Itudlo ang Doktrina

Tabangi ang mga tigkat-on sa pagpangita, pag-ila, ug pagsabot sa mga kamatuoran diha sa mga kasulatan.

Kahanas: Paghimo og mga pagtimbang-timbang sa kaugalingon sa estudyante nga makatabang nila sa pag-ila sa ilang kasamtangan nga panabot ug mga abilidad mahitungod sa mga kahanas sa pagtuon sa kasulatan.

Pagpasabot

Ang pagsukod sa kaugalingon usa ka importante nga paagi nga makat-on ang mga estudyante sa paggamit sa kabubut-on ug sa pagpanag-iya sa ilang mga kasinatian sa pagkat-on. Ang kanunay nga pagsukod sa mga estudyante sa ilang mga kahanas sa pagtuon sa kasulatan makatabang sa mga magtutudlo nga masayod kon unsa nga matang sa mga kasinatian sa pagkat-on ang himoon aron matabangan ang mga tigkat-on nga mahimong makabarog sa kinaugalingon nga paningkamot sa ilang pagtuon sa kasulatan. Kini nga mga pagtimbang-timbang adunay daghang lain-laing porma, sama sa mga timbangan, dili limitado ang tubag nga mga hugpong sa mga pulong, o kinaugalingong paghatag og grado. Gitugotan nila ang mga magtutudlo sa pagtabang sa mga estudyante sa (1) pagtimbang-timbang sa ilang kasamtangang kasinatian sa pagtuon sa kasulatan, (2) pag-ila kon unsa nga mga kalamboan ang gusto nilang himoon, ug dayon (3) pagpili og kahanas sa pagtuon nga makatabang sa paggiya ngadto sa ilang gitinguha nga resulta.

Modelo

Ang mosunod mao ang mga modelo sa lain-laing mga matang sa pagtimbang-timbang sa kaugalingon mahitungod sa mga kahanas sa pagtuon sa kasulatan:

• Sa grado nga 1 ngadto sa 10, unsa ka masaligon ang akong gibati mahitungod sa pagpangita ni Jesukristo sa matag kapitulo?

• Sa akong hunahuna ako mas maayo sa pagpangita ni Jesukristo sa matag kapitulo kon ako …

• Usa ka kahanas sa pagtuon nga makatabang nako sa pagpangita ni Jesukristo sa matag kapitulo mao ang …

Iklik dinhi aron makakita og bidyo niini nga modelo.

Pagpraktis

Paghimo og pagtimbang-timbang sa kaugalingon nga mga kahanas sa pagtuon sa kasulatan sa estudyante nga naglakip sa tulo ka mga elemento nga gilista diha sa seksiyon nga “Pagpasabot”. Pagdapit og usa ka tawo sa pagrebyo niini ug pagpaambit kon unsa ka makatabang kini sa ilang hunahuna.

Hisgoti o Pamalandongi

• Unsa ang imong nakat-onan mahitungod sa kaimportante sa pagtabang sa mga tigkat-on sa pagsukod sa ilang kaugalingon nga mga kahanas sa pagtuon sa kasulatan?

• Sa unsang paagi ang pagtabang sa mga tigkat-on sa pagtimbang-timbang sa ilang mga kahanas sa pagtuon sa kasulatan makadugang sa ilang kapasidad nga makabaton og mas makahuluganon nga kasinatian sa pulong sa Dios?

Iapil

Dapita ang mga estudyante sa pagsukod sa ilang kaugalingon sa ilang personal nga mga kahanas sa pagtuon sa kasulatan kada semana tali karon ug sa kataposan sa tuig ting-eskwela.

Gusto pa og Dugang?

• “Leksiyon 5: Mga Pamaagi sa Epektibo nga Pagtuon sa Kasulatan,” Pagtuon sa Kasulatan—Ang Gahom sa Pulong nga Manwal sa Magtutudlo , ChurchofJesusChrist.org

• “Daily Scripture Stud and Goals,” Inservice Leaders’ Resources