Shapita 3: Dilongesha 4

Kulua Bayidi ba Yezu Kilisto ba Kashidi

Mukoko Mujimina, kudi Del Parson

Kulongesha Dilongesha Edi

Ditambula didi mululu wa disanka ne wa ditekemena. Patudi tutambuishibua, tudi tuleja dijinga dietu dia kulonda Nzambi ne kubuela mu njila udi ulombola ku moyo wa tshiendelela. Tudi kabidi tuleja dipangadika dietu bua kulua bayidi ba Yezu Kilisto ba kashidi.

Dilongesha edi didi dilongolola kupitshila ku milulu itudi tuenza ku ditambula. Didi ne bitupa binena bidi bilonda ebi, tshionsu tshidi ne tutupa tukesa:

• Tshipungidi tshietu bua Kuikala ne Dijinga dia Kuangata pa Tuetu Dina dia Yezu Kilisto

• Tshipungidi Tshietu bua Kulama Mikenji ya Nzambi

• Tshipungidi Tshietu bua Kusadila Nzambi ne Bakuabu

• Tshipungidi Tshietu bua Kunanukila tô ne Kundekelu

Kuambuluisha bantu bua bumvua nshindamenu eyi ne mekenji biwudi ulongesha, bidi tshitupa tshia tshipungidi tshienzabu ku ditambula. Baleja mushindu kâyi udi tshitupa tshionsu tshia dilongesha etshi tshibambuluisha bua “kulua kudi Kilisto … ne kuangata lupandu luenda” (Omoni 1:26; tangila kabidi 1 Nefi 15:14).

Newujinga bua kulongesha dilongesha edi mu misangu ya bungi. Bidi ku mpuka-mpuka bua dikumbula dia kulongesha kupita minuta 30. Bidi bimpa ku misangu yonsu kuenza makumbula matshintshika, a bungi adi angata tutupa tukesa tua malongesha.

Longolola bia wewa kulongesha, diba dia kulongesha, ne bungi kayi bua meba awangata. Tangila majinga a bantu bawudi ulongesha, ne keba buludiki bua Nyuma. Udi ukumbana kusungula bua kulongesha bilondeshila ku tshidi mua kuambuluisha bantu bua kudilongolola bua kutambula ne kujadikibua.

Bitupa bikuabu mu dilongesha edi bidi ne mabikila masunguluka. Keba bujinguludi mu kuangata dipangadika pa tshikondo tshia kubikila. Ikala ne lungenyi lua bungi mua kumanya ngunvuilu wa muntu yonsu. Muambuluisha bua kuteka lumu luimpa mu tshienzedi mu tshidia tshimua kumpala kua diba.

Muntu mukaji wangata biakudia bia tshijila

Tshipungidi Tshietu bua Kuikala ne Dijinga dia Kuangata pa Tuetu Dina dia Yezu Kilisto

Patudi tutambuishibua, tudi tuenza tshipungidi tshia kulonda Yezu Kilisto “ne kipatshila kajima ka moyo.” Tudi kabidi tujadika ne “Tudi dijinga ne kuangata pa [tuetu] dîna dia Kilisto ” (2 Nefi 31:13; tangila kabidi Dilongesha ne Bipungidi 20:37).

Kuangata pa tuetu dîna dia Yezu Kilisto kudi kumvuija tudi tumuvuluka ne tuenza malu bu bayidi benda ba kashidi. Tudi tulekela bukenka buenda bukenkesha kupitshila kutuetu kudi bakuabu. Tudi tudimuana teutu nkayetu bu benda ne tumuteka kumpala mu mioyo yetu.

Bitupa bidi bilonda ebi bidi bileja mishindu ibidi itudi tuvuluka ne tulonda Yezu Kilisto.

Kusambila Misangu Yonsu

Disambila didi mua kuikala muyuki mupepela ne Tatu wa mu Diûlu udi ufuma mu moyo. Mu disambila, tudi tuakula nenda ne moyo mujima ne bululama. Tudi tuleja dinanga buenda ne tuasakidila bua mabenesha etu. Tudi kabidi tulomba bua diambuluisha, bukubi, ne buludiki. Patudi tujikija disambila tshietu, tudi ne mua kuangata tshitantshi tshia diba bua kupuwa ne kuteleja.

Yezu wakalongesha, “Nudi ne tshia kusambila Tatu mu dîna dianyi” (3 Nefi 18:19, italike mukumbaja; tangila kabidi Mose 5:8). Patudi tusambila mu dîna dia Yezu Kilisto, tudi tubavuluka bubidi buabu Yeya ne Tatu wa mu Diûlu.

Kilisto wakatupesha tshilejilu tshia teutu kulonda patudi tusambila. Tudi mua kulonga bia bungi pa disambila mu kulonga masambila a Mupandishi mu mifundu (tangila Matayo 6:9–13; Yona 17).

Masambila etu adi ne mua kuikala ne bitupa bidi bilonda ebi:

• Kubanga ne Kubikila Tatu wa mu Diûlu.

• Kuamba bitudi tumvua mu moyo wetu, bumudi tuasakidila bua mabenesha atudi bapeta.

• Kuela nkonku, kukeba buludiki, ne kulomba mabenesha.

• Kujikija mu kuamba, “Mu dina dia Yezu Kilisto, amena.”

Mifundu idi itudimuisha bua kusambila mu dinda ne dilolu. Kadi, tudi mua kusambila diba dionsu ne muaba yonsu. Bua disambila dia nkaya ne dia mu dîku, bidi mua kuikala bia mushinga bua kutua binu patudi tusambila. Tudi mua kuikala ne disambila misangu yonsu mu moyo wetu. (Tangila Alama 34:27; 37:36–37; 3 Nefi 17:13; 19:16.)

Masambila etu ikala a meji umbukila ku moyo. Patudi tusambila, tuepuka kuamba bintu bia momumua misangu ya bungi.

Tudi tusambila ne ditabuija, bulelela bua moyo, ne dijinga dilelela bua kulonda diandamuna ditudi tupeta. Patudi tuenza nunku, Nzambi neatulombola ne neatuambuluisha bua kuangata mapangadika mimpa. Netudiumvua pabuipi nenda. Neatupesha tshiumvidi ne kumvua bulelela. Neatubenesha ne busambi, ditalala, ne bukola.

Dilonga dia Mifundu

• 2 Nefi 32:8–9

• Enosha 1:1–12

• Alama 6:6; 13:28; 34:17–28; 37:36–37

• 3 Nefi 12:48

• Moloni 10:3–5

• Dilongesha ne Bipungidi 6:22–23; 8:2–3; 9:7–9; 10:5; 19:28; 42:14

Longa Bia Bungi pa Nshindamenu Ewu

• Buludiki bua mu Mifundu, “Disambila”

• Nkonga Miaku wa Bibilia, “Disambila”

• Biena Bualu bia Lumu luimpa: “Disambila”

Dibikila

Neusambila matuku onsu Tatu wa mu Diûlu?

Kulonga Mifundu

Nefi wakalongesha, “Tshionkomokelayi pa mêyi a Kilisto; bualu [nea]nuambila bintu bionsu binudi mua kuenza.” (2 Nefi 32:3; tangila kabidi 31:20).

Dilonga dia mifundu tshidi mushindu wa mushinga wa kumvuluka ne kulonda Yezu Kilisto. Mu mifundu tudi tulonga bua moyo wenda, disadila, ne malongesha bienda. Tudi kabidi tulonga milayi yenda. Patudi tubala mifundu, tudi tuibidila a dinanga dienda. Anyima yetu idi itanta, ditabuija dietu muyeye didiunda, ne meji etu atokishibua. Bujadiki buetu bua mudimu wenda wa buzambi bulua bukola.

Tudi tuvuluka ne tulonda Yezu patudi tuteka meyi enda mu tshienzedi mu matuku etu a moyo. Tudi ne bua kulonga mifundu dituku dionsu, nangananga Mukanda wa Molomo.

Mifundu ya Ekelezia wa Yezu Kilisto wa Bansantu ba Matuku a Ndekelu, idi Bibilia, Mukanda wa Molomo, Dilongesha ne Bipungidi, ne Busanga bua Mushinga Mukola. Ebi kabidi mbibikidibua “mikanda mitambibua.”

Dilonga dia Mifundu

• 1 Nefi 19:22–23

• 2 Nefi 9:50–51; 25:26; 29:1–13; 31:19–20; 32:3

• Alama 32:28–30

• Dilongesha ne Bipungidi 1:37–38; 18:34–36

• Yone 20:31

• 2 Timote 3:14–17

• 2 Petelo 1:20–21

Longa Bia Bungi pa Nshindamenu Ewu

• Buludiki bua mu Mifundu, “Mifundu”

• Biena Bualu bia Lumu luimpa: “Mifundu”

Dibikila

Neubala mifundu dituku dionsu anyi? (Anyisha bua kubikila bantu bua kubala shapita misunguluka.)

