Diyin God Bizaad Hazhó’ó Bóhooł’aah Binahast’anígíí K’ehgo

Kwe’é t’áá bééhózínígo ła’ dabikáá’ígíí bee ná bííghahgo Diyin God bizaad bóhooł’aah dooleeł.

Diyingo Ndidooł’nááłgo Bíká Sodilzin

Diyin God bizaad éí Bintsékees dabiyi’. Baa ííníłta’go, Ni Zhé’é Ya’ąąshdę́ę́ Bina’nitin bííníkeed dóó Bii’ Sizíinii bits’ą́ą́dę́ę́’ shóołt’eehgo níká análwo’go bee bik’i’didíítį́į́ł.

Jesus Christ T’áá’aaníí yee át’éii biká ha’ásííd.

Diyin God bizaad nanihinitin éí t’áá ałtso Christ t’áá aníínii niłį́įgo yaahałne’ (níníł’į́) 2 Nephi 11:4; Moses 6:63), áko ádahoonííłgóó, da hane’ bii’, dóó Diyin God bizaad bee na’nitin biyí’ hadini’́į́į́’. Baa ntsínkeesgo bik’e’da’ełchí doodaii’ saad dahnaazhjaa’ígíí bik’ida’izoh éí Yisdá’iiiníiłii yaadahalné’ dóó hait’áo Bikee yínááł doo.

Saad bee ha’ahóní dóó saad bee hada’iisdzíhígíí biká ha’ásííd.

Haashį́į́ daat’ehígíí ła’ saad dóó Diyin God bizaad nídahásdzóohígíí ayóo niłnilį́, ts’ídá t’áá ní t’éiyá ná nídaháásdzoh. Éí t’áá ní t’éiyá nídéét’i’ nínízin dóó naniiłná dóó bee t’áá niłhasihgo dahnáádidíí’dááł. Diyin God bizaad bik’ida’oosoh doodaii’ baa hane’ bee bik’ehda’oołchí bidahooł’aahígíí naaltsoos ádaa hane’ bii’.

Jesus Christ Bina’nitin T’áá’aaníí át’éii Biká Ha’ásííd.

Łahda Diyin God bina’nitin t’áá aaníí (na’nitin doodaii’ t’áá íiyisíí ádaat’éii deiłní t’áá ahą́ą́h) éí bee háá’á’dzih, dóó łahda ak’i’diitįįh doodaii’ hane’ bił nidaazt’i’ łeh. T’áá ní ádidí’ní, “Diyin God bina’nitin t’áá aníiníii haidishshą’ díí bii’dasdzoh?”

Diyin God Bii’ Sizíiniii Dadoohts’į́į́h

Baa nts’íníkeesígíí dóó íínínízinígíí baa ákwónínízin, azhą́ yiiníłta’ígíí doo bídéét’i’ da ndi. Éí baa ntsíníkeesígíí da niZhe’é Ya’ąąshdéé bóhodííł’ááł nízin dóó baa ntsínkees dooleeł biniyé.

Diyin God Bizaad Ne’iina’ Bináłt’éego Ánílééh

Baa nts’áhakeesgo hait’áo dahane’ dóó na’nitin yiníłta’ígíí ni’iina’ bídéét’i’. Díígi’ át’áo, doo hanii t’áá ní áádi’díí’níi da, “Ha’át’íí baa nitsíyahígíí díí yíínishta’ígíí bił t’áá áheełté?” doodaii “Ha’át’éiigoshą́’ díí Diyin God bizaad bii’ ahoot’į́į́dígíí be’esh’į́į doo?”

Na’ídiłkid

Diyin God bina’nitin bina’azhdiłkidgo bóhoozhdooł’ałigíí hoł bééhoozįįh. Diyin God bizaad bóhooł’aahgo, na’ídíkid ałdó’ baa ntsíjíkos. Díí nida’ádíkid nee hółónígíí dah yiniłt’a’ígíí bits’ą́ą́dóó doodaii’ ne’iina’ bídéít’i’. Díí na’ídikid ádaat’éhígíí baa ntsinkees, dóó nichį́ háá’ádziih biká ha’ásííd Diyin bizaad bóhooł’aahgo. Óhwiinił’ą́ą́’ doo biki’jį’, Diyin God naa’bídídííłkił ha’át’íí lá ałdó’ bóhodííł’ááł, dóó nichį́ haa’ádziih biká ha’ásiid náásgóó ahéé’iilkeed dóó yoołkaałgóó.

