Sauniuniga a le Siteki ma le Uarota Fatuina o se Fuafuaga a le Siteki po o le UarotaE mafai e aufono a siteki ma le uarota ona faaaoga le taiala fuafuaina lenei ma pepa o galuega ua auina atu faatasi e fatu ai pe faafou ai fuafuaga o le tali atu i faalavelave faafuasei. Laasaga 1: Faailoa Faalavelave e Ono I AiLisi mai ia faalavelave (faalenatura pe faaletagata) lea e sili ona mafai ona tupu i la outou eria. Laasaga 2: Ao Mai ia Faamatalaga TauaTuufaatasi ma tausia ia faamatalaga nei. Laasaga 3: Otootoina o Tofiga ma AiaigaFuafua pe faapefea e le aufono ona faatulaga ma faataunuu ia galuega taitasi ua lisi atu iinei, faailoa mai po o ai e nafa ma galuega taitasi ma po o a faiga faavae o le a latou mulimulitaia. Laasaga 4: Faailoa Metotia o Fesootaiga mo Faalavelave FaafuaseiO se vaega taua o le tali atu i faalavelave e mo taitai o le Ekalesia ina ia tatalaina laina o fesootaiga i le laumua o le Ekalesia, tagata o le Ekalesia, ma taitai o le afioaga. Laasaga 5: Uunaia le Sauniuniga a le TagataIa uunaia e le aunoa ia tagata e auai i taumafaiga o le sauniuniga ma ia mulimuli i le fautuaga ua otooto mai i le Sauniuniga Faaleaiga ma le tamaitusi Ia Saunia Mea Tatau Uma: Teuina o Meaai a le Aiga (04008) ma le Ia Saunia Mea Tatau Uma: O Mea Tautupe a le Aiga (04007). Taiala o le Fuafuaina o Faalavelave Faafuasei ma Pepa o GaluegaE mafai e aufono a siteki ma le uarota ona faaaoga pepa o galuega o le fuafuaina o faalavelave faafuasei a le siteki ma le uarota e fatu ai pe faafou ai fuafuaga o le tali atu i faalavelave faafuasei.