UMlayezo WobuMongameli BokuQala

Mfundisi Wevangeli Othandekayo:

Siyakuhalalisela kulelithuba elikhulu onalo lokuba ube ngumfundisi weBandla likaJesu Kristu labaNgcwele beziNsuku zokuGcina. Awukho umsebenzi ophoqa futhi obaluleke kunokuhlanganisa u-Israyeli.

Incwadi ethi Shumayelani Ivangeli Lami ihlose ukuba ikusize ube umfundisi ozilungiselele kanconywana, nokhulile ngokomoya. Iphinde futhi ihlose ukuba ikusize ube nguthisha ophumelela kakhudlwana. Siyakukhuthaza ukuba uyisebenzise nsuku zonke ezifundweni zakho uwedwa nalapho ofunda khona nosizana naye. Siyakukhuthaza futhi ukuba uyisebenzise emihlanganweni yakho yomkhandlu wesifunda nakwingqungquthela yendawo. Funda imibhalo engcwele enikeziwe futhi ufunde imfundiso nemigomo.

Siyakumema ukuba ukhuphukele kumuzwa omusha wokuzibophezela ukuba usize uBaba wethu oseZulwini emsebenzini Wakhe omangazayo. Umfundisi ngamunye unendima ebalulekile ekusizeni iNkosi emsebenzini Wayo “[wo]kufeza ukungafi nokuphila okuphakade komuntu” (Mose 1:39).

INkosi izokubusisa ngesikhathi uzinikezela ngokuzithoba ekuyisizeni. Sengathi ungathola injabulo enkulu nentokozo ngesikhathi usebenza nabantwana baBaba oseZulwini.

UbuMongameli bokuQala