Yezu Kilisto udi ulongesha tshisumbu tshia bantu

Tshipungidi Tshietu bua Kulama Mikenji ya Nzambi

Tshiakumanya: Kudi mishindu ya bungi bua kulongesha mikenji mu tshitupa etshi. Bu tshilejelu, udi mua kubalongesha mu dikumbula dikesa. Anyi udi mua kulongesha imua ya kuyoyi bu tshitupa tshia kumpala tshia malongesha asatu a kumpala. Pawudi ulongesha mikenji, ikala mutuishibua bua kuyituangaja ku bipungidi bia ditambula ne dilongolola dia lupandu.

Patudi tutambuishibua, tudi tuenza tshipungidi ne Nzambi ne “netulama mikenji yenda” (Mosiya 18:10; Alama 7:15).

Nzambi mutupesha mikenji bualu mutunanga. Udi utujingila malu mimpa buetu, bubidi pindiewu ne kutshiendelela. Bu Tatu wetu wa mu Dîulu, mumanya tshitudi natshi dijinga bua dikalangana dietu dimpa dia mu nyuma ne mu mubidi. Mumanya kabidi tshinyi tshidi mua kutupesha disanka dinena. Mukenji onsu udi dipa dia bunzambi, mufidimbua bua kuludika mapangadika etu, kutukuba, ne kutuambuluisha bua kukola.

Kamua Kipatshila katudi baluila pa buloba kadi kulonga ne kutanta mu kuenzela budienzedi buetu ne meji (tangila Abalahama 3:25). Kusungula kutumikila mikenji ya Nzambi—ne kukudimuna mutshima patudi tudishinda kakesa—kudi kutuambuluisha bua tuetu kudiludika mu luendu luetu lua tshifuaka lua ntatu mikola.

Mikenji ya Nzambi idi mpokolo wa bukola ne mabenesha (tangila Dilongesha ne Bipungidi 82:8–9). Mu kulama kua mikenji, tudi tulonga ne kayena mabangu a bujitu adi apangisha budikadidi buetu to. Budikadidi budi bufumina ku ditumikila dia mikenji. Ditumikila didi mpokolo wa bukola udi ututuadila bukenka ne dimanya kupitshila ku Nyuma wa Tshijila. Bidi bitutuadila disanka dinena ne diambuluisha bua kupeta buikadi buetu bua bunzambi bu bana ba Nzambi.

Nzambi mulaya bua kutubenesha patudi tulama mikenji yenda Mabenesha makuabu adi masungunuka ku mikenji mikuabu. Mabenesha manena adi ditalala mu moyo ewu ne moyo wa tshiendelela ne mu buloba bualua. (tangila Mosiya 2:41; Alama 7:16; Dilongesha ne Bipungidi 14:7; 59:23; 93:28; 130:20–21.)

Mabenesha a Nzambi adi mikala bubidi a nyuma ne a mubidi. Mu tshikondo, tudi dijinga ne kuikala ne lutulu mu ku indila, kutekemena ne nealua ku diusa ne tshikondo tshiende (tangila Mosiya 7:33; Dilongesha ne Bipungidi 88:68). Bua kujingulula mabenesha makuabu, tudi dijinga ne kuteya ntema kudi nyuma ne kutangila. Etshi tshidi nangananga tshilelela bua mabenesha adi adimuenesha mu mushindu mupepela ne muimpa.

Mabenesha makuabu adi mua kuikala mafika mu diela meji ashisha. Makuabu mabenesha adi mua kulua nansha panyima pa lufu. Nansha tshikondo anyi mushindu wa mabenesha a Nzambi, Tudi mua kuikala batuishibua ne nealua patudi tudienzeja bua kuteka lumu luimpa lua Yezu Kilisto mu tshienzedi (tangila Dilongesha ne Bipungidi 82:10).

Nzambi munanga bushuwa bana benda bonsu. Udi ne lutulu ne mateketa etu, ne Udi utubuikidila patudi tukudimuna mutshima.

Mikenji Minena Ibidi

Bakakonka Yezu “ Mukenji kayi udi munena?” Wakandamuna “Udi ne bua kunanga Mukalenga Nzambi webe ne moyo webe wonsu, ne anyima webe yonsu, ne lungenyi luebe luonsu”.

“Pashisha Yezu wakaba mukenji munena muibidi udi mufuanangane ne wakumpala: “Udi ne bua kunanga muntu neba bu muwudi mudinange” (Matayo 22:36–39). “Kakuena mukuabu mukenji mutamba eyi to” (Mako 12:31).

Bu bana ba Nzambi ba mu nyuma, tudi ne bukitu bunena bua dinanga. Tshidi tshitupa tshia bumpianyi buetu bua mu nyuma. Kuteka mu tshienzedi mikenji minena ibidi eyi—kunanga Nzambi kumpala ne kunanga muntu neba—kudi kuleja tshimanyinu tshia ngikadilu ya bayidi ba Yezu Kilisto.

Dinanga dia Nzambi

Kudi mishindu mivule itudi mua kuleja dinanga dietu bua Nzambi. Tudi mua kulama mikenji yenda (tangila Yona 14:15, 21). Tudi mua kumuteka kumpala mu mioyo yetu, kuteka dijinga dietu kudienda. Tudi mua kushindamija majinga etu, meji ne mitshima yetu kudiye (tangila Alama 37:36). Tudi mua kuikila ne kusakidila mu matuku etu a moyo bua mabenesha adiye mutupesha—ne bikala ne kalolo mu diabanya dia mabenesha â (tangila Mosiya 2:21–24; 4:16–21). Kupitshila ku disambila ne kudisadila bakuabu, tudi mua kuleja ne kushindika dinanga dietu buenda.

Bu mikenji mikuabu, mukenji wa kunanga Nzambi udi bua buimpa buetu. Tshitudi bananga tshidi tshileja tshitudi tukeba. Tshitudi tukeba tshidi tshileja tshitudi tuelela meji ne tuenza. Ne tshitudi tuelela meji tshidi tshileja tshitudi—ne tshi tualua.

Dinga bua Bakuabu

Kunanga bakuabu kudi dileja dinanga dietu bua Nzambi. Mupandishi mutulongesha mishindu ya bungi itudi bua kunanga bakuabu (tangila, bu tshilejelu, Luka 10:25–37 ne Matayo 25:31–46). Tudi tubapeta ne tubakidila mu mitshima yetu ne mu mioyo. Tudi tunanga mu kusadila—mu didifila ngayetu nansha mu mishindu mikesa. Tudi tunanga bakuabu mu kuenzela mapa adi Nzambi mu tupesha bua kubabenesha.

Kunanga bakuabu kudi kabidi kuikala ne lutulu, kalolo, ne bululama, Kudi ne kubuikidila tshianana. Tshidi tshiumvuija ne kuangata bantu bonsu ne kanemu.

Patudi bananga muntu, tuetu ne muntu awu bubidi tudi tubeneshibua. Mitshima yetu idi itanta, matuku etu a moyo adi alua mashidimuka, ne disanka dietu didiunda.

Mabenesha

Mikenji minena ibidi—Kunanga Nzambi ne muntu netu—bidi bishimikidi bia mikenji yonsu ya Nzambi (tangila Matayo 22:40). Patudi bananga Nzambi kumpala, ne bananga bakuabu kabidi, bintu bionsu mu matuku etu a moyo nebiangata muaba wabi. Dinanga nedilenga lumonu luetu, dienzela dia dîba dietu, ne tuipatshila tutudi tulonda, ne dilondangana dia bidi ne mushinga bietu.

Dilonga dia Mifundu

• 2 Nefi 31:20

• Mosiya 2–5

• Moloni 7:45–48; 10:32

• Matayo 22:36–40; 25:31–46

• Mako 12:28–33

• Luka 10:25–37

• Yona 13:34–35; 14:15, 21

• 1 Yona 4:7–8, 20–21; 5:3

• Yoshuwa 22:5

Longa bia Bungi pa Nshindamenu Ewu

• Buludiki bua mu Mifundu: “Bunangi,,” “Dinanga”

• Biena Bualu bia lumu luimpa: “Bunangi,” “Dinanga”

Kulonda Muambi

Nzambi udi ubikila bambi bua kuikala bimanyinyi benda pa buloba. Kupitshila ku bambi benda, udi ubuluila bulelela ne ufila buludiki ne madimuishi.

Nzambi wakabikila Joseph Smith bua kuikala muambi wa kumpala wa matuku a ndekelu (tangila Dilongesha 1). Bapinganyi ba Joseph Smith badi babikidibua momumua kudi Nzambi bua kulombola Ekelezia wenda, kuela ne muambi udi ulombola ekelezia lelu. Tudi mua kupeta dituishibua bua dibikila dia bunzambi dia muambi wa moyo ne kulonda malongesha enda.

Malongesha a bambi badi ne moyo ne bapostolo adi enza longo lua bulelela bua tshiendelela mu buloba budi bia mushinga bishintuluka. Patudi tulonda bambi ba Nzambi, tshimvundu ne matandu bia pa buloba kabiena mua kutuina to. Netupeta disanka dinena mu matuku etu a moyo ne kupeta buludiki bua tshitupa dietu tshia luendu lua tshiendelela.

