Ļōmņak ko n̄an Eddōkļo̧k ilo Aolep Jekjek ko an Mour

Ekanooj lōn̄ wāween ko komaron̄ eddōkļo̧k kaki ilo mour eo am̧! Ebbok ļōmņak jān peij kein, ak eōkkōn am̧ make. Kajjitōk ippān Jemedwōj Ilan̄ n̄an jipan̄ eok jeļā ta eo kwoj aikuj jerbale kiiō.

Komaron̄ kappok ļōmņak ko jet ilo ChildrenandYouth.ChurchofJesusChrist.org im ilo Gospel Living App eo.

Jetōb

• Jar ilo m̧ool.

• Ekkatak jeje ko rekwojarjar im naan ko an rikanaan ro remour.

• Kappok iien ko rem̧m̧an n̄an kwaļo̧k gospel eo.

• Lo im kōļapļo̧k mennin letok ko am̧ ilo jetōb.

• Kōfppopo n̄an kōjeraam̧m̧an ko an petriak eo am̧.

• Erreo ilo am̧ bōk im kabwijer juon peba in mālim an tampeļ.

• Jerbale menmenbwij eo am̧ im jerbal ilo tampeļ eo.

• Kwaļo̧k am̧ kam̧m̧oolol aolep raan.

• En dipiolo̧k am kōjparok kien.

• Ekkatak kōn mour eo an Kraist.

• Erreo ilo bōk m̧ōttan kwojkwoj eo kajjojo wiik.

• Bōk kuņaam̧ ilo jemenere.

Iaio

• Lukkuun lale aikuj ko an ro jet.

• Ekkatak ron̄jake im kwaļo̧k ļōmņak ko ilo alikkar.

• Iakwe im jerbal n̄an ro ipeļaakūm̧.

• Joļo̧k iien ippān baam̧le eo.

• Kōppopo n̄an erom juon ļeo ak lio pālele im jinen ak jemen.

• Kōļapļo̧k maron̄ eo n̄an bar bōk kajoor—maron̄ eo n̄an ukukōt im niknik n̄e men ko rej erom eppen.

• Bōk kuņaam̧ ilo m̧akūtkūt ko ilo jikin jikuuļ im jukjuk in pād.

• Pukōt wāween ko n̄an kōjparok rijeram̧ōl.

• Ekkatak n̄an joļo̧k bōd. Katak n̄an jeorļo̧k bōd ko an ro jet.

• Kōnono im kōm̧m̧an ilo jouj, im jujurļo̧k ruruwe.

Ānbwin

• Kōkōm̧anm̧anļo̧k ājmour ilo ānbwin im kōkajoor.

• Ekkatak ak eddōkļo̧k ilo juon kapeel in ānbwin, ko āinwōt ikkure ko, eeb, ak m̧akūtkūt ilo meļaj ko.

• Ekkatak im kōļapļo̧k kapeel ilo jin̄a ak jerbal in amim̧ōņo.

• Eddoik ikdeelel ko an ānbwini ilo juon wāween eo ājmour.

• Ekkatak wāween kōjpārok eok make jan jōrrāān in kakkure, im kappok jipan̄ eļan̄n̄e emenin aikuj.

• Eļļo̧k jān pija ko renana.

• Kappukōt wāween ko rem̧m̧an n̄an kōjpārok en̄jake ko im inepata.

• Ekkatak kilen lale ajri.

• Jeļā karreoik eok make.

• Ekkatak n̄an kōjerbal ilo ejjeļo̧k jorrāān kein jerbal ko an jikin kallib im m̧weo.

• Ekkatak kapeel ko an kōjerbal kein kōm̧adm̧ōd ko (first-aid) im kein kōjparok mour ilo ijōko inam̧ōj.

• Kōjerbal kajin eo ejetjet im jab kanejnej.

Ilo Mālōtlōt

• Kōkm̧anm̧anļo̧k kapeel ko am̧ ilo riit im jeje.

• Ejake iminene ko rem̧m̧an an ekkatak.

• Kappukōt ta eo kwoj aikuji n̄an bōk juon jerbal em̧m̧an, im jino jerbal m̧aanļo̧k n̄an kōttōpar jab eo.

• Ekkatak eļapļo̧k kōn juon men eo kwoj itok limo ie.

• Ekōnono ippān armej ro kwoj nōbar er n̄an pukōt ekōjkan aer kar kōļapļo̧k m̧wil ko kwoj kōņaan būki.

• Ekkatak kilen kōjparok jāān ilo mālōtlōt.

• Ekkatak juon unin kōnono an gospel eo ilo tum̧wilaļ in.

• Ekkatak kapeen ko im̧aan tata an jerbal me komaron̄ kōjerbali kiiō im tokālk.

• Etal n̄an m̧akūtkūt kōn ikkijien m̧anit.

• Ekkatak bar juon kajin.

• En ļapļo̧k am̧ un̄n̄are peiūm make.

• Ekkatak im kōjerbal pedped ko an katain-juon make.