Raatin li Xbʼeenil Awaʼbʼejil

At qech misioneer:

Naqak’e xsahil aach’ool naq nakat-ok sa’ laa nimla k’anjel jo’ misioneer choq’ re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan. Maak’a’ junaq chik k’anjel li jwal chaab’il chi moko jwal aajel wi’chik ru chiru li k’anjel re xch’utub’ankil Israel.

Kik’uub’aman li hu Jultika Lin Evangelio re naq tatxkawresi sa’ musiq’ej. Nakatxtenq’a ajwi’ re naq taanaw xch’olob’ankil li evangelio. Naqawaklesi aach’ool chiroksinkil li hu a’in wulaj wulaj naq yookat chi tzolok aajunes malaj rik’in laa wochb’een. Naqawaklesi ajwi’ aach’ool chiroksinkil li hu a’in sa’eb’ laa ch’utam re distrito ut sa’eb’ li ch’utub’aj-ib’ re zona. Chatzol li aatin re li loq’laj hu li nareetali, jo’ ajwi’ li na’leb’ li naxch’olob’.

Nakatqab’oq chixwaklesinkil aach’ool re naq taayal aaq’e sa’ lix nimla k’anjel li qaYuwa’ sa’ Choxa. Aajel ru chixjunileb’ li misioneer sa’ xk’anjel li Qaawa’, a’an li k’anjel re “xkʼeebʼal chi uxmank lix kolbʼal chiru li kamk ut lix yuʼam chi junelik li winq” (Moises 1:39).

Li Qaawa’ tatrosob’tesi naq nakatk’anjelak chiru sa’ tuulanil. Chak’ul taxaq li nimla sahil ch’oolejil naq yookat chi k’anjelak sa’ xyanqeb’ li ralal xk’ajol li qaChoxahil Yuwa’.

Li Xbʼeenil Awaʼbʼejil