Dilonga dia Mifundu

• Mosiya 15:11–12

• 3 Nefi 12:1–2

• Dilongesha ne Bipungidi 1:4, 37–38; 21:1–7; 136:37–38

• Bienzedi 10:34–43

• Efeso 2:19–20; 4:11–14

• Amosa 3:7

Longa Bia Bungi pa Nshindamenu Ewu

• Buludiki bua mu Mifundu: “Muambi,” “Muambi Mukaji,” “Nyuma wa Buambi, Kuamba ku Nyuma”

• Biena Biena Bualu bia Lumu luimpa: “Bambi,” “Nyuma wa Buambi”

Dibikila

Neulonda mibelu ya bambi badi ne moyo ba Ekelezia anyi?

Muyuki wa Ditambula ne Makonka Adi Akumbana

Udi witabuija ne [Mulombodi Mukulu wa Ekelezia udi koku] udi muambi wa Nzambi anyi? Tshidi tshiumvuija tshinyi bueba?

Kulama Mikenji Dikumi

Nzambi wakabuluila mikenji dikumi kudi muambi wakala muinyika Mose bua kuludika bantu benda. Mikenji eyi idi mikila ya kuteka mu tshienzedi mu matuku etu a lelu. Idi itulongesha bua kutendelela ne kuleja kanemu kudi Nzambi. Idi kabidi itulongesha mushindu wa kudituala ne bakuabu.

• “Kuikadi ne nzambi mikuabu kumpala kuanyi” (Ekesode 20:3). “Nzambi” mikuabu idi mua kuikala bintu bia bungi, bu mudi mpangu, bukola, nansha bintu bia mushinga.

• “Kudisongedi lupingu” (Ekesode 20:4).

• “Kuangatshi dina dia Yehowa, Nzambi weba, mu tshianana” (Ekesode 20:7).

• “Uvuluka dituku dia Sabata, bua kudilama dia tshijidila” (Ekesode 20:8).

• “Unemeka tatu weba ne mamu weba” (Ekesode 20:12).

• “Kushipi” (Ekesode 20:13).

• “Kuendi masandi” (Ekesode 20:14).

• “Kuibi” (Ekesode 20:15).

• “Kudingidi mukueba bujadiki bua mashimi” (Ekesode 20:16).

• “Kualakanyi” (Ekesode 20:17).

Lumuanu lua dilongesha: Kuikadi ne Nzambi mikuabu kumpala kuanyi.

Mu nsombelu ya bungi bantu badi banemeka bintu bidi bibavuluija Bunzambi anyi bankambua. Imua misangu bintu ebi, bu mudi mpingu, bimanyinu, ntendelelu, anyi miaba mikesa ya kusambila, bidi mua kuikala nshindamenu ya kutendelela kuabu. Ambuluisha bawudi ulongesha bua bashindamija ditabuija diabu ne batendelela Tatu wa mu Diûlu ne Yezu Kilisto.

Dilonga dia Mifundu

• Mosiya 13:11–24

• Dilongesha ne Bipungidi 35:24; 59:5–6

• Ekesode 20:1–17

• Dutelonome 5:6–21

Longa Bia Bungi pa Nshindamenu Ewu

• Buludiki bua mu Mifundu: “Mikenji, Dikumi”

• Biena-Bualu bia Lumu luimpa: “Mikenji Dikumi”

Dibikila

Neulama Mikenji Dikumi anyi?

muntu muluma muambula muntu mukaji

Kuteka Mukenji wa Bunonoka mu Tshienzedi

Mukenji wa bunonoka udi tshitupa tshia mushinga mu bulongolodi bua Nzambi bua lupandu ne dizanjikibua bietu. Malu a bulume ne bukaji a muanda pankatshi pa mulume ne mukaji bidi bijidila kudi Nzambi bua difuka dia bana ne bua kuleja dinanga mu dibaka. Bulume ne bukaji ne bukola bua kufuka moyo wa bantu bidi bilombimbua bua kuikala bimpa ne bia tshijila.

Mukenji wa bunonoka, udi ukandika dimanyangana dia mubidi pambelu pa dibaka dia ku mbulamatadi pankatshi pa muntu muluma ne mukaji. Mukenji ewu udi umvuija kabidi kuikala ne lulamatu ne bululama kudi muluma wenda anyi mukaji panyima pa dibaka.

Bua kutuambuluisha bua kulama mukenji wa bunonoka, bambi badi batubela bua kuikala batokeshibua mu meji etu ne mu diakula. Tudi ne bua kuepuka pornografi mu mishindu yonsu. Mu kulama mukenji wa bunonoka, tudi ne buakuikala bashilangana mu nsombelu yetu ne mu divuala dietu.

Badi bikala badilongolola bua ditambula badi ne mua kuteka mukenji wa bunonoka mu tshienzedi.

Dikudimuna Mutshima ne Dibuikidila

Ku mesu kua Nzambi, kudiatakaja mukenji wa bunonoka kudi kubi bikola (tangila Ekesode 20:14; Efeso 5:3). kudi kunyanga bukokeshi bua tshijila budiye mufila bua kufuka moyo. Kadi udi anu utungunuka ne kutunanga patudi badiatakaja mukenji ewu. Udi utumbikila bua kukudimuna mutshima ne kulua batoka kupitshila ku mulambu wenda wa bupikudi wa Yezu Kilisto. Kujimija ditekemena bua bubi kudi mua kuikala kupinganyina kudi ditalala dimpa dia dibuikidila dia Nzambi (tangila Dilongesha ne Bipungidi 58:42–43).

Mabenesha

Nzambi mufila mukenji wa bunonoka bua kutubenesha ne bana ba nyuma badiye utuma pa buloba. Ditumikila dia mukenji ewu didi dia mushinga bua ditalala dia nkaya ne bua kuikala ne dinanga, bulelela, ne bobumua mu malunda etu mu dîku.

Patudi tuteka mukenji wa bunonoka mu tshienzedi, netukubibua ku tshiniangu tshibi tshia nyuma tshidi tshifika kudienza malu a bulume ne bukaji a muanda pambelu pa dibaka. Netuepuka kabidi malu a mubidi ne a mu meji atu kumisangu ashindikija malunda â. Netukola mu lulamatu kumpala kua Nzambi (tangila Dilongesha ne Bipungidi 121:45). Netuikala bunzuluka ku buenzeji bua Nyuma wa Tshijila. Netuikala balongolodibua bimpa bua kuenza bipungidi bia tshijila mu ntempelo bidi bisangisha meku etu bua tshiedelela.

Bantu Babidi Basomba Pamua

Bantu babidi basombela pamua kabayi benza dibaka dia kubulamatadi pankatshi pa mulume ne mukaji kabena mua kutambuishibua tô anu patekabu mukenji wa bunonoka mu tshienzedi. Etshi tshidi tshiunvuija dibenga kuikala pamua—nansha bantu babidi ba bulume ne bukaji bushilangana anyi bantu babidi ba balume bua diatshimua—anyi, bua mulume ne mukaji, bimvuija ne kubuela mu dibaka. Bidi kabidi ne kuibidija ditabuija bua dikudimuna mutshima mudibi biamba mu Dilongesha ne Bipungidi 20:37. Dibaka pankatshi pa muntu muluma ne mukaji didi tshitupa tshia mushinga mu bulongolodi bua Nzambi.

Dibikila dia kuteka mukenji wa bunonoka mu tshienzedi didi mua kutuala lutatu kudi bamua bantu bawudi ulongesha. Ikala usambila ne ntema ku bualu bua muntu yonsu. Londa bujinguludi bua Nyuma pawudi ulongesha. Ikala mutalama ne kuakudi mu malu masungudibua nansha. Biobi bilombibua, keba mumbelu kudi mulombodi mukulu wa bukenji bua malu musungudibua.

Dilonga dia Mifundu

• 3 Nefi 12:27–30

• Dilongesha ne Bipungidi 42:22; 59:6; 63:16

• Matayo 5:27–28

• Efeso 5:3–5

Longa Bia Bungi pa Nshindamenu Ewu

• Buludiki bua mu Mifundu, “Bunonoka”

• Biena Bualu bia Lumu luimpa: “Bunonoka”

Mabikila

Neulama bukezuka mu meji ne mu bibidilu bieba anyi? Neunemeka mukenji wa bunonoka anyi?

Makonka a Muyuki wa Ditambula adi Akumbana

• Ntshinyi tshiwudi umvua pa mukenji wa bunonoka, udi ukandika dimanyangana dia mibidi pambelu pa dibaka dia ku mbulamatadi pankatshi pa muntu muluma ne mukaji? Neunemeka mukenji ewu kumpala ne panyima pa ditambula anyi?

• Ukatu mutua mpanda ku ditula difu anyi? [Biakumanya: Muntu udi wandamuna eyowa ku lukonku elu, udi ne bua kuyukila ne mulombodi mukulu wa bukenji anyi mufidi wa ngenyi muabika kumpala kua ditambula dianyishibua.]

Kunemeka Mukenji wa Tshia Dikumi

Mushinga munena wa kuikala tshidimba tshia Ekelezia udi tshipolu tshia kufuta tshia dikumi. Patudi tufila tshia dikumi, tudi tuambuluisha bua mudimu wa Nzambi kuya kumpala ne kubenesha bana benda.

