Ika-2 nga lakang: Pagkuha og Mahinungdanon nga Impormasyon

Mohugpong ug momintenar sa mosunod nga impormasyon:

• Listahan alang sa tanang miyembro ug mga misyonaryo nga nagpuyo sulod sa stake o sa mga utlanan sa ward.

• Usa ka mapa sa dapit, lakip sa mga dapit sa miyembro ug mga gipuy-an sa misyonaryo ug mga kapanguhaang dapit sa komunidad. (Hunahunaa ang paggamit sa maps.lds.org o LDS Tools alang sa tabang niini nga buluhaton.)

• Lista sa mga miyembro nga may espesyal nga panginahanglan, sama sa may mga kakulian sa panglawas ug sa mga edaran na.

• Lista sa mga miyembro nga dunay ekipo o mga kahanas (sama sa medikal o pagkabansay sa pagtubag og emerhensiya) nga mahinungdanon sa usa ka katalagman.

• Impormasyon sa pagkontak sa pang-publikong mga ahensya alang sa kasiguroan (sama sa pulis, bombero, o mediko).

• Impormasyon sa pagkontak sa mga organisasyon sa komunidad (sama sa Red Cross o Red Crescent) nga nagsangkap og mga serbisyo atol sa emerhensiya sama sa pagkaon, kasilungan, ug medikal nga pag-atiman.

• Impormasyon sa pagkontak alang sa mga lider sa welfare sa area ug, kon aduna, sa mga kalihokan sa lokal nga welfare sa Simbahan.

Gamita ang mga worksheet sa Mahinungdanon nga Impormasyon ug ang worksheet alang sa mga Aksyon ug mga Buluhaton sa pagkompleto niini nga lakang.