“Shapita 3: Longa ne Longesha Lumu Luimpa lua Yezu Kilisto,” Longesha Lumu Luimpa Luanyi: Buludiki bua Ditangalaja dia Lumu Luimpa lua Yezu Kilisto (2023)
“Longa ne Longesha Lumu Luimpa lua Yezu Kilisto,” Longesha Lumu Luimpa Luanyi
Shapita 3
Longa ne Longesha Lumu Luimpa lua Yezu Kilisto
Malongesha adi mu shapita ewu adi ne dilongesha, nshindamenu, ne mikenji bia mushinga bia lumu luimpa lua Yezu Kilisto. Malongesha â wowu ke adi bambi ne bapostolo badi ne moyo banulomba bua nualonga ne nualongesha. Adi mafidibua apa bua nuambuluisha bakuabu bua bumvua bimpa dilongesha dia Kilisto.
Tshitupa tshia kumpala tshia mu shapita ewu tshidi dibikila bua ditambula. Shapita idi ishala idi ne malongesha anayi adi alonda â:
Longa mifundu ne ubutshila dilongesha dia mu dilonga dionsu. Mukubienza, Nyuma wa Tshijila neafila bujadiki bua malelela awudi ulonga. Neakuambuluisha bua kumanya tshiakuamba ne tshiakuenza bua kuambuluisha bakuabu bua bapeta bujadiki bua bulelela. (Tangila Dilongesha ne Bipungidi 84:85.)
Bantu nebadiundisha lumvu luimpa lua Mupandishi padibu benza tshidiyi Ubabikila bua kuenza. Tuala mabikila bua dilongesha dionsu, ne ambuluisha bantu bua balama mapangadika abu. Padi bantu balama mapangadika, badi babanga kuteka mu tshienzedi lumu luimpa lua Yezu Kilisto ne badilongolola bua kuenza bipungidi ne Nzambi.
Longesha malongesha onsu kumpala ne kunyima kua ditambula. Bena bukenji ba diba dionsu badi bangata bulombodi bua malongesha diba dionsu. Bena bukenji ba tshikongu anyi bidimba bikuabu bidi bibuela padiku mushindu. Tangila shapita 10 ne 13 bua dimanyisha pa dibueja dia bidimba mu dilongesha.
Kudilongolola bua Kulongesha
Pawudi udilongolola bua kulongesha, tangununa ngumu ya muntu yonsu mu application wa Longesha Lumu Luimpa Luanyi. Enza dilongolola dia dilongesha bilondeshila majinga a muntu. Tangila tshidiyi mua kumanya ne kumvua mu dikumbula dia dilongesha dieba. Nyuma neanemesha didienzeja diebe pawudi wangata diba bua kudilongolola ne kulongolola.
Eyi nkonku mikuabu bueba ne bua muena dieba inudi mua kutangila mu disambila panudi nudilongolola bua kulongesha.
-
Dibikila kayi dinuatuala bua kuambuluisha bantu bua kuibaka ditabuija mu Kilisto ne bua kuya kumpala? Mabikila adi mushindu udi wambuluisha bantu bua kukudimuna mutshima ne kumanya “Bukola bua Musungidi” (Helamana 5:11). Tangila diya kumpala dia muntu, ngikadilu, ne majinga. Bueja dibikila dimua anyi a bungi mu dilongolola dia dilongesha dieba.
-
Dilongesha ne nshindamenu kayi idi mua kuambuluisha bantu bua kulama dipangadika ditudi bamubikidila bua kuenza? Pangadika mu disambila dilongesha ne nshindamenu idi mua kuambuluisha bantu bua kumvua mushinga wa dilama dipangadika diabu buabu ne bua Mukalenga.
-
Mushindu kayi utudi mua kuambuluisha muntu bua kulonga dilongesha? Bua kudilongolola bua kulongesha, longolola ne enza tshikosu tshia tshiwudi mua kulongesha mu dienzela dilongesha 1–4. Jadika nkonku, mifundu, bilejilu, ne media adi akumbana bidi mua kuambuluisha muntu bua umvua tshiwudi ulongesha. Tangila shapita 10 bua mamanyisha pa mushindu wa kulengeja dilongesha dieba.
-
Mabenesha kayi adi Nzambi mulaya bua ditaba ne dilama dia mapangadika? Pawudi ulonga dilongesha, mona mabenesha adi Nzambi mulaya. Pawudi ulongesha, ulaya mabenesha ne ufila bujadiki buawu.
