Yu Save Folem Sevya

Papa long Heven i wantem ol pikinini blong Hem blong oli lanem samting mo blong oli groap. Hem i bin sendem Pikinini blong Hem, Jisas Kraes, blong Hem i stap olsem eksampol ia we i stret evriwan blong yumi evriwan, long evri wei.

Long saed blong spirit

Jisas i stap groap mo “oltaem God i glad tumas long hem.” Yu save groap long saed blong spirit taem yu stap soem lav we yu gat long God mo taem yu soem se yu wantem laef folem gospel.

Long saed blong sosol laef

Jisas i stap groap mo “oltaem ol man … oli glad tumas long hem.” Yu save groap long saed blong sosol laef taem yu stap soem lav i go long evri pipol.

Long saed blong bodi

Hem i bin gro i kam antap “long saed blong bodi.” Yu save lan blong wok mo tekem gud kea long bodi blong yu, helt blong tingting blong yu, mo ol kriesen blong God.

Long saed blong waes

Hem i bin gro i kam antap “long saed blong waes.” Yu save stadi long skul, lanem ol niu skil, mo kam antap long ol talen blong yu.