Manatu mo le Faaaogaina o le Gospel Library App

Faalogo

O se tasi o auala sili e suesue ai i tusitusiga paia o le faalogologo lea i mea na pueina. E mafai ona e faia lenei mea i lou aiga poo soo se isi lava nofoaga. E mafai foi ona e faalogologo i soo se saoasaoa lava ma i gagana eseese.

Suesue e Ala i Autu

E mafai ona e maua mau e uiga i autu e tuuina atu i le faaaogaina o le tulaga saili ona iloilo lea o le sailiga faaiu talafeagai. E mafai foi ona e faaaogaina le lomiga a le Gospel Topics e maua ai mau tonu mo autu e tuuina atu.

Faavasega e Ala i le Autu

E mafai ona e faavasegaina anotusi e ala i autu i le faaaogaina o “Faailoga” ma “Api o Tusigamanatu”. O nei autu e mafai ona aoga i le taimi e te saunia ai se lauga poo se lesona.

Faamamafa

E mafai ona e faamamafaina pe maka au mau i le filifili o le itulau ona e filifili lea o le sitaili. O sitaili e mafai ona avea ma tuufaatasiga o lanu eseese ma se laina vase poo se faamamafa.

Fausia ni Sootaga

E mafai ona e fausia ni sootaga i le va o mau, savali mai konafesi aoao, ma isi anomea. E mafai ona fesoasoani lenei mea ia te oe e te manatua ma vave ona oo ai i fesootaiga sa e faia.

Saili Mo Faauigaga

E faigofie lava ona e sueina le uiga o se upu i totonu o mau e ala i le filifilia ma oomi le faamau “Faauigaga”.

Faaaoga Faailogatusi ma Lau

O le a e vave lava ona e toe foi i anotusi filifilia e ala i le faaaogaina o faailogatusi ia tumau ai pea i nofoaga mautinoa ma lau. O le faaaogaina o faailogatusi e mafai ai ona faataga oe e tatala pea mataupu eseese ma isi anotusi i le taimi lava e tasi.

Faatulaga se Faasologa

E mafai ona e fausia se fuafuaga suesue aoao e fesoasoani ia te oe e tulitatao ai lou alualu i luma i le suesueina o tusitusiga paia. E mafai foi ona e faatulaga ni faamanatu e fesoasoani ia te oe ia ausia ai au sini o suesuega. O se faasologa e mafai ona fesoasoani ia te oe e te mulimulitai ai lava i le Sau, Mulimuli Mai Ia Te Au po o le faitau o le Tusi a Mamona e oe lava ia.