Mukenji wa tshia dikumi udi ne mbangilu mu tshikondo dia Dipungila Dikulukulu. Tshilejilu, muambi Abalahama uvua mufuta bia dikumi bia bionsu bivuaye mupeta (tangila Alama 13:15; Genese 14:18–20).

Muaku Tshia Dikumi udi umvuija tshimua tshia pa dikumi. Patudi tufuta tshia dikumi, tudi tufila tshimua tshia pa dikumi tshia kubipeta bietu kudi Ekelezia (tangila Dilongesha ne Bipungidi 119:3–4; makasa tshidi tshiumvuija tshipeta). Bionsu bitudi nabi bidi dipa dia kudi Nzambi. Patudi tufila tshia dikumi, tudi tuleja disakidila kudiye mu kupingaja tshitupa tshia kubidiyi mutupesha.

Kufuta tshia dikumi tshidi mushindu wa kuleja ditabuija dietu. Tshidi kabidi mushindu wa kunemeka Nzambi. Yezu wakalongesha tudi mua “kukeba … kumpala bukalenga bua Nzambi” (Matayo 6:33), ne tshia dikumi tshidi mushindu wa kuenza nanku.

Mulambu wa Mukaji Mukamba, kudi Sandra Rast

Kuenzela kua Mpetu ya Tshiadi Dikumi

Mpetu ya Tshia Dikumi idi ya tshijila. Tudi tufila tshia dikumi tshietu kudi tshidimba tshia buepiskopo, anyi mu miamba mikuabu tudi mua kufuta mu nshinga. Padi buepiskopo bupeta tshia dikumi, badi batshituma ku bulombodi bunena bua Ekelezia.

Tshipangu tshienza kudi Bulombodi Bukulu bua Kumpala, Mpuilu wa Bapostolo Dikumi ne Babidi, ne Balombodi Bakulu ba Buepiskopo badi bangata mapangadika bua mushindu wa kuenzela mpetu ya tshia dikumi mu mudimu wa Nzambi (tangila Dilongesha ne Bipungidi 120:1). Dienzela edi didi ne:

• Dibaka ne dilama dia ntempelo ne Nzubu ya bisangilu.

• Dikudimuna ne diela patoka dia mifundu.

• Ditua mpanda ku bibilu ne malu a sangilu a Ekelezia ya pa muaba.

• Ditua mpanda ku mudimu wa bena bukenji mu buloba bujima.

• Ditua mpanda ku mudimu wa muyuki wa dîku.

• Mpetu ya tulasa ne dilonga.

Tshia dikumi kabena ba tshienzela bua kufuta balombodi ba Ekelezia ba pamuaba to. Badi basadila ku didisiula kakuyi difutu.

Mabenesha

Patudi bikala tufuta tshia dikumi, Nzambi udi utulaya mabenesha manena mapita bintu bitudi bafila. Yeya “neunzulule … bibi bia mu diûlu, ne kunulokeshila … dibenesha, ne kakuakuila nzubu mukumbana bua kubiteka” (Malaki 3:10; tangila kanungu 7–12). Mabenesha â adi mua kuikala bubidi a mu nyuma ne mu mubidi.

Dilonga dia Mifundu

• Dilongesha ne Bipungidi 119; 120

• Matayo 6:33

• Ebelu 7:1–2

• Genese 14:18–20

• Lewitiki 27:30–33

• Malaki 3:7–12

Longa Bia Bungi pa Nshindamenu Ewu

• Buludiki bua mu Mifundu, “Bia Dikumi, Tshia Dikumi”

• Bualu bia Lumu luimpa: “Tshia Dikumi”

Dibikila

Neutumikila mukenji wa tshia dikumi pawudi utambuishibua anyi?

Muyuki wa Ditambula ne Makonka Adi Akumbana

Ntshinyi tshiwudi umvua pa mukenji wa tshia dikumi? Neutumikila mukenji ewu anyi?

Kufila kua Tshiadikumi ne Mikuabu Milambu

Leja bidimba bipia-bipia mushindu wa kufuta tshia dikumi ne milambu kudi tshidimba dia buepiskopo (kuenzela dibeji dia difidila) anyi mu nshinga (tangila donations.ChurchofJesusChrist.org).

Umvuija ne tshidimba tshia buepiskopo ne kaleleki badi balama ne kalolo mpetu mifila ya tshia dikumi ne minga milambu. Milumbu yonsu ya mpetu idi milamibua mu musokoku mukola.

Bidimba bidi bienza muyuki pa difila diabo dia tshia dikumi ne muepiskopo ku ndekelu kua tshidimu tshionsu. Mu tshisangilu tshia nkaya etshi, badibamba lulamatu luabu mu difuta tshia dikumi ne badi mua kupeta luapolo lua bionsu bidibu bafila.

Kutumikila Dîyi dia Lugenyi

Mukenji wa Mukalenga bua Makanda a Mubidi

Mubidi wetu udi dipa dia tshijikila dia kudi Nzambi. Tudi Dijinga ne mubidi wa mupimbu bua kulua bu yeya. Mibidi yetu idi mikala ne mushinga ne mifundu idi mikala imufanyikija ne ntempelo (tangila 1 Kolinto 6:19–20).

Mukalenga musua bua tuetu kulama mubidi wetu ne kanemu. Bua kutuambuluisha bua kuenza nunku, Wakabuluila mukenji wa mubidi ubikidibua ne Dîyi dia Lugenyi. Dibuluibua edi didi ditulongesha pa kudia biakudi bidi bidisha mubidi kubenga kudia bintu bididi biosha mibidi yetu—nangananga bu mudi maluvu, mfuanga, ne biadinua bidi bipepa (bumudi tshiayi ne kafe).

Mu nyuma wa dîyi dia lungenyi, bambi ba lelu badi batudimuisha kudienzela dia bintu bikuabu bibi biosha, bidi kabiyi bianyisha kudi mbulamatadi, anyi bifila bupika. Bambi mbatudimiunsha kabidi bua dinua dibi dia manga. (Mulombodi mukulu wa bukenji wenu neandamuna nkonku pikala dinua dia bikuabu bintu bisungunuka pa muaba uwudi usombela kabiyi mua kunuika.)

Mabenesha

Mukalenga mufila Dîyi dia Lungenyi bua buikadianganyi buimpa buetu bua mu mubidi ne mu nyuma. Mulaya mabenesha manena patudi tulama mukenji ewu. Mabenesha â adi ne makanda a mubidi, meji, ne bubanji bua dimanya ne bukumbi (tangila Dilongesha ne Bipungidi 89:18–21).

Kutumikila dîyi dia lungenyi nekutuambuluisha bua kuikala bakumbana bua kupeta majingulula a Nyuma wa Tshijila. Nansha tuetu bikala ne ntatu ya bukola bua mubidi, ditumikila mukenji ewu nedituambuluisha bua kuikala ne makanda mimpa a mubidi, meji, ne nyuma.

Badi bikala batambuishibua badi ne bua kutumikila Dîyi dia Lungenyi.

Bua buludiki pa kuambuluisha bantu badi bikala badienzeja ne bilela bidi bifila bupika tangila Shapita10.

Dilonga dia Mifundu

• Dilongesha ne Bipungidi 59:15–20; 88:124; 89

• 1 Kolinto 6:19–20

Longa Bia Bungi pa Nshindamenu Ewu

• Buludiki bua mu Mifundu, “Dîyi dia Lungenyi.”

• Biena-Bualu bia Lumu luimpa: “Makanda a Mubidi,” “Dîyi dia Lungenyi”

• Diambuluisha dia Moyo: “Addiction”

Dibikila

Neutumikila Dîyi dia Lungenyi anyi?

Makonka a Muyuki wa Ditambula adi Akumbana

Ntshinyi tshiwudi umvua pa Dîyi dia Lungenyi? Neutumikila Dîyi dia Lungenyi kumpala ne panyima pa ditambula dieba anyi?

Kulama Dituku dia Sabata dia Tshijila

Dituku dia Kuikisha ne Kutendelela

Sabata udi dituku tshia tshijila didi Nzambi muteka pa buadi buetu mu lumingu lonsu bua kuikisha ku midimu yetu ya matuku onsu ne kumutendelela. Umua wa ku mikenji Dikumi mipesha Mose udi wa “kuvuluka dituku dia sabata, kudilama dia tshijila” (Ekesode 20:8; tangila kabidi kanungu 9–11).

Mu dibuluibua dia lelu, Mukalenga mujadikulula ne Sabata “udi dituku disungula buetu bua kuikisha ku midimu yetu, ne kufuta milambu yetu kudi Mutamba Bunena wa mu Dîulu” (Dilongesha ne Bipungidi 59:10). Wakaba kabidi ne Sabata ikala dituku dia disanka, disambila, ne disakidila (tangila kanungu 14–15).

