Mensahe ti Umuna a Panguluen

Patpatgek a Pada a Misionario:

Daydayawendaka iti dakkel a gundawaymo nga agbalin a maysa a misionario para iti Ti Simbaan ni Jesucristo dagiti Santo iti Ud-udina nga Aldaw. Awanen ti ad-adda a makaallukoy wenno napatpateg pay nga aramid ngem iti panangummong iti Israel.

Naisangrat tiIkasaba ti Ebangheliok a mangtulong kenka nga agbalin a misionario nga agsagana a nasaysayaat, addaan iti naum-umdas a pannakaawat iti espiritualidad. Naisangrat pay daytoy a mangtulong kenka nga agbalin a nasamsamay a mannursuro. Guyugoyendaka a mangusar iti daytoy iti inaldaw a bukod ken agkompanion a panagadalyo. Allukoyendaka pay a mangusar iti daytoy kadagiti district council meeting ken zone conference. Adalem dagiti naibasar a nasantuan a kasuratan ken sursuruem ti doktrina ken dagiti pagbatayan.

Awisendaka a maaddaan iti baro a kaipapanan ti panagkumit a tumulong iti Amatayo idiay Langit iti nadayag nga aramidna. Tunggal misionario ket addaan iti napateg nga akem iti panangtulong iti Apo iti aramidna a “mangipatungpal iti saan nga ipapatay ken agnanayon a biag ti tao” (Moises 1:39).

Bendisionannakanto ti Apo bayat ti sipapakumbaba a panangidatonmo iti bagim iti panagserbi Kenkuana. Masarakamto koma ti naindaklan a rag-o ken ragsak bayat ti panagtrabahom kadagiti annak ti Nailangitan nga Ama.

Ti Umuna a Panguluen