“Guruy Ni 3: Fil nge Machib nag fare Gospel ku Yesus Kristus,” Machib Nag E Gospel Rog: Bake Babyoren ko Rogon ni ngan Weliy Morngaʼagen fare Gospel ku Yesus Kristus (2023)

“Fil nge Machib nag fare Gospel ku Yesus Kristus,” Machib Nag E Gospel Rog

Guruy Ni 3

Fil nge Machib nag fare Gospel ku Yesus Kristus

Fapi fil ulan e guruy ney e bay e machib nib ga’, yalen, nge motochiyl ko fare gospel ku Yesus Kristus. Fil ney ir e pin’en fapi profet nge pi apostle nibe fas kar fonow nogdad ni ngad fil’ed nge machib nag. Yad ma bay riy’ ere rayog ni ngam ayuweg reb e gidii’ ni ngar nanaged fan fare gospel ku Yesus Kristus.

Bin Somm’on e yang ulan e guruy ney ir e pinning ko tawfe. Gubin reb e guruy ma bay bin aningeg e pi fil:

Mu fil rogon ko pi babyor nib thothup nge ba’adag e machib ulangin gubin e fil. Napan ni ngam rrin’, fare Ya’el ni ra pii’ e micheg marnga’agen e pi’nen nib riyul’ gabe fil. Ir ra ayuwegem ni ngam nang e pi’nen ni ngam moeg nge rrin’ ere gara ayuwegeg reb e bee’ ni nge thapeg e m’ag ko pi tin nib riyul’. (Muguy ko Doctrine and Covenants 84:85.)

Gidii’ nira nanged e Somoel nib polo’ napan yad ra rrin’ed e pi’nen ni ke pinningrad ni ngar rrin’ed. Pinningrad gubin e ngiyal’ ko fil, nge ayuwegrad ni ngar fol e micheg rorad. Napan e gidii’ ra fol e micheg, yad ba fasgad e gospel rok’ Yesus Kristus nge t’aer midlen rad ni ngar fal’eged e pi micheg ngak Got.

Mu sensey nag gubin e pi fil umon nge tomur e tawfe. Fapi missionary ni ba muruwel’ gubin e rran thingari powi’iy e sensey nag ko pi fil gubin yay. Pi missionary ko ward fa reb e pi chongin ra uned napan e rayog rorad. Muguy ko pi guruy 10 nge 13 nifan e ganop marnga’agen e pi chongin niba un e fil.

Falʼag Rogom ni Ngam Machib Nag

Napan ni ngam t’aer midlem nifan e pi nʼen ni ngam machib nag, bi’eg e pi’nen marnga’agen gubin e bee’ ulan fare app ko Machib Nag E Gospel Rog. Fal’eg e kanawo ko fil udakaen e tin ni ba’adag e bee’. Mu lemnag marnga’agen e pi’nen ir bat’uf ni nge nang nge thamey ulan e ngiyal’ ko fil. Fare Ya’el ra ga’ nag e muruwel’ rom napan ni ngat’aer midlen nge liyeb nag.

Bay boch e duwer gur nge companion rom rayog ni ngam lemnag ufithik’ e meybil napan in ngam t’aer midlen ni ngam sensey nag.

Mang e pinning thingari pii’ ni nge ayuweg e chaney ni nge gelnag e mich rok’ u Kristus nge mon’og? Fapi pinning ere rogon ni ngam ayuweg e gidii’ nima kalgaed ngaen’raed nge thamiyed “fare gelingin fare Tabiyul” (Helaman 5:11). Mu lemnag marnga’agen e mon’og, tin ko yafos, nge pi’nen nibe t’uf rok’ cha’ney. Me pii’ ta’areb be boech e pinning ulan e wo’ ko fil.
Mang e pi machib nge yalen nira ayuwegen e cha’ney ni nge fol e micheg ni kug pinning ngak? Udakaen e meybil ngam mel’eg e machib nge yalen ni ra ayuweg e bee’ manang e ga’fan ko fol e micheg nifan ngom nge fare Somoel.
Uw rogon ni gamad ra ayuweg e cha’nem fil e pi machib? Gara t’aer midlem ni ngam sensey nag e machib, yarmiy nag nge ngochngoch e pin’en ni gara fil ulan e Pi fil 1–4. Mu lemnag marnga’agen e pi duwer, pi scripture, pi susun, nge mangil e pin’en ko media ni ra ayuweg e cha’ney ni manag e pin’en ni ra fil ngak. Muguy ko guruy 10 nifan e ganop marnga’agen e rogon gara gelnag e chag rom ko sensey nag.
Mang e pi tawa’ath nike micheg Got ngodad napan ni ngad thapeged nge fol gad e pi micheg? Napan ni ngam fil fare machib, piryeg e pi tawa’ath nib micheg rok’ Got. Napan gara sensey nag, rangam micheg nag e pi tawa’ath nge pii’ e michaen’ marnga’agen e tawa’ath nem.
Mini’ ko pi chongin rayog ni ngar un’ed? Ulan e mu’ulung ko coordination urngin e wiik’, mu lemnag mini’ ko pi chongin rayog ni ngar ayuwegem ni nge sensey nag nge ayuweg e cha’nem. Umon e fil, weliy uta’abong marnga’agen e ayuw rok’ Muguy ko guruy 10.
Mang e rayog ni nggu rrin’ ere ni nggu ayuweg e gidii ni ngar fulweg e micheg rorad tomuren ni nggu waen? Gara mada’ ngak nib buchuw gubin e rran ni ngam ayuweg rad ma fulweg e micheg rorad. Mu lemnag marnga’agen e rogon ni ngam tay e bu’un e pi chongin ni ra ayuweg e gidii’ niba sensey nag fulweg e micheg rorad. Mada’ ney ni tay bu’un e bi’eg e guruy ulan fare ke Babyor ku Mormon fa reb fapi guruy ko chep nib thothup. Fa’an e bee’ dabiyog ni nge fulweg e micheg, be mangil ni ngam ayuwegen ko micheg ney umon ni ngam pii’ reb e pinning. Muguy ko guruy 11.
Urogon ni ngad ayuwegrad nib fel’ rogon bin magid e yay? Tomuren gubin e ngiyal’ ko fil, mu lemnag marnga’agen e thamiy ko biney rorad e gidii’ ni ma sensey nag. Mich u wun’uy Kristus niba ga’nag? Yaed be thamiy fare Thothup? Yaed be kalgaed ngaen’raed nge fulweg e micheg rorad? Yaed be meybil, fil fare Babyor ku Mormon nge un’ed ko misa? Fal’eg e tanom ni ngam ayuwegmed.

