Ituro ang Doktrina

Tulungan ang mga mag-aaral na mahanap, makilala, at maunawaan ang mga katotohanan sa mga banal na kasulatan.

Kasanayan: Lumikha ng mga pagsusuri sa sarili para sa mga estudyante na tutulong sa kanila na matukoy ang kanilang kasalukuyang pang-unawa at kakayahan tungkol sa mga kasanayan sa pag-aaral ng mga banal na kasulatan.

Ipaliwanag

Ang pagsusuri sa sarili ay mahalagang paraan para matutuhan ng mga estudyante na gamitin ang kalayaang pumili at magkaroon ng sarili nilang mga karanasan sa pag-aaral. Ang madalas na pagpapagawa ng mga pagsusuri ng mga estudyante sa kanilang mga kasanayan sa pag-aaral ng mga banal na kasulatan ay tutulong sa mga guro na malaman kung anong uri ng mga karanasan sa pagkatuto ang gagawin upang matulungan ang mga mag-aaral na umasa sa sarili nilang kakayahan sa pag-aaral nila ng mga banal na kasulatan. Ang mga pagsusuring ito ay maraming iba’t ibang uri, tulad ng mga scale, mga pariralang hindi tapos, o self-rating. Tinutulutan ng mga ito ang mga guro na tulungan ang mga estudyante na (1) suriin ang kanilang kasalukuyang karanasan sa pag-aaral ng mga banal na kasulatan, (2) tukuyin kung anong mga pagpapabuti ang gusto nilang gawin, at pagkatapos ay (3) pumili ng isang kasanayan sa pag-aaral na tutulong na humantong sa kanilang gustong resulta.

Ipakita

Ang sumusunod ay mga halimbawa ng iba’t ibang uri ng pagsusuri sa sarili hinggil sa mga kasanayan sa pag-aaral ng mga banal na kasulatan:

• Sa scale na 1 hanggang 10, gaano ako katiwala na mahahanap ko si Jesucristo sa bawat kabanata?

• Sa tingin ko ay mas mahahanap ko si Jesucristo sa bawat kabanata kung …

• Ang isang kasanayan sa pag-aaral na makatutulong sa akin na mahanap si Jesucristo sa bawat kabanata ay …

Mag-klik dito upang mapanood ang video tungkol dito.

Magpraktis

Bumuo ng isang pagsusuri sa mga kasanayan sa pag-aaral ng mga banal na kasulatan ng mga estudyante na kinabibilangan ng tatlong elementong nakalista sa bahaging “Ipaliwanag.” Anyayahan ang isang tao na rebyuhin ito at ibahagi kung gaano kalaking tulong ito sa palagay nila.

Talakayin o Pagnilayan

• Ano ang natututuhan mo tungkol sa kahalagahan ng pagtulong sa mga mag-aaral na masuri ang sarili nilang mga kasanayan sa pag-aaral ng mga banal na kasulatan?

• Paano madaragdagan ng pagtulong sa mga mag-aaral na masuri ang kanilang mga kasanayan sa pag-aaral ng mga banal na kasulatan na magkaroon sila mas makabuluhang karanasan sa salita ng Diyos?

Isama

Anyayahan ang mga estudyante na suriin ang kanilang personal na kasanayan sa pag-aaral ng mga banal na kasulatan linggu-linggo mula ngayon hanggang sa katapusan ng school year.

Gusto Mo Bang May Matutuhan Pa?

• “Lesson 5: Techniques of Effective Scripture Study,” Scripture Study—The Power of the Word Teacher Manual, ChurchofJesusChrist.org

• “Daily Scripture Study and Goals,” Inservice Leaders’ Resources