Ha’átíí Biniyé Diyin God Bizaad Bóhooł’aah?

Yéigo Diyin God bizaad bóhwiil’aahgo, Jesus Christ hózhǫ́ bééhodiilzį́į́ł dóó Bina’nitin dóó níhá tíhooznii’go nihá ninánídlahígíí hózhǫ́ bik’idi’diitį́į́ł. Diyin yá yáłti’í Nephi díígi’ át’áo yee nánihineezt’ą́ą́’.

“Ákohgo, Christ yéigo deinohdlą́ągo, dóó t’áá íiyisíí laanaa danohsingo, dóó Diyin God ayóí ádeiínóh’níigo, dóó nihookáá’ dine’é t’áá ałtso ayóó ádeiínóh’níigo, náás deínóhkááh. Ákohgo, yéigo náás wóhkahgo, Christ bina’nitin t’áá íiyisíí bik’edahinół’į́įgo, dóó ni’noołdįįdjį́, áko shooh, éí Diyin aZhe’ nilíinii kóní: Hool’áágóó iiná nihí dooleeł” (2 Nephi 31:20).

Diyin God bizaad bits’ą́ą́dóó’ na’nitinígíí bee Yá’ąąshdi nihiZhe’é nilíinii baa nídiikah. Dííjį́įdi-Diyin yá yáłti’ii ánihiłní t’áá ahąąh t’áá ła’í niidzinígo bídahwiil’aah dóó, danihighanígíí bił, éí dahólǫ́ǫ́dą́ą́’. Diyin God bizaad biyi’déé’ ádahóótįįdígíí bits’ą́ą́dóó bóhodiil’ááł dóó biyi’déé’ ádahóót’įįdígíí dóó na’nitinígíí dííshjį́įdi choidiil’įįł, Nephi na’neezt’ą́’ą́ą́gi’ át’áo 1 Nephi 19:23. T’áá áłah áłk’idą́ą́’ dóó dííjį́įdi Diyin yá yádaałti’ii Diyin God bizaad bídahooł’aah danihiłní dóó “Christ bina’nitin t’áá íiyisíí nihił danilį́” (2 Nephi 32:3).

President Russell M. Nelson ałdó’ díí yee nanihineezt’ą́ą́’ Diyin God bizaad éi ch’iyáán nahalingo “nihił nilį́” nihiłní:

“Lą’í ajiyą́ągo éí t’óó jiilnihígíí bilááh át’é. Ajiyą́ągo łikango jiilnihgo óolyé. Diyin God bizaad t’áá íiyisíí hwił nilį́įgo joołta’go dóó baa ntséjíkeesgo dóó ajoodlą́ągo ak’ehojíłį́. Christ bina’nitin t’áá íiyisíí hwił nilį́įgo, ‘hajéí bitł’ááhdi bii’ nihwiileeh’ [2 Corinthians 3:3]. Éí t’áá nihí nihiyi’déé’ bee ániit’é” (“Living by Scriptural Guidance,” Ensign, Nov. 2000, 17).

T’áá ahąą Diyin God bizaad t’áá ła’í nozínígo dóó bił danihighanígíí bił bídahooł’aah, t’áá nihí dóó bił danihighanígíí nihíka’adoowoł, nihaa’áháyą́, dóó bee danihidziil ach’i’nahwii’ná t’óó ahayóí dííjį́įdi nihich’inahwiiná bich’ą́ą́h.