Bu tshitupa tshietu tshia kutendelela mu Sabata, tudi tuya mu tshisangilu dia biakudia bia tshijila lumingu lonsu. Mutshisangilu etshi, tudi tutendelela Nzambi ne tuangata biakudia bia tshijila bua kuvuluka Yezu Kilisto ne Bupikudi buenda. Patudi tuangata biakudia bia tshijila, tudi tuenza kabidi bipungidi bietu ne Nzambi ne kuleja ne tudi ne dijinga dia kukudimuna mutshima bua mibi yetu. Mululu wa biakudia bia tshijila udi nshindamenu wa ditumikila dituku dia Sabata.

Mu ekelezia tudi kabidi tubuela mu kalasa mutudi tulonga bia bungi pa lumu luimpa lua Yezu Kilisto. Ditabuija dietu didi didiunda patudi tulonga mifundu pamua. Dinanga dietu didi didiunda patudi tusadila ne tukolesha umua ne umua.

Bua kukumbaja ku dikisha ku midimu yetu mu Sabata, tudi mua kubenga kusumba bintu ne bibilu bidi mua kuenza ne tumvua dituku edi bu matuku onsu. Tudi tuteka kuluseka bibilu bia pa buloba ne tushidamija meji etu ne bienzedi bietu ku malu a nyuma.

Dituku dia Kuenza Malu Mimpa.

Kuenza malu mimpa mu dituku dia Sabata kudi ne mushinga mupita kubenga kuenza buakudilama dia tshijila. Tudi tulonga ne lumu luimpa ludi, lukolesha ditabuija, luibaka malunda, lusadila, ne kubuela mu bibilu bikuabu bidi bibandisha ne dîku ne balunda.

muluma ne mukaji babala mifundu

Mabenesha

Kulama dituku dia Sabata dia tshijila kudi kuleja ntendelelu yetu kudi Tatu wa Mu dîulu ne Yezu Kilisto. Patudi tuenza bua bibilu bietu bia Sabata bipetangana ne dijinga dia Nzambi bua dituku edi netumvua disanka ne ditalala. Netuikale badishibua mu nyuma ne bakajilula mu mubidi. Netudiumvua pabuipi ne Nzambi ne tushindika malunda etu ne Mupandishi wetu. Netudikuba “ku bukoya bua pa buloba” (Dilongesha ne Bipungidi 59:9). Sabata nealua “disanka” (Yeshayi 58:13; tangila kabidi kanungu 14).

Dilonga dia Mifundu

• 3 Nefi 18:1–12

• Dilongesha ne Bipungidi 59:9–15

• Mose 3:1–3

• Matayo 12:10–13

• Ekesode 20:8–11; 31:12–13, 16–17

• Yeshaya 58:13–14

Longa Bia Bungi pa Nshindamenu Ewu

• Biena Bualu bia Lumu luimpa: “Dituku dia Sabata”

• Buludiki bua mu Mifundu: “Dituku dia Sabata”

Mabikila

• Neulama dituku dia Sabata tshia tshijila ne kuikala mu Ekelezia lumingu lonsu anyi?

• Neudilongolola bua kuangata biakudia bia tshijila panyima pa ditambula anyi?

• Neulua netu bua kumonangana ne muepiskopo (anyi mulombodi wa ditamba) wa tshisumbu tshietu anyi?

Makonka a Muyuki wa Ditambula adi Akumbana

Ntshinyi tshiwudi umvua pa kulama dituku dia Sabata tshia tshijila, pa kuangata biakudia bia tshijila lumingu lonsu ne kusadila bakuabu? Neutumikila mikenji eyi kumpala ne panyima pa ditambula dieba anyi?

Kuenza mudimu mu Sabata

Bidimba bia Ekelezia bitu misangu mikuabu bilombibua bua kuenza mudimu mu Sabata kudi badi babangata ku mudimu anyi bua kuandamuna ku majinga abu anyi majinga a nsangilu. Mu malu â, bidimba bidi bilama nyuma wa Sabata mu mishindu yonsu. Bidimba bidi kabidi mua kuyikila ne balombodi babu bua bualu ebu.

Kutumikila ne Kunemeka Dîyi

Bansantu ba Matuku a Ndekelu badi bitabuija mu ditumikila dîyi ne mu kuikala bena ditunga bimpa (tangila Dilongesha ne Bipungidi 134; Kanungu kaditabuija1:12). Bidimba bia Ekelezia bidi bikankamika bua kusadila bua kulengeja nsangilu yabu ne matunga. Badi kabidi bakankamikibua bua kuikala benzeji ba kudituala kuimpa mu meji mu tshiapu ne mu bukalenga.

Bidimba bia ekelezia bidi bibikidibua bua kuikala mu bukalenga ne mu tshididi bilodangana ne dîyi. Bidimba bidi ne miaba mu bukalenga bidi bienza malu mu buikadi ebu bu bena ditunga, kabena benza bu bimanyinyi ba Ekelezia to.

Dilonga dia Mifundu

• Dilongesha ne Bipungidi 58:21; 134

• Tunungu tua Ditabuija 1:12

Longa Bia Bungi pa Nshindamenu Ewu

• “Tshididi ne Bibilu bia Maludiki” mu tshitupa 38.8 Tshia Mukanda Munena wa Maludiki

• Biena Bualu bia Lumu Luimpa: “Buena Ditunga”

Dibikila

Neutumikila mêyi ne mikenji bia ditunga diwudi muikala anyi?

Makonka a Muyuki wa Ditambula adi Akumbana

Ukatu muenza bualu bubi bukola anyi? Pikalebi nanku, udi mulekedibua anyi utshidi mukuatshibua? [Biakumanya: Muntu udi wandamuna eyowa ku lukonku elu, udi ne bua kuyukila ne mulombodi mukulu wa bukenji anyi mufidi wa ngenyi muabika kumpala kua ditambula dianyishibua.]

Mukulumpa mu Bukalenga, kudi J. Kirk Richards

Tshipungidi Tshietu bua Kusadila Nzambi ne Bakuabu

Disadila

Patudi tutambuishibua, tudi tuenza tshipungidi bua kusadila Nzambi ne bakuabu. Disadila bakuabu tshidi tshimua tshia ku mishindu ya kusadila Nzambi (tangila Mosiya 2:17). Muambi Alama wakalongesha aba badi dijinga kuikala batambuishibua nebikala ne dijinga bua kuambuilangana majitu, … kudila ne badi badila … , ne kusamba badi ne dijinga dia disamba” (Mosiya 18:8–9).

Pangabi panyima pa ditambula, bidimba bipia-bipia bidi bipeta dibikila dia kusadila mu Ekelezia. Mabikila adi kubudisiula ne kakuyi difutu. Patudi tuitaba ne tusadila ne dinanukila, tudi tukola mu ditabuija, tutantshisha mapa etu, ne tubenesha bakuabu.

Tshitupa tshikuambu tshia kusadila kuetu mu Ekelezia tshidi kuikala “tatu mukubi” anyi “mamu mukubi.” Mu bujitu ebu, tudi kusadila bantu ne mêku batuambika.

Bu bayidi ba Yezu Kilisto, tudi tukeba mishindu ya kusadila dituku dionsu. Bu yeya, tudi tuya “bua kuenza malu mimpa” (Bienzedi 10:38). Tudi tusakidila muena mutumba ne bakuabu mu nsangilu yetu. Tudi mua kubuela mu bulongolodi bua diambuluisha kupitshila ku ndongamu wa JustServe muaba udiye koku. Tudi mua kutua mpanda ku mudimu wa Ekelezia wa kuambuluishi bantu ne kuikala diandamuna adiku njiwu minena.

Dilonga dia Mifundu

• Mosiya 2:17; 4:15–16, 26; 18:8–10; 23:18

• Dilongesha ne Bipungidi 42:38

• Matayo 25:34–46

• Luka 22:25–37

• Yakobo 1:27; 2:17

Longa Bia Bungi pa Nshindamenu Ewu

• Buludiki bua mu Mifundu : “Disadila”

• Biena-Bualu bia Lumu luimpa: “Disadila”

Dibikila

Newitaba dibikila anyi diambikibua padibu bakubikila anyi (bitangila diambikibua bu tatu mukubi anyi mamu mukubi)?

bantu bayikila

Kutangalaja Lumu Luimpa

Bu tshitupa tshia tshipungi tshia ditambula dietu, tudi balaya “ne kuikala bajadiki ba Nzambi” (Mosiya 18:9). Mushindu umua wakuikala bajadiki udi wa kutangalaja lumu luimpa lua Yezu Kilisto. Kuambuluisha bakuabu bua kupetabu lumu luimpa kudi umua wa disanga dinena dia kusadila utudi mua kufila (tangila Dilongesha ne Bipungidi 18:15 -16). Tshidi mushindu munena wa dinanga dietu.

Patudi tuibidila ne mabenesha a kuteka lumu luimpa mu tshienzedi, tudi bushuwa ne dijinga dia kutangalaja mabenesha awu. Bidimba bia dîku, balunda, ne bamanyangana badi bajinga kumanya patudi tuleja tshilejelu tshia lulamatu ne bamuana mudi lumu luimpa lubenesha mioyo yetu. Tudi mua kutangalaja lumu luimpa mu mushindu muimpa ne mu mupepela (tangila Mukanda Munena wa Maludiki, Shapita 23).

