Magpunting kang Jesukristo

Hatagi og gibug-aton ang ehemplo ni Jesukristo.

Kahanas: Tabangi ang mga estudyante nga makonektar kon unsay ilang nakat-onan ngadto sa paagi nga si Kristo mipakita sa baroganan.

Pagpasabot

Ang pagtabang sa mga estudyante nga ibutang si Jesukristo diha sa sentro sa ilang pagkat-on motabang kanila nga makabaton og mas personal ug gamhanan nga kasinatian sa pagkat-on. Usa ka paagi nga ato kining mabuhat mao ang pagtabang sa mga estudyante nga makonektar ang unsay ilang nakat-onan ngadto sa kinabuhi ug ehemplo ni Jesukristo. Mabuhat nimo kini pinaagi sa paggamit og mokonektar nga mga pangutana sa kinatibuk-an sa usa ka leksiyon. Kini nga mga pangutana motabang sa mga estudyante sa pagkonektar sa kinabuhi ug ehemplo ni Jesukristo ngadto sa

• mga detalye sa usa ka istorya sa kasulatan,

• mga baroganan diha sa mga kasulatan, ug

• mga kasinatian diha sa ilang kaugalingon nga mga kinabuhi.

Modelo

Aniay pipila ka ehemplo kon sa unsa nga paagi nga ikaw makatabang sa mga estudyante nga mokonektar ngadto sa kinabuhi ug ehemplo ni Jesukristo:

• Human sa pagbasa og usa ka istorya sa kasulatan ug paghisgot sa mga detalye, mahimo kang mangutana, “Unsa ang anaa niini nga istorya ang makapahinumdom kaninyo sa kinabuhi ug ehemplo ni Jesukristo?”

• Human sa pagtino og usa ka baroganan, mahimo kang mangutana, “Asa diha sa mga kasulatan nga si Jesus mipakita niini nga baroganan?”

• Human sa pagtuki sa usa ka baroganan, mahimo kang mangutana, “Kanus-a nimo nakita nga si Jesus mipakita niini nga baroganan diha sa imong kinabuhi o alang kanimo?”

• Kon maghisgot sa paggamit sa usa ka baroganan, mahimo kang mangutana, “Unsa ang gikan sa ehemplo ni Jesus ang makatabang kanimo nga mas hingpit nga mosunod niini nga baroganan?”

• Mahimo usab kang mangutana, “Sa unsa nga paagi nga ang pagsunod niini nga baroganan motabang kanimo sa pagsunod sa ehemplo ni Jesukristo ug mahimog mas sama Kaniya?”

Iklik dinhi aron makakita og bidyo niini nga modelo.

Pagpraktis

Gamita ang usa o dugang pa sa mosunod nga mga pagpraktis aron sa pagpalambo sa imong abilidad sa pagtabang sa mga estudyante nga mokonektar ngadto sa kinabuhi ug ehemplo ni Jesukristo:

• Hunahunaa kini nga baroganan: “Kon kita masulundon, bisan pa sa mga pagsulay, nan ang Dios motabang kanato.” Sa imong pagpangandam, praktisa ang pagkonektar niini nga baroganan ngadto sa usa o duha ka ehemplo sa kinabuhi ni Jesus diha sa mga kasulatan.

• Tan-awa ang usa ka umaabot nga plano sa leksiyon. Pagpili og usa ka baroganan nga giplano nimo aron tabangan sa pagtino ang mga estudyante. Pagpraktis sa pagsulat og duha o tulo ka yano nga mga pangutana aron tabangan ang mga estudyante nga mokonektar niana nga baroganan ngadto sa ehemplo ni Jesukristo.

• Pangita og usa ka dapit diha sa usa ka umaabot nga leksiyon diin imong tutokan ang paggamit. Pagpraktis sa pagsulat og duha o tulo ka pagdapit nga makatabang sa mga estudyante nga mokonsiderar kon sa unsa nga paagi ang ehemplo ni Jesukristo makatabang kanila sa paggamit sa usa ka baroganan.

Hisgoti o Pamalandongi

Pamalandongi kon unsa ang imong nakat-onan gikan niini nga kasinatian. Tingali marekord nimo ang pipila niini nga mga hunahuna diha sa usa ka journal sa pagtuon. Ikonsiderar ang mosunod nga mga pangutana:

• Unsa ang akong nabuhat kaniadto sa pagkonektar sa unsay nakat-onan sa mga estudyante diha sa mga kasulatan ngadto sa kinabuhi ug ehemplo ni Jesukristo?

• Unsa ang akong nakat-onan gikan niini nga kasinatian nga makapalambo sa akong abilidad sa pagtabang sa mga estudyante nga mohimo niini nga mga koneksiyon ngadto ni Jesukristo?

• Unsa ang akong buhaton aron magpadayon sa paglambo?

Iapil

Iapil ang unsay imong gipraktis aron sa pagtabang sa mga estudyante nga mokonektar sa unsay ilang nakat-onan ngadto kang Jesukristo ug hatagi og gibug-aton ang Iyang ehemplo. Atol sa sunod semana, pagpili og usa ka baroganan diha sa matag leksiyon nga imong gamiton sa pagtabang sa mga estudyante nga mokonektar sa unsay ilang nakat-onan ngadto kang Jesukristo ug sa Iyang ehemplo.

Gusto pa og Dugang?

• Neil L. Andersen, “Kita Naghisgot Kang Kristo,” kinatibuk-ang komperensiya, Okt. 2020

• Seksiyon 3.1, “Unit 3: Teach the One,” Inservice Leaders’ Resources