Diyin God Bizaad Bóhoo’aahgo Áká’aná’áwo Choiníł’į́

Saad dahnaazhjaa’ígíí tá’iidąą jííłtago t’áa łahgo át’áo bikinaazhdi’dootį́į́ł, saad bee ééhózin dabikáá’ígíí choiníł’į́, éí Topical Guide, éí Bible Dictionary, éí Diyin God Bizaad Hwił ÍÍshjání Ííł’ínígíí (scriptures.ChurchofJesusChrist.org), dóó ła’ ó’hoo’aah yee ándaalwo’ígíí.

Diyin God Bizaad Bii’dóó Baa Hane’ígíí Baa Ntsíníkees

Diyin God bizaad bii’dóó baa hane’ígíí baa ntsíníkeesgo t’áá ákwineehii bik’izhdiitįįh—ha’át’íí biniinaa ádahóót’įįdígíí doodaii’ hait’áo Diyin God bizaad bił ádahoodzaa. Díí ałdó’ bik’ehgo, be’iina’ hoł bééhózingo dóó hait’áo da’oodlą́ Diyin God Yá Yáłti’ii diné yich’į’ haadzíí ałdó’ saad dahnaazjaa’ dabiniyéhígíí bik’idi’díítį́į́ł.

Baa Ntsíníkeesígíí dóó Hait’áó Nideesnáá’ígíí Nááhízóóh

Diyin God Bizaad bóhojooł’aahgo hoł ííshjání ál’ínígíí t’óó ahayóí áł’ąą át’áo náhizhdoozoh. Díí ałdó’ bik’ehgo, saad hodeesnááígíí doodaii’ hachį́ haadzí’ígíí dóó baa ntsíjíkeesígíí Diyin God Bizaad biyi’ bikáá’jidoozoh. Áádóó hwe’iina’ baa hane’ dabikáá’ígíí bíízhdoozoh, baa ntsíjíkeesígíí, dóó hwił bááhoozįįdígíí. Doodaii’ t’óó óhodeesh’ááł ninizingo na’ídííníłkidgo éí bee nich’į’ háá’oodzíí’, áko bik’ííníyáh.

Dííjíidi-Diyin Yá Yádaałti’í dóó Naakits’áadah Bik’ihodiinii’ígíí bizaad yee nda’nitinígíí bóhooł’aah.

Dííjíidi-Diyin yá yádaałti’í dóó naakits’áadah bik’ihodiinii’ígíí íiyisí aláahdi át’éego yee nda’neezt’ą́’ígíí Diyin God bizaad dabiyi’ éí deiyínółta’. Éí yee nda’nitinígíí éí “Ntsaago Áłah Na’ídleeh,” “Naaltsoos Dawolta’ígíí,” dóó Diyin God bina’nitin biyi’ nihádahólǫ́.

Hane’ Deiyínółta’

Diyin God bizaad bii’dę́ę́’ dahane’, bik’idi’díítįįłgo yíníłta’ (oolkiłígíí, háádi ha’oodzíí, háíshįį haadzíí, dóó háí bich’į’ ha’oodzíí’). Diyin bizaad ndaashch’ąąhgo éí ayóó bits’ą́ą́dóó óhoo’aah, áłchíní t’áá íiyisíí bá át’é dóó sodizin atah danilínígíí doo hozhǫ́ Diyin bizaad bił béédahózinígíí ałdó’.

Bik’i’di’nintánígíí Baa Ndlee’

Iíníiłta’go bik’idi’nitánígíí łahdę́ę́ bee ndí’níítį́į́ł éí kót’áo yá’á’t’ééh dóó ak’izhdii’tį́į́hígíí bee bidziil doo.

Bóhwííníł’ą́ą́’ígíí Bee Hiníná

Diyin God bizaad bóhwiníłą́ą́go nihididoołnááł dóó nihe’iina’ łahgo át’éego ádiilnííł. Yísíníłts’ą́ą́’ Diyingo Ii’sizíinii ádííłíłígíí yee niká análwo’ ííníłta’go, áádóó baa ádinít’aah yee niká’alwodígíí bik’ehgo anít’į́.