Tudi tubikila bakuabu bua kuikala netu mu kusadila, nsangilu, manayi a disanka, ne mu bibilu bia Ekelezia. Tudi mua kubabikila mu tshisangilu tshia Ekelezia anyi mu tshisangilu dia ditambula. Tudi mua kubabikila bua kutangila bindindimbi mu nshinga bidi biumvuija lumu luimpa lua Yezu Kilisto, bua kubala Mukanda wa Molomo, anyi kuya katangila bibi biunzulula bia ntempelo. Kudi mishindu lukama ya mabikila itudi mua kuvudija. Kumisangu, dibikila dipepela didi diumvija kubikila dîku dietu, balunda, ne bena mutumba mu bitukadi tuenza.

Tuetu balomba, Nzambi neatuambuluisha bua tuetu kujandula bipolu bia kutangalaja lumu luimpa ne kuambila bakuabu munyi mudilu lubenesha mioyo yetu.

Bua kupeta bia bungi pa kuteka nshindamenu ya dinanga, ditangalaja, ne dibikila, mu tshienzedi, tangila “Unite with Members [Sangila ne Bidimba]” mu shapita 9.

Dilonga dia Mifundu

• Dilongesha ne Bipungidi 88:81

• Matayo 28:19–20

Longa bia Bungi pa Nshindamenu Ewu

• Buludiki bua mu Mifundu: “Mudimu wa Bukenji”

• Biena Bualu bia Lumu luimpa: “Mudimu wa Bukenji”

Mabikila

• Neusambila bua bena bukenji ne bua bipolu bia kutangalaja lumu luimpa anyi?

• Neukeba bua kuteka mu tshienzedi nshindamenu ya dinanga, ditangalaja, ne kubikila balunda beba, bamanyangana, ne bakuabu anyi?

Kujila kua Biakudia ne Milambu ya kujila

Nzambi mufila mukenji wa kujila bu mushindu wetu wa kutantshisha bukola buetu bua nyuma ne bua kuambuluisha bakuabu badi mu dijinga.

Kujila kudi kumvuija ne kubenga biakudia ne bia kunua bua tshitupa tshia dîba. Ekelezia muteka dialumingu dia kumpala dia ngondu yonsu bu dituku dia Kujila kua biakudia. Dituku dia kujila didi ne kubenga biakudia ne bia kunua bua tshitupa tshia meba 24 patudi bikala tukubana mu mubidi. Tshitupa tshikuabu tshia mushinga tshia Dialumingu dia kujila tshidi ne kusambila ne kufila bujadiki. Tudi kabidi bakankamikibua bua Kujila biakudia mu meba makuabu patudi tumvua dijinga.

Kutantshisha Bukola bua Nyuma

Kujila kua biakudia kudi mua kutuambuluisha bua kulua bakana, kusemena pabuipi ne Nzambi, ne kumvua bafululuka mu nyuma. Kumpala kua kubanga mudimu wenda, Yezu Kilisto wa kajila biakudia (tangila Matayo 4:1–2). Mifundu miandika milubu ya bungi ya bambi ne kujila kukuabu kua biakudi bua bobo kutantshisha bukola buabo bua nyuma ne kukeba mabensha apabuawu buabu anyi bua bakuabu.

Kujila kua biakudia ne disambila bidi bienda pamua. Patudi tujila biakudia ne tusambila ne ditabuija, tudi bikala pabuipi bua kupeta dibuluila dia nkaya. Tudi kabidi bakubana bua kujandalu bulela ne kumvua disua dia Nzambi.

Kuambuluisha Badi mu Dijinga.

Patudi tujila bia kudia, tudi tufila makuta kudi Ekelezia bua kuambuluisha bantu badi ne majinga. Etshi tshidi tshibikidibua ne mulambu wa kujila kua biakudia. Tudi babikidibua bua kufila mulambu udi muikala ukubanagna ne biakudia bitumvua ne mua kudia. Tudi bakankamikibua bua kiukala ne kalolo ne kufila bia bungi bipita bituvua ne mua kudia biobi bikumbana. Kufila mulambu wa kujila kua biakudia udi umua mushindu wa tuetu kusadila bakuabu.

Milambu ya kujila idi mienzela bua kupesha biakudia ne binga bintu kudi badi mu majinga, bubidi pamuaba ne buloba bujima. Bua kupeta bia bungi pa mushindu wa kufila milambu wa kujila kua biakudia, tangila “Donating Tithes and Other Offerings [Difila bia Dikumi ne Milambu Mikuabu]” mu dilongesha edi.

Dilonga dia Mifundu

Kujila kua Biakudia

• Alama 5:45–46; 6:6; 17:2–3

• Morloni 6:5

• Dilongesha ne Bipungidi 59:12-16; 88:76

• Yeshaya 58:6–11

Dikuba dia Aba Badi mu Dijinga

• Mosiya 4:16–27

• Alama 4:12–13

• Matayo 25:34–46

Longa Bia Bungi pa Nshindamenu Ewu

• Buludiki bua mu Mifundu: “Kujila, Kujila kua Biakudia”

• Mukanda Munena wa Maludiki: 22.2.2

• Biena Bualu bia Lumu luimpa: “Kujila kua Biakudia ne Milambu ya Kujila kua biakudia”

Mabikila

• Neujila biakudia ne kusambila bua dijinga disunguluka mu Dialumingu dia kujila kua biakudia didi dilonda anyi?

• Neufila mulambu wa kujila kua biakudia (panyima pa wewe mutambuishibua) anyi?

dîku pambelu pa ntempelo

Tshipungidi Tshietu bua Kunanukila ne Kundekelu

Patudi tutambuishibua, tudi tuenza tshipungidi ne Nzambi bua “kunanukila tô ne kundekelu” mu diteka dia luimpa lua Yezu Kilisto mu tshienzedi (2 Nefi 31:20; tangila kabidi Mosiya 18:13). Tudi tuditatshisha bua kulua bayidi ba Yezu Kilisto ba kashidi.

Mukanda wa Molomo muambi Nefi udi umvuija ditambula bu tshîbi tshitudi tubuela mu njila wa lumu luimpa (tangila 2 Nefi 31:17). Panyima pa ditambula, tudi tutungunuka ne “ kusêsa kumpala ne disuminyina mu Kilisto” (2 Nefi 31:20).

Patudi “tusêsa kumpala” mu njila wa buyidi, tudi tudilongolola bua kuya ku ntempelo. Momu netuenza bipungidi ne Nzambi patudi tupeta milulu ya mu ntempelo. Mu ntempelo, netuikala bambikibua ne bukola ne mua kuikala kusuikibua bu mêku bua tshiendelela. Dilama dia bipungidi bitudi benza mu ntempelo nebiunzulula tshîbi tshia diakalenga dionso dia nyuma ne mabenesha bidi Nzambi nabi buetu.

Patudi tutungunuka ne lulamatu mu njila wa lumu luimpa, netupeta bushuwa dipa dinena dia Nzambi—dipa dia moyo wa tshiendelela (tangila 2 Nefi 31:20; Dilongesha ne Bipungidi 14:7).

Bitupa bidi bilonda ebi bidi biumvuija mishindu idi Nzambi mulongolola bua kutuambuluisha bua kunanukila tô ne kundekelu mu luendu luetu lua mu mubidi wa tshifuaka—ne kupeta disanka momu.

Buakuidi ne Malongolodi a Ekelezia

Buakuidi budi bukola ne bukokeshi bua Nzambi. Kupitshila ku buakuidi, Tatu wa mu Diûlu mukumbaja mudimu wenda, “bua kuwuja dibenga kufua ne muoyo wa tshiendelela” wa bana benda (Mose 1: 39). Nzambi mufila bukokeshi ne bukola kudi bana benda balume ne bakaji pa buloba bua kuambuluisha mudimu wenda kukumbana.

Buakuidi budi bubenesha bantu bonsu. Milulu bumudi ditambula ne biakudia bia tshijila bidi bipetshibua kudi aba badi mu mulongu wa buakuadi. Tudi kabidi tupeta mabenesha a londapu, disamba, ne mubelu.

Buakuidi ne Balombodi bua mu Ekelezia ne Mabikila

Ekelezia udi mulombodibua kudi Yezu Kilisto kupitshila ku bapostolo ne bambi. Balombi aba badi babikidibua kudi Nzambi, ne bajadikibua, ne bapeshibua bukokeshi bua kuenza malu mu dîna dia Mupandishi.

Pakala, Kilisto uvua mupesha Bapostolo benda bukokeshi bua buakuidi bua momumua, buvua bu bambuluisha bua kulombola Ekelezia wenda panyima pa yeya mubanda mu dîulu. Bulelela bukokeshi abu buakajimina pavua bantu babenga lumu luimpa ne pakafua Bapostolo.

Batumibua ba mu diûlu bakalua kualujulula buakuidi mu 1829 kupitshila ku muambi Joseph Smith, ne Mukalenga wa kajadika tshiakabi Ekelezia wenda ne bapostolo ne Bambi. (Tangila Dilongesha 1.)

