Mukenji wa kudi Bulombodi Bukulu bua Kumpala

Muanetu Munanga Muena bukenji Muluma ne Mukaji:

Tudi tukuela kalumbandi bua mushindu munena uwudi mupeta bua kuikala muena bukenji wa Ekelezia wa Yezu Kilisto wa Bansantu ba Matuku a Ndekelu. Kakuena mudimu munena wa ditabuijija anyi wa mushinga udi mupita disangisha dia Isalele.

Longesha Lumu Luimpa Luanyi udiku bua kukuambuluisha bua kuikala muena bukenji mulongolola bimpa ne mukola mu nyuma. Udiku kabidi bua kukuambuluisha bua kuikala mulongeshi mulelela. Tudi tukubila bua kumuenzela mu dilonga dieba dia ku dituku dia nkaya ne dia pamua ne bena dieba. Tudi tunukankamika bua kumuenzela mu bisangilu bienu bia tshipangu tshia distrika ne mpungilu yenu ya zone. Longa mifundu mikuatshishi ne longa dilongesha ne nshindamenu.

Tudi tukubikila bua kuangata lumvu lupialupia lua dipangadika bua kuambuluisha Tatu wa mu Diûlu mu mudimu wenda wa butumbi. Muena bukenji yonsu udi ne mudimu wa mushinga mu diambuluisha dia Mukalenga mu mudimu wenda “udi utuala dibenga kufua ne moyo wa tshiendelela bia muntu” (Mose 1:39).

Mukalenga neakubenesha pawudi udifila ne didipuekesha bua kumusadila. Udi mua kupeta disanka dinena ne diakalenga pawudi wenza mudimu munkatshi mua bana ba Tatu wa mu Diûlu.

Bulombodi Bukulu bua Kumpala