Kaweid sang Presedensi Keieu

Kaselehlie Riei Misineri kan:

Se kapingkiheng komwi ong ni pwukoah kesempwal en wia misineri ong Mwomwohdiso en Sises Krais en Souleng en Imwin-rahn Akan. Sohte doadoahk me mwahu de kesempwal sang kapokonpenehn mehn Israel kan.

Kalohngki Ahi Rongamwahu wia mehn sewesei komwi kounopada, pwe ken wia misineri mwahu men. E pil wia mehn sewesei komwi en wia soun padahk mwahu men. Se kangoangehkin komwi en kin doadoahngki ansou koaros nan ahmw mour oh iengemw en onop. Se pil kangongehkin komwi en kin doadoahngki nan ahmw mihting en distrik kan oh tiepenehn zone kan. Onopki iren sawas kan en pwuhk sarawi oh esehla padahk kan oh tepin padahk kan.

Se lukei komwi en wiahda inou kan en iang sewese an Samatail Nanleng doadoahk lingan kan. Misineri koaros mie arail pwukoah kesempwal ehu en sewese an Samatail Nanleng doadoahk “pwe en kak kapwurehdo mour poatoapoat oh mour soutik en aramas” (Moses 1:39).

Kauno pahn ketin kapai komwihda ni ahmw pahn kin wia Sapwellime doadoahk. Kapai laud oh peren en kin mihmi rehmw ni ahmw pahn kin sewese Sapwelimen Kauno serihkan.

Presedensi Keieu