Mu bulombodi bua pabuipi, bepiskopo ne balombodi bakulu ba makunji badi ne bukokeshi bua buakuidi bua kulombola bisangilu bia Ekelezia.

Padi muntu muluma ne mukaji babikidibua ne batekibua pa muaba bua kusadila mu Ekelezia, badi bapeshibua bukoshi bua kudi Nzambi bua kuenza mudimu mu dibikila adi. Bukoshi ebu budi bupeshibua kudi bena bukenji, balombodi, balongeshi, ne bakuabu tô ne padibu babumusha ku mabikila abu. Budi bupeshibua ku bulombodi kua aba badi ne nsapi ya buakuidi.

Bukokeshi bua buakuidi budi mua kuikala buenzela anu mu buakana (tangila Dilongesha ne Bipungidi 121:34–46). Bukokeshi ebu budi lulamatu lua tshijila bua kuimanyina Mupandishi ne kuenza malu mu dîna dienda. Bitu nangananga ne luidi lua kubenesha ne kusadila bakuabu.

Bansongaluma mu kalasa ka dialumingu

Buakuidi bua Alona ne Buakuidi bua Melekisedeke

Mu Ekelezia, buakuidi budi ne bitupa bibidi: Buakuidi bua Alona ne Buakuidi bua Melekisedeke. Kupitshila ku bulomboddi bua aba badi ne nsapi ya buakuidi, buakuidi bua alona ne buakuidi bua Melekisedeke bidi bifidibua kudi bidimba bia baluma bijalama bia Ekelezia. Panyima pa buakuidi budi bukumbana bufidibua, muntu udi mujidibua mu mulongu wa mu buakuidi, bu diakre anyi mukulu. Udi ne mua kuikala mujidibua kudi ewu udi muikala ne bukokeshi bukubana.

Padi muntu mulama mukola anyi nsonga upeta buakuidi, udi wenza tshipungidi ne Nzambi tshia kuwuja majitu a tshijila, kusadila bakuabu, ne kuambuluisha bua kuibaka Ekelezia.

Bansongaluma badi bapeta buakuidi bua Alona ne batekibua mu mulongu wa ba diakre kubangila mu ngondu wa kumpala wa tshidimu tshidibu bakumbaja bidimu 12. Badi ne tshia mua kubateka mu mulongo wa balongeshi adibu bakumbaja bidimu 14 ne bakuidi padibu bakumbaja 16. Bantu baluma badi bakudimuna moyo badi ne bidimu bikumbana badi mua kupeta Buakuidi bua Alona pangabi panyima pa ditambula ne dijadikibua. Aba badi ne Buakuidi bua Alona badi bakumbaja milulu bumudi biakudia bia tshijila ne ditambula.

Panyima pa disadila bu muakuidi mu buakuidi bua Alona, muntu muluma muakana wa bidimu 18 udi mua kupeta Buakuidi bua Melekisedeke ne mujidibua mukulu. Bantu balume badi bapeta Buakuidi bua Melekisedeke badi mua kukumpaja milulu bumudi kufila mabenesha a londopu ne dikankamika kudi bidimba bia mêku ne bakuabu.

Tangila Mukanda Munena wa Maludiki, 38.2.9.1, bua ngumu pa bidimba bipia-bipia bipeta buakuidi.

Mpuilu ne Malongolodi a Ekelezia

Mpuilu ya Buakuidi Mpuilu tshidi tshisumbu tshilongolola tshia badi ne buakuidi. Tshikongu tshionsu tshidi ne mpuilu wa bakulu bua bantu bakola baluma. Mpuilu wa Diakre, balongeshi, ne wa bakuidi bidi bua basongalume.

Kasumbu Kambuluishi Kasumbu Kambuluishi kadi ne bantu bakanji ba bidimu 18 ne kubanda. Bidimba bia Kasumbu Kambuluishi bidi bikolesha meku, bantu, ne nsangilu.

Bansonga Bakaji Bansonga bakaji badi babuela mu bulongolodi bua bansonga bakaji kubangila kua ngondu wa tshidimu tshidibu bakumbaja bidimu 12.

mamu ulongesja mu kalasa

Tshilongelu tshia Mbedi Bana badi ne bidimu 3 tô ne 11 badi tshitupa tshia bulongolodi bua Tshilongelu tshia Mbedi.

Kalasa ka Dialumingu Bantu bakola bonsu ne bansonga badi babuela mu Kalasa ka Dialumingu, muaba udibu basangila bua kulonga mifundu pamua.

Bua kupeta bia bungi pa buakuidi, tangila Mukanda Munena wa Maludiki, shapita 3.

Bua kupeta bia bungi pa buakuidi ne malongolodi a Ekelezia, tangila Mukanda Munena wa Maludiki, shapita 8–13.

Dilonga dia Mifundu

• Mosiya 18:17

• Alama 13:1–19

• Dilongesha ne Bipungidi 20:38–65; 84:19–20; 107; 121:34–46

• Tunungu tua Ditabuija 1:5

• Luka 9:1–6

• Yone 15:16

• Yakobo 5:14–15

Longa Bia Bungi pa Nshindamenu Ewu

• Mukanda Munena wa Maludiki, Shapita 3: “Nshindamenu ya Buakuidi”

• Biena -Bualu bia Lumu luimpa: “Buakuidi bua Alona,” “Buakuidi bua Melekisedeke,” “Buakuidi”

Mabikila

• Neudilongolola bua kupeta Buakuidi bua Alona anyi? (Bua bantu balume badi ne bidimu 11 ne bia bungi)

• Neudilongolola bua kupeta Buakuidi bua Melekisedeke anyi? (Bua bantu bakola balume)

• Neudibuinka mu kuenza mudimu mu bulongolodi bua Ekelezia budi bukukumbana anyi?

Dibaka ne Mêku

Dibaka

Dibaka pankatshi pa muntu muluma ne mukaji didi dijidibua kudi Nzambi. Tshidi munkatshi mua bulongolodi buenda bua dilubuluka dia tshiendelela dia bana Benda.

Didisanga dia mulume ne mukaji mu dibaka tshidi mua kuikala bulunda bua dinanga bua pa buloba. Badi ne bujitu bua tshijila bua kuila ne bululama kudi umua ne umua ne lulamatu ku bipungidi biabu bia dibaka.

Mulume ne mukaji badi mumua ku mesu kua Nzambi. Umua kena mua kumuenena mukuabu to. Mapangadika abu adi ne bua kuenzeka mu bobumua ne dinanga, ne didiienzeja mu bubidi buabu.

Bu mulume ne mukaji nanganganayi umua ne umua ne enzayi mudimu pamua, dibaka diabu didi mua kuikala mpokolo wa disanka diabu dinena. Badi mua kuambuluishangana umua ne umua ne bana babu bua baya kumpala mu moyo wa tshiendelela

Dîku

Bu dibaka, dîku didi dijadika kudi Nzambi ne didi munkatshi mua bulongolodi buenda bua tshisanka dia tshiendelela. Mêku etu adi mua kuikala ne disanga patudi tuteka malongesha a Yezu Kilisto mu tshienzedi. Baledi badi ne bua kulongesha bana babu lumu luimpa lua Yezu Kilisto ne kuleja tshilejelu tshia diteka mu tshiezendi. Mêku adi atupesha mpunga ya tuetu kunanga ne kusadilangana umua ne umua.

Baledi badi ne mua kuenza mêku abu tshintu tshia mushinga mutamba bionsu. Tshidi tshipolu tshia tshijila ne bujitu bua baledi kukuba bana babu anyi badibu bakubena bua kupeta anyi badibu bakolesha.

Mêku onsu adi ne ntatu Patudi bikala tukeba diambuluisha dia Nzambi ne tulama mikeji yenda, ntatu ya dîku idi mua kutuambuluisha bua kulonga ne kukola. Misangu mikuabu ntatu eyi idi ituambuluisha bua kukudimuna mutshima ne kubuikidila.

Tatu ulongesha dîku

Balombodi ba Ekelezia badi bakankamika bidimba bua kuenza dilolu dia nzubu dia ku lumingu. Baledi badi ne bua kuangata diba edi bua kulongesha bana babu lumu luimpa, kukolesha malanda abu, ne kunaya pamua. Balombodi ba Ekelezia badi kabidi benza dimanyisha didi dilongesha bulela bua mushinga pa dîku (tangila “Dîku: Dimanyisha kudi ba pa Buloba”,” ChurchofJesusChrist.org).

Mishindu mikuabu bua kukolesha dîku idi kuenza kua disambila dia dîku, kulonga kua mifundu, ne kutendelela pamua mu ekelezia. Tudi kabidi bua kuenza muanda wa dîku, kusangisha malu a dîku, ne kusadila bakuabu.

Bantu ba bungi badi ne mpunga mikesa bua kubuela mu dibaka anyi kunanga malanda a mu dîku. Ba bungi badi ne dibidila pa kushipa dibaka ne manga malu makola a mu dîku. Nansha nanku, lumu luimpa ludi lutubenesha ku muntu nansha malu a dîku dietu. Bu mutudi bikala ne lulamatu, Nzambi neafila mushindu bua tuetu kupeta mabenesha a mêku dinanga, nansha mu matuku a moyo â anyi mu matuku alua.

