lih emen oh seri men kilekilang tapleto

Wiepe kan en Doadoahngki App en Laiprehri en Rongamwahuo

Karonge

Ehu wiepe me keieu mwahu ni onopiki pwuhk sarawi iei en kin karonge me deipdier kan. Ke kak wia met nan imwomwo de kerenieng wasa koaros. Ke pil kak karonge ni soangosoangen marahra kei de nan soangosoangen lokaia kei.

Onopiki ni Oaralap

Ke kak diar irehn pwuhk sarawi kan me pid ehu oaralap ni ahmw doadoahngki pali en ropirop oh eri dawih dahme dierek kan. Ke pil kak doadoahngki Gospel Topics me kin kasalehda irehn pwuhk sarawi kan me pid ehu ehu oaralap.

Koasonehdi nin duwen Oaralap

Ke kak koasonehdi audepen oaralap kan ni ahmw doadoahngki “Tags“ oh “Notebooks.“ Oaralap pwukat kak wia mehn sawas ahnsou me ke pahn kaunopada ehu kapahrek de irehn kasukuhl.

Kasansal

Ke kak kasanalih de kilele ahmw irehn pwuhk sarawi kan ni ahmw pilada ehu pwuloi oh eri koasonehdi sidail en kasansalo. Sidail en kasansalo kak wiawi ni soangen poh dah oh laine pahn pwuloio de kasansali.

Wiahda Mehn Kadokepene kan

Ke kak wiahda kilel en kadokepene nan pwungen irehn pwuhk sarawi kan, padahk en kapokon lap akan, oh audepe teikan. Met kak seweseiuk en tamataman oh mwadang en alehdi irehkan me ke kadokepenehier.

Rapahki Kawehwepe kan

Ke kak alehdi mengei wehwehn ehu lokaia nan irehn pwuhk sarawi kan ni ahmw pilada oh padik pwatin en “Define“.

Doadoahngki Bookmark kan oh Sikirihn kan

Ke kak mwadangete pwurala pwehn pilada audepe ni ahmw doadoahngki bookmark pwehn alehdi wasa kan oh sikirihn kan. Doadoahngki bookmark kak mweidohng uhk ken kolokol ire laud kei oh audepe teikan ni ahnsou ohte.

Wiahda ehu koasoandi.

Ke kak wiahda ehu koasoandi en onop me kin seweseiuk en tetehk pweidahn ahmw onohnopiki pwuhk sarawi kan. Ke pil kak koasonehdi mehn kataman kei pwehn seweseiuk alehdi pweida kan en ahmw onohnop. Ehu koasoandi en doadoahk kak seweseiuk en ideidawehn koasondien Kohdo, Idawehn Ie de ahmw wadwadek Pwuken Mormon.