-
Bidimba kayi bidi mua kukufila? Mu tshisangilu tshia disangisha ngenyi tshia ku lumingu, mona bidimba bidi mua kukuambuiluisha ne kukuatshisha muntu. Kumpala kua dilongesha, yukilangana pa diakula diabu. Tangila shapita 10.
-
Tudi mua kuenza tshinyi bua kuambuluisha bantu bua balama mapangadika abu kunyima kua diumbuka dietu? Londesha ku dienza dia dipetangana dia tshikosu dia ku dituku bua kuambuluisha bantu bua kulama mapangadika abu. Keba mushindu bua kubueja bidimba mu diambuluisha aba bawudi ulongesha bua kulama mapangadika abu. Dipetangana edi didi mua kuangata dibala dia shapita wa mu Mukanda wa Molomo anyi mifundu mikuabu. Pikala muntu kampanda kayi ulama dipangadika dishala, bidi ne mushinga bua kumuambuluisha nadi kumpala kua kutuala dikuabu. Tangila shapita 11.
-
Mushindu kayi muimpa utudi mua kubambuluisha musangu walua? Kunyima kua tshikondu tshia dilongesha dionsu, tshinka dimanya dia bantu bawudi ulongesha. Ditabuija diabu mu Kilisto didi disasa anyi? Badi bumvua Nyuma anyi? Badi bakudimuna mutshima ne benza ne balama mapangadika anyi? Badi basambila, babala Mukanda wa Molomo, ne babuela mu Ekelezia anyi? Enza malongolola bua kubambuluisha.
Longesha ne Mutshima Weba bumudi Nyuma Ukuludika
Kudiakula kudi bena bukenji baluma ne bakaji Bulombodi Bukulu bua Kumpala ne Tshisumbu tshia Bapostolo Dikumi ne Babidi bakabanga ne:
“Kipatshila ketu kadi ka kulongesha mukenji wa lumu luimpa lupinguluja mu mushindu wa kuanyishila Nyuma bua kulombola bena bukenji ne bantu badi balongeshibua. Bidi ne mushinga bua kulonga miaku ya [malongesha], kadi yoyi kayena ne mua kulongeshibua mu mulongu ne miaku imua to. Muena bukenji udi ne bua kudiumvua mudikadila bua kuakula miaku yenda nkayenda bumudi Nyuma umunungena. Kena ne bua kukuata ku moyo, kadi kuakula ne mutshima mu miaku yenda nkayenda. Udi mua kushintulula ndongamu wa malongesha, kufila bidi nyuma umupesha, bilondeshila majinga ne bidi [muntu] ukengela. Mu kuakula ne dituishibua dienda ne mu miaku yenda, udi ne bua kufila bujadiki bua bulelela bua malongesha enda”.
Longesha ne Bikila bilondeshila Majinga a Muntu
Udi ukumbana kusungula bua kulongesha malongesha mu mushindu udi wambuluisha bantu bua kudilongolola menamena bua ditambula ne dijadikibua. Dilongesha kayi dia kulongesha, diba kayi dia kudilongesha, ne diba bungi kayi diwudi mua kulongesha bidi bilongolola bimpa bilondeshila majinga a muntu uwudi ulongesha ne buludiki bua Nyuma. Tshilejilu, pawudi ulongesha bantu badi kabayi bafuma ku Buena Kilisto to, udi ne bua kubanga ne dibambuluisha bua batantshisha dipetangana dikola ne Tatu wa mu Diûlu ne lumvu lua dilongolola dienda (tangila “Teaching People Who Do Not Have a Christian Background” mu shapita 10).
Lekela Nyuma akuludika mu mabikila awudi mua kutuala ne diba diakuatuala. Dibikila dimpa pa diba dimpa didi mua kuambuluisha bantu pa lukasa bua kuenza bintu bidi bibaka ditabuija diabu. Bienzedi ebi bidi mua kulombolola ku dishintuluka dikola dia mutshima (tangila Mosiya 5:2; Alama 5:12–14).
Longesha malongesha adi mapepela, matoka, ne a tshikosu. Mu bionsu, dikumbula dia dilongesha kadiena mua kupita minuta 30, ne udi mua kulongesha muntu mu minuta mikesa 5.
Newikala dijinga ne bisangilu bia bungi bua kulongesha nshindamenu mu dilongesha dimua. Bantu nebikala misangu yonsu bumvua bimpa mukenji weba pawikala ulongesha malongesha mu tshikosu, ulongesha misangu ya bungi ne ulongesha bitupa ne bintu bikesa.
Dilonga dia Mifundu
Ntshinyi tshiwudi mulombodibua bua kulongesha?
Mbuatshinyi bidi ne mushinga bua kulongesha dilongesha didi mu malongesha â?