Pule i le Ola
Aisea e Tatau Ai Ona Ou Tauivi Pea Ae Ua Matua Faigata Tele le Olaga?

“Aisea e Tatau Ai Ona Ou Tauivi Pea Ae Ua Matua Faigata Tele le Olaga?” O Mafaufauga e Pule i le Ola (2018).

“Aisea e Tatau Ai Ona Ou Tauivi Pea?” O mafaufauga e pule i le ola.

Aisea e Tatau Ai Ona Ou Tauivi Pea Ae Ua Matua Faigata Tele le Olaga?

O le olaga faaletino o se meaalofa taua mai le Atua—o se meaalofa e ao ona faatauaina ma puipuia (tagai Mataupu Faavae ma Feagaiga 18:10). Ua tuuina atu ia te oe aafiaga i le olaga faaletino e fesoasoani ai ia te oe e aoao ma fesoasoani ai e te faalagolago i lou Tama Faalelagi ma Lona Alo, o Iesu Keriso.

Sa faamanatu mai ia i tatou e Elder Jeffrey R. Holland: “Po o a lava ou luitau, o’u uso e ma tuafafine—faalemafaufau pe faalelagona pe faaletino po o le a lava—aua e te filifili e faasaga i le taua tele o le ola e ala i le faamutaina! Faalagolago i le Atua. Taofimau i Lona alofa. Ia iloa o le a i ai le aso e susulu mai ai se malamalama ma mou atu ai le pogisa o tiga faaletino” (“Peiseai o se Ipu ua Nutililii,” Liahona, Nov. 2013, 42).

Na aoao mai Elder Orson F. Whitney: “E leai se tiga tatou te mafatia ai, leai se tofotofoga tatou te oo i ai e maimau. E aoga mo lo tatou a’otauina, i le atinaega o na uiga auaumama e pei o le onosai, faatuatua, lototoa ma le lotomaulalo. O mea uma tatou te mafatia ai, ma mea uma tatou te tutumau ai, ae maise lava pe a tatou tutumau ai i le onosai, e fausia ai o tatou tagata, faamamaina ai o tatou loto, faateteleina ai o tatou agaga, ma faateleina ai lo tatou agamalu ma le agaalofa, faateleina ai lo tatou agavaa e ta’ua ai o fanau a le Atua … ma o le faanoanoa ma mafatiaga, galue malosi ma tiga, lea tatou te maua ai le aoaoga e faapea ua tatou o mai iinei ina ia maua, ma o le a avea atili ai i tatou e faapei o lo tatou Tama ma le Tina o i le lagi” (sii mai i Aoaoga a Peresitene o le Ekalesia: Spencer W. Kimball [2006], 16).

Afai ua lagonaina le lofituina o ou luitau, saili se fesoasoani. E manaomia e tagata uma le fesoasoani mai i isi, tusa lava po o le a lo latou faatuatua o i ai. E oo lava ia Iesu na ia manaomia le mafanafana ma le malosiaga mai Lona Tama. E mafai e le Alii ona faamalosia oe pe auina atu isi e fesoasoani ma faamafanafana oe (tagai Mosaea 18:8; 24:15). Sue se fesoasoani faapolofesa pe talanoa i lou epikopo po o se isi tagata e te talitonuina. Saili se faamanuiaga faaleperisitua. Tatalo mo se fesoasoani, ma talitonu o le a e mauaina. E le’i faagaloina lava oe e le Atua.

Punaoa a le Ekalesia ma le Nuu