Ika-3 nga lakang: Paglatid og mga Buluhaton ug mga Pamaagi

Planuhon kon sa unsang paagi maorganisar ug mapatuman ang matag tahas nga gilista, ilhon kon si kinsay responsable alang sa matag tahas ug unsa nga mga pamaagi ang ilang sundon. Magpili og pinakauna ug kapilian nga dapit diin ang mga sakop sa council magkapundok human sa emerhensiya aron madumala ang mga paningkamot sa paghupay.

Sa wala pay kalamidad:

• Magpalambo og mga relasyon sa pagtinabangay kauban sa sibil nga mga awtoridad ug ubang panghupay nga mga organisasyon sa komunidad.

Human dayon sa kalamidad:

• Klaruhon ug ireport ang kahimtang sa mga miyembro ug mga misyonaryo. Ang mga report sa panginahanglan sa miyembro sa kasagaran magagikan sa tigpangalagad nga mga brother ug sister ngadto sa mga lider sa korum sa mga elder ug Relief Society, kinsa mao dayon ang moreport niini ngadto sa bishop. Ang mga bishop, dayon, moreport niini ngadto sa presidente sa stake.

• Motabang sa pagpangita ug pagpundok sa mga sakop sa pamilya nga nagkabulag-bulag.

• Mosangkap og medikal nga tabang niadtong mga naangol o sa ubang nagkaproblema sa panglawas.

• Makigtambayayong sa mga paningkamot sa pagtabang ngadto sa sibil nga mga awtoridad ug sa panghupay nga mga organisasyon sa komunidad.

• Moabag sa mga panginahanglan ug mohan-ay sa suplay sa nag-unang mga panginahanglan ug mga serbisyo—sama sa pagkaon, temporaryong kasilungan, sanitasyon, ug mga sinina—alang sa mga miyembro ug sa uban. Ang mga lider sa welfare sa area ug, kon bisan asa nga anaa, ang mga kalihokan sa welfare sa Simbahan pweding matawagan aron makatabang sa mga panginahanglan ug mga serbisyo.

• Klaruhon ug ireport ang kahimtang sa mga building sa Simbahan ug kabtangan.

Sa mga adlaw human sa katalagman:

• Moabang sa mga miyembro nga nagub-an og mga balay o mga kabtangan, may emosyunal nga truma, o nawad-an sa panginabuhian.

• Makigtambayayong sa sibil nga mga awtoridad ug panghupay nga mga organisasyon alang sa pag-ila ug pagtubag sa mga oportunidad aron makatabang ang Simbahan sa mga panginahanglan sa komunidad.

Mogamit sa mga worksheet sa Mahinungdanong Impormasyon ug mga Aksyon ug worksheet sa mga Buluhaton sa pagkompleto niini nga lakang.