Tabangi ang mga tigkat-on sa pagkaplag og personal nga kamahinungdanon sa doktrina ni Jesukristo.

Kahanas

Pag-andam og mga imbitasyon ug mga pag-aghat nga motabang sa mga estudyante sa pagkaplag og personal nga kamahinungdanon sa usa ka hut-ong sa kasulatan.

Ipasabot

Ang mga estudyante makakaplag og personal nga kamahinungdanon sa mga kasulatan kon sila mokonsiderar kon sa unsang paagi ang ilang gitun-an mahimong mahinungdanon ug mapuslanon diha sa ilang mga kahimtang. Usa ka paagi nga ang mga magtutudlo makatabang sa mga estudyante niini nga proseso mao ang pag-andam og mga imbitasyon ug mga pag-aghat nga maglakip sa mosunod:

• Usa ka oportunidad alang sa mga estudyante sa paghunahuna mahitungod sa ilang kasamtangang mga kahimtang sa kinabuhi.

• Usa ka higayon alang sa mga estudyante sa pagbasa og usa ka tudling sa kasulatan.

• Usa ka pag-aghat nga motabang sa mga estudyante nga moila sa mga pagkasusama tali sa ilang mga sirkumstansiya ug sa mga sirkumstansiya niadtong ilang gibasa diha sa mga kasulatan. Pananglitan, “Ang akong kasinatian susama kang Pedro tungod kay …”

• Usa ka higayon alang sa mga estudyante sa pagpamalandong kon sa unsang paagi ang matinud-anon nga mga tubag niadtong anaa sa mga kasulatan makadasig sa ilang kaugalingon nga matinud-anon nga mga tubag karon.

Ang pagbuhat niini motabang sa mga estudyante nga makat-on kon unsaon sa pagkat-on gikan sa mga kasulatan ug motugot sa Espiritu Santo sa pagtabang kanila sa pagkaplag og personal nga kamahinungdanon.

Modelo

Samtang si Sister Williams nag-andam sa iyang leksiyon alang sa Mga Buhat 4–5, gilakip niya ang mosunod sa iyang plano:

• Pangutan-a ang mga estudyante: “Unsa ang usa ka butang sa inyong kinabuhi nga kamo nagkinahanglan og tabang karon?”

• Dapita ang mga estudyante sa pagbasa ug pagtubag: “Samtang kamo mobasa sa Mga Buhat 4:1–13, palihog pag-andam sa pagtapos sa mosunod nga pag-aghat: ‘Ang akong kinabuhi susama sa kang Pedro ug Juan tungod kay …’”

• Mangutana sa mga estudyante: “Unsa ang inyong nakat-onan gikan sa mga tubag ni Pedro ug Juan nga makatabang kaninyo?”

Pagpraktis

• Pag-andam og mga imbitasyon ug mga pag-aghat nga motabang sa mga tigkat-on sa pagkaplag og personal nga kamahinungdanon diha sa usa ka umaabot nga leksiyon niini nga semana. Ipakigbahin ng imong mga imbitasyon ug mga pag-aghat sa usa ka higala, sakop sa pamilya, o kauban ug pangayo og feedback.

Hisgoti o Pamalandongi

• Sa unsang paagi ang paghimo niini nga mga matang sa mga imbitasyon ug mga pag-aghat motabang sa mga tigkat-on sa pagkaplag og personal nga kamahinungdanon?

• Sa unsang paagi kini nga mga matang sa mga imbitasyon ug mga pag-aghat mopalambo sa kasinatian sa pagkat-on?

• Unsa ang ubang mga paagi nga ikaw makatabang sa mga estudyante sa pagkaplag og personal nga kamahinungdanon sa mga kasulatan?

Iapil

• Paghimo og usa ka plano sa pagbansay sa paghimo og mga imbitasyon ug mga pag-aghat nga motabang sa mga estudyante nga makakaplag og personal nga kamahinungdanon sa doktrina ug mga baroganan sa ebanghelyo nga imong gitudlo.

Gusto pa og Dugang?

• Chad H. Webb, “Kita Wala Moabot Niining Gilay-ona Aron Igo Lang Mohunong Dinhi (Tinuig nga sibya sa pagbansay sa Seminaries and Institutes of Religion, Hunyo 9, 2020), broadcasts.ChurchofJesusChrist.org

• “Panel nga Diskusyon” (Tinuig nga sibya sa pagbansay sa Seminaries and Institutes of Religion, Hunyo 9, 2020), broadcasts.ChurchofJesusChrist.org

• “Pangutana og Dinasig nga mga Pangutana,” Pagtudlo Sumala sa Pamaagi sa Manluluwas (2016), 31–32