab

Kōm̧mane karōk eo am̧ ilo tōmak.

jodikdik ro ro rej kōm̧m̧an jerbal in jipan̄

Kejekļo̧kjeņ kōn ta eo em̧ōj am̧ kar ekkatak.

jodikdik ro rej kejekļo̧kjeņ

Kappukōt

Aikuj ko am̧, Menin letok ko, im Tōļan ko

armej ro rej kōm̧m̧ani m̧akūtkūt ko

Jemedwōj Ilan̄ eaar lewaj n̄an eok menin letok ko, tōļan ko, im maron̄ ko. Ej kōnaan bwe kwon loe im kōļapiļo̧k n̄an kōm̧m̧an bwe kwe make, armej ro jet, im em̧ool laļ bwe en em̧m̧anļo̧k. Ekōjkan am̧ maron̄ em̧manļo̧k im eddōkļo̧k?

Kajjieon̄ kajjitōk kajjitōk kein:

  • Ta eo ij en̄jake ij aikuj ekkatak ak ukōte ilo mour eo aō?

  • Ta tōļan ko ak kapeel ko ij aikuj būki?

  • Ta iminene ko ilo jetōb ij aikuji n̄an kōļapļo̧k ak kōkōm̧anm̧aniļo̧k?

  • Ekōjkan aō maron̄ kōjparok bujen ko iaar kōm̧m̧ani ke iaar peptaij?

  • Wōn eo imaron̄ jerbal n̄an e?

Jemedwōj Ilan̄ enaaj uwaake kajjitōk kein n̄e ij pedped Ioon. Jar. Lin̄ūri jeje ko rekwojarjar im naan ko an rikanaan ro remour. Riiti kōjeraam̧m̧an eo an petriak eo am̧ , eļan̄n̄e ewōr juon am̧. Ekkata n̄an kile en̄jake ko im ļōmņak ko jān Jetōb Kwojarjar. Enaaj jipan̄ eok n̄an jeļā ta eo aorōk tata n̄an kwe kiiō wōt kiiō. N̄e kwojjab kanooj jeļā ta eo n̄an kōm̧m̧ane, lale peij 58–63.

Karōk

N̄an Kōkōm̧anm̧anļo̧k

armej ro ilo bukwōn eo

Mōjin wōt am̧ kāālet ta eo kwonaaj jerbale, kōm̧m̧ane juon karōk kōn ekōjkan am̧ maron̄ kōm̧m̧ane. Karōk eo am̧ emaron̄ koba bun̄tōn ko rein juon ak m̧akūtkūt ko, ak emaron̄ koba wāween ko n̄an ejaake juon iminene ak em̧m̧an am̧ make.

Kajjieon̄ kajjitōk kajjitōk kein:

  • Etke menin eaorōk n̄an kwe?

  • Ekōjkan an naaj jipan̄ eō eromļo̧k āinwōt Jisōs Kraist?

  • Ta m̧akūtkūt ko imaron̄ bōk n̄an kōm̧m̧ane menin?

  • Imaron̄ ke ajije m̧akūtkūt kein n̄an bun̄tōn ko reddikļo̧k?

  • Ta karok ko imaron̄ kōm̧m̧ani kiiō n̄an anjo̧ ioon apan̄ ko imaron̄ jelm̧ai?

Jar kōn karōk eo am̧, im lukkuun lale en̄jakeko im ļōmņak ko kwoj boke. Komaron̄ kajjitōk jipan̄ jān Jetōb Kwojarjar eo, baam̧le eo am̧, im ritōl ro am̧.

Jerbal

N̄an Eddōkļo̧k ilo Tōmak

armej ro rej kōm̧m̧ani m̧akūtkūt ko

Ļoor karōk eo am̧! Kōm̧m̧an kakeememej ko n̄an jipan̄ eok dim wōt. Komaron̄ kōm̧m̧ane juon kakeememej, kōm̧m̧ane juon alarm, ak kajjitōk ippān juon n̄an jerbal ippam̧. Jet iien jerbale karōk eo am̧ enaaj pen. Jet iien kwonaaj likjab. Ej em̧m̧an wōt! Ekkatak ta ko rej jerbal im ko rejjab jerbal enaaj jipan̄ eok eddōkļo̧k.

Elan̄n̄e pād am̧ wōnm̧aanļo̧k, kajjieon̄ kajjitōk kajjitōk ko āinwōt:

  • Ta eo eaar jerbal? Etke?

  • Ta eo ejjab jerbal? Ebaj et ke ejjab?

  • Bar ta imaron̄ kajjieon̄?

  • Ia eo imaron̄ bōk elōn̄ļo̧k ļōmņak ko?

  • Imaron̄ ke tipdiki kōttōpar ko aō n̄an bun̄tōn ko reddikļo̧k ak m̧akūtkūt ko?

  • Ekōjkan aō maron̄ ekkatak jān likjab ko?

Kōm̧m̧ane juon men eo ej lukkuun in aikuji kaminene im kijenmej. Kajjitōk ippān baam̧le eo am̧, ro m̧ōttam̧, ak ritōl kōn jipan̄. Rilo̧mo̧o̧r eo ejeļā kajjeōm̧ im apan̄ ko kwoj jelmai. Emaron̄ jipan̄ eok kōm̧m̧ane men ko reppen. Jar kōn jipan̄ im tōl.

Kejekļo̧kjeņ

Kōn Ta eo Kwaar Ekkatak

armej ro rej tallōn̄e jikin iuwe ko

Lin̄ūri kōttōbar ko am̧ im karōk ko ilo am̧ jerbali im n̄e eo kwoj kadedeļo̧ki. Ejet am̧ mour? Ta eo kwar ekkatak? Je ļōmņak ko im en̄jaake ko remaron̄ jipan̄ eok tok ālik.

Kajjieon̄ kajjitōk kajjitōk ko āinwōt:

  • Ekōjkan aō kar eddōkļo̧k?

  • Ekōjkan aō maron̄ kōjerbal ta eo iaar ekkatak n̄an jerbal n̄an ro jet?

  • Ekōjkan an kar jerbal ko aō jipan̄ eō erom epaakeļo̧k Rilo̧mo̧o̧r eo?

  • Ekōjkan aō maron̄ eddōkļo̧k wōt ilo jekjek in?

N̄āāt eo ekar dedeļo̧k am̧ jerbale juon kōttōpar ak karōk, kam̧moolol Jemedwōj Ilan̄ im ro me raar jipan̄ eok. Kejekļo̧kjeņ ioon jerbal eo an Rilo̧mo̧o̧r eo ilo mour eo am̧ n̄e kwoj bōk m̧ōttan kwojkwoj eo. Ļōmņak im jar kōn ta eo komaron̄ jerbale tok juon.