“Paghatag og gibug-aton sa mga kamatuoran nga modala ngadto sa pagkakabig ug paglig-on sa hugot nga pagtuo diha ni Jesukristo,” Pagpalambo sa mga Kahanas sa Magtutudlo (2022)

“Paghatag og gibug-aton sa mga kamatuoran nga modala ngadto sa pagkakabig ug paglig-on sa hugot nga pagtuo diha ni Jesukristo,” Pagpalambo sa mga Kahanas sa Magtutudlo

Itudlo ang Doktrina

Paghatag og gibug-aton sa mga kamatuoran nga modala ngadto sa pagkakabig ug paglig-on sa hugot nga pagtuo diha ni Jesukristo.

Kahanas: Ipangutana kanang makatabang sa mga estudyante sa pag-ila ug pagpahayag sa makapakabig nga mga baroganan.

Pagpasabot

Si Presidente Henry B. Eryring sa Unang Kapangulohan namahayag, “Ang usa ka makapakabig nga baroganan mao kanang modala ngadto sa pagkamasulundon sa kabubut-on sa Dios” (Converting Principles” [mga komentaryo diha sa usa ka gabii uban ni Elder L. Tom Perry, Peb. 2, 1996], 1). Usa ka paagi sa pagtabang sa mga estudyante sa pag-ila ug pagpahayag sa makapakabig nga mga baroganan mao ang pagpangutana kanila og makapasiksik nga pangutana nga makapadasig nila sa pagpangita og hugpong sa mga pulong nga makatabang nato nga madugangan ang atong hugot nga pagtuo ug pagkamasulundon sa kabubut-on sa Dios. Laing paagi sa pagtabang nila sa pag-ila ug pagpahayag sa makapakabig nga mga baroganan mao ang paghangyo og follow-up nga mga pangutana human ang usa ka estudyante makapaambit og istorya, kasinatian, o pagpasabot. Ang follow-up nga mga pangutana magdapit sa mga estudyante sa pagsulti og usab sa ilang mga komentaryo sa yano nga paagi nga makapalig-on sa hugot nga pagtuo kang Kristo ug sa pagkaandam nga mosunod sa kabubut-on sa Dios.

Modelo

Makapasiksik nga mga pangutana:

Samtang nagsiksik sa Doktrina ug mga Pakigsaad 121:41–46, unsa nga hugpong sa mga pulong ang imong nakita nga makapadasig kanimo sa pagtuman ug pagbaton og hugot nga pagtuo sa kabubut-on sa Dios?
Samtang magbasa ka sa Josue 1:5–9, unsay imong nakita nga makatabang nimo sa pagbuhat sa kabubut-on sa Dios?
Unsa nga mga kamatuoran ang imong nakita sa Mateo 7:7–12 nga makatabang sa pagpalig-on sa imong hugot nga pagtuo kang Jesukristo ug mosunod Kaniya?

Kining sama nga mga pangutana mahimong usbon og gamay aron maporma ang follow-up nga mga pangutana aron matabangan ang mga estudyante sa pagpahayag og usa ka makapakabig nga baroganan.

Kasinatian sa estudyante: Si Maria mipaambit og kasinatian diin ang pagpangutana diha sa pag-ampo migiya sa tubag nga dili niya gusto.

Pangutana sa magtutudlo: “Sa usa ka hugpong sa mga pulong, unsay imong nakat-onan gikan niana nga kasinatian nga makatabang sa uban nga makabaton og hugot nga pagtuo kang Jesukristo ug mosunod sa Iyang direksyon?”

Pagpasabot sa estudyante: Si Kyle bag-o lang mipaambit og nindot apan taas nga pagpasabot sa iyang nakat-onan sa iyang pagtuon sa kasulatan sa miaging gabii.

Pangutana sa magtutudlo: “Sa usa ka yano nga pamahayag, unsay imong nakat-onan nga makatabang nimo nga mas maduol sa Langitnong Amahan ug ni Jesukristo?”

Istorya sa estudyante: Si Katana mipaambit og istorya kon giunsa niya pagsunod ang balaod sa ikapulo bisan og lisod kini.

Pangutana sa Magtutudlo: “Sa usa ka kapahayag [sentence], unsa man ang bahin niana nga kasinatian nga makatabang nimo sa pagpadayon sa pagbaton og hugot nga pagtuo kang Kristo kon lisod ang pagsunod Kaniya?”

Iklik dinhi aron makakita og bidyo niini nga modelo.

2:10

Pagpraktis

Isulat ang makapasiksik nga mga pangutana alang sa mosunod nga mga tudling sa kasulatan:

Pagsulat og follow-up nga pangutana alang sa matag senaryo aron matabangan ang mga estudyante sa pagpahayag og usa ka makapakabig nga baroganan:

Si Elena mipakigbahin og talagsaong personal nga kasinatian sa pagsunod sa pag-aghat gikan sa Espiritu.
Si Chris mihatag og nindot nga pagpasabot sa iyang nakat-onan gikan sa istorya ni David ug Goliat.
Si Mele mipaambit og personal nga istorya sa pagbalik ngadto ni Jesukristo sa dihang namatay ang usa ka sakop sa pamilya.

Hisgoti o Pamalandongi

Unsa ang imong nakat-onan mahitungod sa pagtabang sa mga estudyante nga mohatag og pagtagad sa makapakabig nga mga baroganan?
Sa unsang paagi kini nga buhat makatabang sa mga estudyante sa pagtudlo sa doktrina nga makita diha sa pulong sa Dios?

Iapil

Niini nga pagbansay nakapraktis na ka og duha ka mga kahanas nga makatabang sa tigkat-on sa pag-ila ug klaro nga pagpahayag sa mga makapakabig nga mga baroganan: makapasiksik nga mga pangutana ug mga pangutana sa pag-follow-up. Samtang maghunahuna ka bahin sa imong mga estudyante, pagpili og usa ka kahanas nga ilakip nga labing mapuslanon alang kanila. Karong semanaha, samtang mag-andam ka sa matag tudling sa kasulatan, padayon nga mangutana sa imong kaugalingon, “Unsaon nako pagtabang ang tigkat-on sa pag-ila ug pagpahayag og makapakabig nga baroganan?” Mahimo nimong isulat kana nga pangutana isip usa ka pahinumdom nga magpabilin kanimo samtang nangandam ka.

Human nimo masulat ang usa ka pangutana nga makatabang sa tigkat-on sa pag-ila o pagpahayag og usa ka makapakabig nga baroganan, sulayi paghanduraw kon unsaon kini pagtubag sa mga estudyante. Kon imong mahanduraw sila nga nagpahayag og usa ka makapakabig nga baroganan, hinumdomi kini. Kon imong mahanduraw ang mga estudyante nga nanlimbasog sa pagpahayag og usa ka makapakabig nga baroganan, usba ang pangutana aron kini makatabang sa pagkab-ot sa gituyo nga resulta.

Gusto pa og Dugang?

David A. Bednar, “Ang mga Baroganan sa Akong Ebanghelyo,” kinatibuk-ang komperensiya Abr. 2021
Henry B. Eyring, “The Power of Teaching Doctrine,” kinatibuk-ang komperensiya, Abr 1999