Pweng sin Prestuhnsi Se Met

Pain Kom Misineri:

Kuht ahkfuhlwactye kom ke pacl na wowo se in ekihn misineri ke Alu luhn Jisus Kraist luhn Mwet Luhlahlfongi Lal ke Lwen-sahflah. Wacngihn orekma sahyac yohk srihpac liki orekma in oracni mwet Israel.

Luti Wosasuc Luhk ma in kahsre kom in ahkoeyucklac wo, ac misineri yohk nguhn la. Ac oacyacpac ma in kahsre kom ekihn mwet luti wo se. Kuht kwacfe kom in orekmakihn lwen nuh kwewa ke lutlut lom sifacna ac wi mwet wiyom. Kuht oacyacpac kwacfe kom in orekmakihn ke toeni luhn tistrik ac zone lom an. Lutlutkihn ma suhmuhslah ahkkahlwemyeyuck ac lotwelah olweacng ac ip yohk srihpac.

Kuht suli kom in tuyak ke olwelah sasuc se in kahsruh Pahpah tuhmasr Inkuhsrao ac orekma wolacna Lal. Kais sie misineri oasr kunac yohk srihpac la in kahsruh Leum ke orekma Lal in “ahkfahsruhi moul suhkawihl ac moul ma pahtpaht luhn mwet (Moses 1:39).

Leum El ac ahkinsewowoye kom ke kom kuhlwacnsapuhl ke inse puhsisacl. Finsrak kom in sokwack engan yohk ke kom orekma inmahsrlon tuhlihk nuhtin Pahpah Inkuhsrao.

Prestuhnsi Se Met