Ol Aedia blong Stap Gro I Kam Antap long Evri Eria blong Laef

!I gat plante wei we yu save groap long laef blong yu! Karem sam aedia long ol pej ia we oli kam afta, o mekemap ol aedia blong yuwan. Askem Papa long Heven blong Hem i helpem yu blong save wanem yu nidim blong wok long hem naoia.

Yu save faenem sam moa aedia long ChildrenandYouth.ChurchofJesusChrist.org mo long Gospel Laef Ap.

Long saed blong spirit

• Prea wetem tru hat.

• Stadi long ol skripja mo ol toktok blong ol profet we oli stap laef.

• Lukaotem sam janis blong serem gospel.

• Faenemaot mo developem ol presen blong yu long saed blong spirit.

• Rere blong kasem petriakel blesing blong yu.

• Stap klin inaf mo kasem mo holemtaet wan tempol rekomen.

• Wok long famli histri blong yu mo givim seves insaed long tempol.

• Talem tangkyu blong yu evri dei.

• Obei long wan komanmen moa fulwan.

• Stadi long laef blong Kraes.

• Stap klin inaf blong tekem mo kakae sakramen evri wik.

• Tekempat long seminari.

Long saed blong sosol laef

• Luklukgud long ol nid blong ol narawan.

• Lan blong lisin gud mo talemaot ol aedia long wan klia fasin.

• Lavem mo givim seves long ol pipol raonabaot long yu.

• Spenem taem wetem famli.

• Rere blong kam wan waef, o wan hasban, mo wan mama o papa.

• Developem fasin blong stanap kwiktaem afta wan hadtaem—paoa ia blong save stretem yu mo stap strong taem ol samting oli kam had tumas.

• Tekpat long ol samting insaed long skul o ol aktiviti blong komuniti.

• Faenem ol wei blong kea long olgeta we oli pua.

• Lan blong talem sore. Lan blong fogivim man.

• Toktok mo mekem samting wetem kaen fasin, mo no stap gosip.

Long saed blong bodi

• Mekem helt mo paoa blong yu long bodi i kam antap.

• Lan o kam gud moa long wan skil we i yusum bodi, olsem ol spot, danis, o ol aktiviti aotsaed.

• Lan o kam gud moa long wan skil long saed blong art o mekem samting wetem han.

• Kontrolem ol samting we bodi i wantem, long wan wei we i helti.

• Lanem ol wei blong protektem yuwan long fasin blong abius, mo lukaotem help sapos i nid.

• Stap longwe long ponografi.

• Faenem ol helti wei blong kontrolem ol filing blong yu, mo ol tingting we oli fasfas.

• Lan blong lukaotgud long ol pikinini.

• Praktis fasin blong kipim bodi i klin.

• Lanem wei blong yusum ol tul blong garen mo blong hom long wan sef fasin.

• Lanem fas aid mo ol skil blong save laef long ol ples olsem bus.

• Yusum wan lanwis we i stret gud, mo no stap swea.

Long saed blong waes

• Kam antap long ol skil blong yu blong stap rid mo stap raet.

• Developem ol gudfala stadi skil blong stap stadi.

• Faenemaot wanem yu nidim blong kasem wan gudfala wok, mo stat blong wok from gol ia.

• Lanem moa abaot wan samting we yu gat intres long hem.

• Toktok wetem ol pipol we yu lukluk hae long olgeta blong faenemaot olsem wanem oli bin developem ol fasin we yu tu yu wantem kasem.

• Lanem olsem wanem blong lukaotgud long mane wetem waes.

• Stadi long fasin blong go dip insaed long wan topik blong gospel .

• Lanem ol besik skil blong wok we yu save yusum naoia mo afta.

• Go long ol kalja aktiviti.

• Lanem wan nara lanwis.

• Kam blong dipen moa long yuwan.

• Lanem mo praktisim ol prinsipol blong disiplinim yuwan.