Fatuina o se Fuafuaga a le Siteki po o le Uarota

“Sauni ia, ina e saunia ia oe, o oe ma lou vao tagata uma o e ua faapotopoto mai ia te oe, ia fai foi oe ma leoleo ia te i latou” (Esekielu 38:7).

E mafai e aufono a siteki ma le uarota ona faaaoga le taiala fuafuaina lenei ma pepa o galuega ua auina atu faatasi e fatu ai pe faafou ai fuafuaga o le tali atu i faalavelave faafuasei (tagai Tusitaulima 1: Peresitene o Siteki ma Epikopo [2010], 5.1.3, 5.2.11).

O fuafuaga a le siteki ma le uarota e tatau ona faamaopoopoina faatasi ma fuafuaga i le afioaga. E mafai e taitai ona mafaufau e valaau ia tagata tomai faapitoa o le uelefea e fesoasoani i taumafaiga o le tali atu i faalavelave faafuasei. O fuafuaga aupito sili ona lelei e puupuu ma e le faigata tele. E tatau i aufono ona toeiloilo ma faafou e le aunoa ia fuafuaga. Faatasi ai ma laasaga nei ma pepa o galuega ua auina atu faatasi, e tatau i le siteki po o le uarota ona mafai ona fatuina:

• Se fuafuaga o le sauniuniga a le siteki ma le uarota.

• Se iloiloga o mea e manaomia ma laasaga o le faatinoga.