Raatin li Xb’eenil Awa’b’ejil

Ex raarokil qas qiitz’in,

K’a’jo’ xchaqal ru li hoonal re xk’utb’al lix evangelio li Jesukristo! A’ yaal ma wan malaj maak’a’ laa b’oqb’al chi k’utuk, laa’et aj k’utunel. Jo’ xtzolom aj Tzolol reheb’ laj k’utunel, a’ li Jesukristo, wan aahoonal re xwotzb’al lix saqen a’ yaal b’ar nakatxik —sa’ li junkab’al, sa’ li iglees, naq nakatk’anjelak chiruheb’ laa was aawiitz’in ut sa’ xyanqeb’ laa wamiiw. Xk’utb’al li evangelio a’an jun loq’laj teneb’ahom. A’an aajel ru sa’ lix k’anjel li Qaawa’ ut jwal chaab’il li ruuchinihom naq naqab’aanu jo’ li rajom a’an.

Nakatqab’oq chixtzolb’al xkomon aana’leb’ chirix li Jesukristo ut chan ru naq a’an kixk’ut li evangelio. Rik’in tijok tzoleb’ li raatin, lix b’aanuhom, ut lix chaab’ilal ut k’e aach’ool chixxtaaqenkil chi nach’ wi’chik. Li K’utuk jo’ li Kolonel naru nakatxb’eresi.

Li Xbʼeenil Awaʼbʼejil