Mulwol ko Bin Somm’on ea Presidency

Missionary ni fagar rog:

Gamaed be ’og e magar ngom ko ni bachane rayog ni ngam mang e missionary ko Fare Galasia ku Yesus Kristus ni Fan ko Gidii’en Got ko Tin Tomur e Rran. Dariy e muruwel ni ma pii’ athamgil fa ba ga’fan riy ko fare muruwel ko fare Mukuun ko Israel.

Machib Nag E Gospel Rog e fan ni nge aywegnem ni ngam paer ni gur e missionary ni ngan fel’eg rogom, nge ilal ya’el rom. Ku bay fan ni nge ayuwegnem ni ngam fil iyaen ngoyiy nib fel’ rogon. Thingar mu maang e biney u lan e fil rom ni yigo’v gur ma ku bay ko fil ko companion rom ni gubin ea rran. Ma ku Thingar mu maang ko muluung ko district council nge muluung ko Zone. Mu fil e fapi babyor nib thothup ni bay riy mu fil fapi machib nge tin nib gaa’ fan riy.

Gimed be piningem ni ngam for nga lang ngam ’un ko m’ag ni ngam aywueg Chitimangdaed nu Tharmiy ko muruwel Rok’ ni rib malup’lup’. Bay e muruwel ni rib gaa’fan ni gubin e missionary ni nge ayuweg Somoel ko muruwel Rok’ “ni ngan yib nag fare gubinechubog nge fare yafos ni manimus ko gidii’” (Moses 1:39).

Bayi bless nigem Somoel ni fa’an ga ra gay rogon nib gel ni ngam pigpig ngak’. Ga ra pir’eg e tamilang nge falflaen’ u nap’an ni ngam muruwel ko fak’ ku Chitimangiy nu Tharmiy.

Fare Bin Somm’on e Presidency