Dilonga dia Mifundu

Dibaka

• Dilongesha ne Bipungidi 43:22; 49:15

• Efeso 5:25

• Genese 2:18–24

Dîku

• Mosiya 4:14–15

• Alama 56:47; 57:46

• 3 Nefi 18:21

• Dilongesha ne Bipungidi 68:25–28

• Efeso 6:4

• Nsumuinu 22:6

• Dîku: Dimanyisha kudi ba pa Buloba

Longa Bia Bungi pa Nshindamenu Ewu

• Buludiki bua mu Mifundu: “Dîku.,” “Dibaka, kusela”

• Mukanda Munena wa Maludiki, Shapita 2: “Supporting Individuals and Families in the Work of Salvation and Exaltation”

• Biena- Bualu bia Lumu luimpa: “Dibaka,” “Dîku,” “Buledi”

Mabikila

Akanja mabikila adi alonda bilondeshila buikadi bua muntu.

• Newuteka dilolu dia nzubu dia ku lumingu, disambila dia mu dîku dituku dionsu, kulonga mifundu mu dîku dituku dionsu anyi?

• Neutendelela mu Sabata mu dîku anyi?

Ntempelo ne Mudimu wa Muyuki wa Dîku bua Bankambuaba Bakadi Bafua

Tatu wa mu Diûlu munanga bana benda bonsu ne udi ujinga lupandu ne dizanjikibua diabu. Kadi binunu ne mbombu ya bantu mbafua kabayi bumvua lumu Luimpa lua Yezu Kilisto anyi kupeta milulu ya lupandu ya lumu luimpa. Milulu eyi bumudi ditambula, ne dijadikibua, ditekibua mu mulongo bua buakuidi bua bantu baluma, diambikibua mu ntempelo, ne dibaka dia tshiendelela.

Kupitshila ku ngasa ne kulusa bienda, Mukalenga mufila mushindu mukuabu bua bantu aba kupeta lumu luimpa ne milulu. Mu muaba wa nyuma, lumu luimpa ludi lulongeshibua kudi aba badi bafua kabayi balupeta (tangila Dilongesha ne Bipungidi 138). Mu ntempelo tudi mua kukumbaja milulu bua bankambua betu bafua ne bakuabu Bantu bafua badi mu muaba wa nyuma badi mua kuitaba anyi kubenga lumu luimpa ne milulu idi mienza buabu.

dîku dilonga mifundu

Kumpala kua kukumbaja milulu eyi, bimpa kukeba bankambua betu badi bavua kabayi bayipeta. Kukeba bidimba bia dîku dietu bua bipeta milulu tshidi kipatshila kamushinga ka mudimu wa muyuki wa dîku. Patudi tupeta milubu pa bobu, tudi tuyikumbaja mu tshitekelu tshia malu tshia Ekelezia mu FamilySearch.org. Nanku Tudi (anyi bakuabu) mua kukumbaja milulu buabu mu ntempelo.

Patudi tupeta bankambua betu ne tuenza milulu buabu, mêku etu adi alua pamua bua tshiendelela.

Mudimu wa Muyuki wa Dîku ne Diya dia ku ntempelo

Leja bidimba biapia-bipia ne bawudi ulongesha kudi mulombodi muebeji wa malu a ntempelo ne muyuki wa dîku (anyi kudi bikuabu bidimba bidi bibidila ne muyuki wa dîku ne wa ntempelo). Mulombodi ewu udi mua kuambuluisha bantu abu bua kupeta bena dîku bafua badi dijinga ne milulu ya ntempelo. Enzela tshisangilu dia bena bukenji ku lumingu bua kulongolola mushindu wa kuambuluisha bidimba bipia-bipia bua kuenza muyuki wa dîku ne mudimu wa ntempelo.

Bidimba bipia-bipia ne bidimba bikuabu bidi mua kupeta kudi muepiskopo dianyisha dia kubuela mu ntempelo bua kukumbajila bankuambua babu badi bafua ne bakuabu ditambula ne dijadika bua bafua. Tshidimba tshidi tshikubana bua kupeta dianyisha dia kubuela mu ntempelo kubangilu kua ngondu wa kumpala wa tshidimu tshidiyi ukumbaja bidimu 12. Bantu balume badi ne bua kupeta Buakuidi bua Alona bua kuikala bakumbana bua kupeta dianyisha edi. Kankamikayi bidimba bipia-bipia bua kupeta dianyisha dia kubuela mu ntempelo ne lukasa lonsu.

Pikala ntempelo pabuipi, ndaku ne bidimba bipia-bipia biobi bikubana. Buela nabu mu dikumbaja dia milulu mu ntempelo.

Dilonga dia Mifundu

• Dilongesha ne Bipungidi 128; 138

• 1 Kolinto 15:29

• 1 Petelo 3:18–21; 4:6

Longa Bia Bungi pa Nshindamenu Ewu

• Mukanda Munena wa Maludiki, shapita 28: “Milulu ya mu ntempelo bua Bafua”

• Biena-Bualu bia Lumu luimpa: “Matambula bua Bafua,” “Muyuki wa Dîku”

Mabikila

• Newudilongolola bua kupeta milulu ya ntempelo bua bankuambua beba bakadi bafua anyi?

• Newudibuinka mu mudimu wa muyuki wa dîku ne kutuma mena a bankambua beba bakadi bafua bua bapeta milulu ya ntempelo anyi?

Ntempelo, Diambikibua, Dibaka dia Tshiendelela, ne Dîku dia Tshiendelela.

Ntempelo

Ntempelo udi nzubu wa Mukalenga. Udi muaba wa tshijila utudi mua kuenza bipungidi ne Nzambi ne tupeta milulu yenda ya tshijila. Patudi tulama bipungidi ebi, netuikala ne bukola bua tshijila buende bulejibua mu mioyo yetu (tangila Dilongesha ne Bipungidi 84:19–22; 109:22–23).

Diambikibua

Umua wa milulu itudi tupeta mu ntempelo udi mibikidibua diambikibua. Muaku diambikibua udi umvuija “dipa.” Dipa dia dimanya ne bukola biumbukila kudi Nzambi. Mudienza diambikibua, tudi tuenza bipungidi bidi bitusuika ne Nzambi ne Muanenda Yezu Kilisto (tangila shapita 1).

Bantu bakola badi mua kuikala bakubana bua kupeta diambikibua diabu mu ntempelo panyima pa tshidimu tshimua tshia buikadi bua tshidimba dia Ekelezia. Bua kupeta bia bungi pa diambikibua, tangila Mukanda Munena wa Maludiki, 27.2.

Dibaka dia Tshiendelela ne Meku a Tshiendelela

Dilongolola dia Nzambi dia Disanka didi dianyishila malanda a dîku bua kutungunuka tô ne dia muamua dia lukita. Mu ntempelo tudi mua kuikala basedibua bua tshikondu ne bua tshiendelela. Esthi tshidi tshienza bua mêku ikala pamua bua kashidi.

Panyima pa muluma ne mukaja badi baselangana bapeta diambikibua diambu mu ntempelo, badi mua kuikala basuikibua anyi kuenza dibaka dia tshiendelela. Bana babu badi mua kusuikibua kudibu.

Muluma ne mukaji badi basuikibua mu ntempelo badi ne mua kulama bipungidi bidibu benza bua kupeta mabenesha a dibaka dia tshiendelela.

Mulume ne mukaji benda mu njila

Ntema pawudi ulongesha bua mêku a tshiendelela

Bantu bakuabu badi bikala ne malu adi mua kubapangisha bua kuikala pamua bua kashidi. Bakuabu kabena ne muluma anyi mukaji nansha bana mu moyo ewu.

Vuluija bawudi ulongesha ne bulongolodi bua Nzambi budi bulongolodi bua disanka. Bambuluisha bua bamuana ne kuteka kua lumu luimpa mu tshienzedi kudi mua kubalongolola bua dîku dia tshiendelela ne mu matuka alua, nansha biobi bifika panyima pa moyo ewu.

Nansha malu a dîku dia muntu anyi malu a mu dibaka, bantu bakola badi ne mua kudilongola bua kupeta diambikibua diabu mu ntempelo. Dipeta diabu dia diambikibua nedikala bukola bunena buabu. Bambuluisha kabidi bua bamuana ne badi mua kupeta tshikondu bua kudisangisha pamua ne bankambua babu bakadi bafua kupitshila ku mudimu wa ntempelo.

Dilonga dia Mifundu

• Dilongesha ne Bipungidi 43:16; 95:8–9; 97:10–16; 109; 131:1–4

Longa Bia Bungi pa Nshindamenu Ewu

• Mukanda Munena wa Maludiki, shapita 27: “Milulu ya mu Ntempelo bua Bamoyo.”

• Biena Bualu bia Lumu Luimpa: “Ntemplo,” “Diambikibua,” “Dibaka”

• temples.ChurchofJesusChrist.org

Dibikila

Newudilongolola bua kubuela mu ntempelo ne kupeta milulu ya ntempelo anyi?