Ol Aedia blong Stap Yusum Gospel Laebri Ap

Lisin

Wan long ol bes wei blong stadi ol skripja i blong lisin long ol rekoding. Yu save mekem hemia long hom blong yu o kolosap long eni ples. Yu save lisin tu long ol defren spid mo long ol defren lanwis.

Stadi folem Topik

Yu save faenem ol skripja abaot topik we oli givim taem yu stap yusum lukaot baten mo afta lukluktru long ol risal we i stret long yu. Yu save yusum tu Gospel Topics we oli printim, we i givim ol ki skripja blong wan topik we oli givim.

Oganaesem folem Topik

Yu save oganaesem ol samting folem ol topik taem yu yusum “Ol Tag” mo “Ol Notbuk.” Ol topik ia i save gat fulap yus blong hem, taem yu stap rere long wan toktok o lesen.

Haelaetem

Yu save haelaetem o makem ol skripja blong yu taem yu jusum wan ves mo afta jusum wan stael. Bae stael ia i save stap olsem wan joen blong ol defren kala mo wan laen andanit o haelaet.

Krietem ol Link

Yu save krietem ol link bitwin ol skripja, ol jeneral konfrens toktok, mo ol narafala samting. Hemia i save helpem yu blong tingbaot mo kwiktaem kasem ol koneksen we yu bin mekem.

Lukaotem Ol Mining

I isi blong yu save lukaotem ol mining blong wan wod insaed long ol skripja taem yu jusum mo prestem “Eksplenem” baten.

Yusum Ol Bukmak mo Ol Skrin

Yu save kwiktaem, go bak blong jusum ol samting taem yu yusum ol bukmak blong yu holemtaet mo no lusum ol ples mo ol skrin. Blong stap yusum ol bukmak i save letem yu blong kipim ol defdefren japta mo narafala samting i open i stap long semmak taem.

Putum Wan Taemtebol

Yu save krietem wan stadi plan we bae i helpem yu blong lukluk progres blong yu blong stap stadi ol skripja. Yu save putum ol rimaenda tu blong helpem yu kasem ol stadi gol blong yu. Wan taemtebol i save helpem yu blong folem Kam, Folem Mi taemtebol o blong yuwan yu ridim Buk blong Momon.