Pagtudlo mahitungod ni Jesukristo Bisan Unsa Pa ang Imong Gitudlo

Pangita og mga simbolo nga nagpamatuod kang Jesukristo.

Kahanas

Ipangutana kanang makatabang sa mga estudyante nga makakat-on mahitungod ni Jesukristo pinaagi sa mga simbolo diha sa mga kasulatan.

Ipasabot

Sa Pagtudlo Sumala sa Pamaagi sa Manluluwas, kini nag-ingon: “‘Ang tanan nga mga butang,’ ang Ginoo mipadayag, ‘gilalang ug gibuhat aron magpamatuod kanako (Moises 6:63; tan-awa usab sa 2 Nephi 11:4). Uban nianang kamatuoran sa atong hunahuna, kita [makatabang sa mga estudyante] nga makakat-on nga makakita og daghang mga simbolo diha sa mga kasulatan nga nagpamatuod sa Manluluwas. … Gani makakita ka og mga pagkasusama sa kinabuhi sa Manluluwas diha sa mga kinabuhi sa mga propeta ug sa ubang matinud-anong mga lalaki ug mga babaye diha sa mga kasulatan. Ang pagpangita og mga simbolo nagpadayag og mga kamatuoran mahitungod sa Manluluwas diha sa mga dapit nga mahimo nimong mataligam-an” (pahina 7). Kita makatabang sa mga estudyante nga makakat-on sa pagtan-aw ni Jesukristo pinaagi sa pagpangutana og mga pangutana nga makatabang kanila nga maghunahuna kon sa unsang paagi ang mga tawo, mga dapit, mga panghitabo, o mga butang diha sa mga kasulatan nagtudlo, nagpamatuod, o may kalabotan ngadto, o nagpahinumdom kanato bahin Kaniya. Kini nga mga pangutana mahimong ipangutana sa wala pa o pagkahuman nga imong gidapit ang mga estudyante sa pagbasa. Ang mga ehemplo niini nga matang sa mga pangutana naglakip sa mosunod.

• Unsa nga mga kinaiya ni Jesukristo ang inyong nakita sa ?

• Sa unsang paagi ang mga aytem niini nga mga bersikulo may kalabotan ni Jesukristo?

• Sa unsang paagi kini nga asoy nagpamatuod ni Jesukristo?

• Unsa nga mga simbolo ni Jesukristo ang inyong makita dinhi niining estorya?

Modelo

Samtang ang magtutudlo naggiya sa klase latas sa Juan 10, Iyang ipangutana ang mosunod:

• Unsa nga kinaiya ni Jesukristo ang inyong nakita diha sa “pultahan” nga gipasabot sa bersikulo 2?

• Sa unsang paagi ang “tig-abli” diha sa bersikulo 3 may kalabotan ngadto ni Jesukristo?

• Unsa pay laing mga simbolo ni Jesukristo ang inyong makita diha sa Juan 10?

Pagpraktis 1

1. Unsa ang imong mapangutana diha sa Mga Buhat 3:1–7 nga makatabang sa mga estudyante nga makakita ni Jesukristo dinhi niining asoy?

2. Samtang motan-aw ka sa umaabot nga mga hut-ong sa kasulatan sa kurikuloum alang sa mosunod nga duha ka semana, unsa ang imong ikapangutana nga makatabang sa imong mga estudyante nga makita si Jesukristo?

Hisgoti o Pamalandongi

• Unsa nga bili ang imong nakita diha sa pagdapit sa uban aron makakat-on nga makita si Jesukristo diha sa tanang butang?

• Sa unsang paagi nga ang pagkakita sa Manluluwas diha sa mga kasulatan nakaapekto sa imong kinabuhi?

Iapil

• Sa matag leksiyon sa umaabot, ikonsiderar ang mga simbolo sa Manluluwas nga makit-an diha sa mga kasulatan ug pagsukot og mga pangutana aron matabangan ang mga estudyante nga makadiskobre niini.

Gusto pa og dugang?

• Alma 30:44; Moises 6:63

• Chad H Webb, “Kami Naghisgot kang Kristo, Kami Nalipay diha kang Kristo” (Tinuig nga sibya sa pagbansay sa Seminaries and Institutes of Religion, Hunyo 12, 2018), broadcasts.ChurchofJesusChrist.org.