Sensey Nag Ufithik’ e Gum’ircha’em napan me Powi’iy fare Kan Thothup

Kar non’ed ngak gubin e pi elder nge sister, fare Bin Somm’on e Presidency nge fare Quorum ko fare Ragag nge L’agruwi Apostles ni kar yoeged:

“Fan rodad ni ngad sensey nag fare milwol marnga’agen e gospel nib sulweg ulan e rogon ni ra ayuweg e Ya’el ere rayog ni nge powi’iy e missionary nge pi’in ni ba thapeg e fil. Rib mangil ni ngar fil’ed e pi’nen ko pi [fil], machane dabda sensey nag udakaen e pi’nen ni kam yol. Pi missionary thingarda thameyed rayog ni ngar weliyed ulan e thin rorad napan nira powi’iy fare Ya’el. Susun ni dabi non ko tin nikey fil nibay u laniyaen’, machane nge non ko tin nibe yib u gum’ircha’en. Rayog ni nge thilyeg e yarmiy ko pi fil, me pii’ e pi’nen nib mat’aw udakaen e thogthog, bachane e tin yad ba’dag nge bat’uf ko [bee’]. Be yoeg ufithik’ e mich nge pi thin rok’, thingari pii’ e michaen’ marnga’agen e pi’nen nib riyul’ ko machib rok’.”

Rogon Nima Fil nibay u Laniyaen’

Gara fil nibay u laniyaen’ e yarmiy ko machib ulan gubin e fil. Dam mu fil gubin e thin ko machib nibay u laniyaen’.

Fa’an ni gaba fil reb e thin ko nam, lemnag marnga’agen e fil ko thin napan ni ngam t’aer midlen e fil ko sensey nag. Mu fil nibay u laniyaen’ e fapi thin, non, rogon ko non, nge bochi pin’en ko machib woed ni ma paered ulan fapi lesson. Fil nibay u laniyaen’ e weliy ulan e pi fil 1–3 nira ayuwegem. Pin’en ni ngam fil nibay u laniyaen’ thingari mang ni rib ga’fan u wun’um.

Mu lemnag ni ngam fil nibay u laniyaen’ e pi scripture nib ga’fan gara use nag ulan e fil rom nge yafos rom. Ma yib e gelngin nib ga’ napan nima fil nibay u laniyaen’ e pi scripture. Fapi scripture ney ni ra gelnag nigem nge pii’ athamgil nge gapas laniyaen’. Ra pii’ e ba’adag ni ngam thilyeg. Napan ni ngam fil e pi scripture, fare Ya’el rayog ni nge fek e llowan’ i yib ko tafney rom napan ni ngam bat’uf ngorad.

Sensey Nag nge Pinning u Rogon e Tin Ba T’uf Roraed

Bay e rogom ni ngam sensey nag gubin e pi fil ulan demtrug e rogon ni ra ayuweg e gidii’ be t’aer midlen rad ko tawfe nge confirmation. Bin e fil ni gara sensey nag, ngiyal’ gara sensey nag, nge urngin e time ni garam tay ngay ere duugliy rogon e pin’en nib tu’uf ku facha’ ni gara sensey nag nge fanow rok’ fare Ya’el. Bay e susun ney, napan ni ngam fil ngak e bee’ ni dariy’ e ganop nib Kristian, bat’uf ni ngam tabab ni ngam ayuweg rad ga’ nag e tha’ ngak Chitimangiy nu Tharmey nge nangfan e wo’ Rok’ (muguy ko “Sensey Nag e Gidii’ ni Dariy’ e Ganop nib Kristian” ulan guruy 10).

Mu fol fare Ya’el nifan e pinning ni ngam pii’ nge ngiyal’ ni ngam pii’. Pinning nib mat’aw ulan e ngiyal’ nib mat’aw nira ayuweg e bee’ ni ngar rrin’ed e pi’nen nima gelnag e mich rorad. Ngongol ney nira powi’iy iyan nga thil lan gum’ircha’med (muguy ko Mosiah 5:2; Alma 5:12–14).

Mu sensey nag e fil nib moem, mangil, nge nib ngoch nap’an. Bo’or yay, ngiyal’ ko fil dabi fek 30 minutes, nge rayog ni ngam sensey nga e bee’ ulan 5 minute.

Gamed bat’uf boch e mo’olung ni ngam sensey nag fapi yalen ulan ta’areb e fil. Gidii’ ni ma nanged fan nib mangil e milwol fa’an ni ma sensey nag e fil nib achigchig, sensey nag bo’or e yay, nge weliy buchuw e pi’nen.

Chep nib Thothup ni Ngan Fil

Mang e thingari sensey nag?

Mang fan be ga’fan ni ngad fil’ed e machib ulan e fil ney?