Listaan dagiti Balikas

Aaronic PriesthoodTi nababbaba a priesthood. Iraman daytoy a priesthood ti turay a mamuniag ken nanaganan para ken ni Aaron iti Daan a Tulag ti Biblia.

ApostolTi pangawag nga inted ni Jesucristo kadagiti sangapulo-ket-dua a lallaki a pinilina a kas kasingedan a katulonganna bayat ti panagministrona iti daga ken nangtedanna iti turay nga agtignay iti naganna. Kadagiti kabaruanan a panawen, nangawag ni Jesucristo iti dadduma pay a lallaki nga agserbi a kas Apostolna. Kas kadagiti nagkauna a panawen, ti Apostol ket maysa a naisangsangayan a saksi ni Jesucristo ken addaan iti turay manipud Kenkuana.

EbanghelioTulongannatayo ti plano ti Nailangitan nga Ama a maaddaan iti talna iti daytoy a biag ken rag-o iti kinaagnanayon. Maisentro ti ebanghelio iti Pannubbot ni Jesucristo ken idawatna a kasapulan kadatayo ti maaddaan iti pammati Kenkuana, agbabawi, agpabuniag, umawat iti Espiritu Santo, ken agibtur agingga iti panungpalan.

Espiritu SantoMaawagan pay iti Espiritu Santo, ti Espiritu ti Dios, ken ti Mangliwliwa. Agsaksi, wenno agpaneknek, maipapan iti Nailangitan nga Ama ken ni Jesucristo ken agipalgak ken mangisuro iti kinapudno.

Ikakalilis iti KinapudnoNo dagiti tao, ti Simbaan, wenno dagiti intero a nasion ket tallikudan wenno baybay-anda ti ebanghelio ni Jesucristo. Agbanag ti ikakalilis iti kinapudno iti saan a panagkaykaysa, pannakatikaw, ken pannakapukaw ti turay ti priesthood, wenno ti karbengan nga agtignay iti nagan ti Dios.

Melchizedek PriesthoodTi nangatngato wenno nain-indaklan a priesthood. Nanaganan daytoy para ken ni Melchizedek iti Daan a Tulag ti Biblia, a maysa a nalinteg a nangato a saserdote ken ari.

OrdinansaMaysa a sagrado, pormal nga aramid nga annongen ti turay ti priesthood. Maysa a pagarigan ket ti panagbuniag.

PaltiingPanagsarita ti Dios ken dagiti annakna, gagangay a babaen iti Espiritu Santo. Makaawat dagiti tao iti paltiing a mangiwanwan iti bukodda a biag, ngem ti laeng propeta a pinili ti Dios ti makaawat iti paltiing para iti intero a lubong. Sumangbay ti paltiing iti adu a wagas, ngem kaaduanna a sumangbay a kas pampanunot, panagrikna, ken impresion.

PanagbuniagMaysa a kasapulan unay nga addang iti panangawat iti pannakapakawan kadagiti basbasol. Iti panagbuniag ken kumpirmasion babaen iti turay ti priesthood, agbalintayo a miembro ti Ti Simbaan ni Jesucristo dagiti Santo iti Ud-udina nga Aldaw. Ti panagbuniag ket babaen ti pannakairarem, kaipapananna a ti tao a buniagan ket apagbiit a maipalned iti danum. Ipakita ti panagbuniag ti kinataludontayo a mangsurot iti pagwadan ni Cristo ken mangaramid kadagiti katulagan iti Dios.

PanagungarKalpasan ti pisikal nga ipapatay wenno ipapatay ti bagi, ti pannakitipon manen ti espiritu iti napaan-anay a pisikal a bagi a nagtagilasag ken nagtagitulang. Ni Jesucristo ti immuna a nagungar.

PannakaisubliPanangaramid iti maysa a banag a kas iti sigud; panangipasdek manen iti daytoy; panangisubli manen iti daytoy. Kalpasan ti pannakapukaw ti kinapudno ken turay manipud iti daga, naisubli ti ebanghelio babaen ken ni Propeta Joseph Smith. Ti pannakaisubli ket maigiddiat iti pannakabalbaliw wenno repormasion ta ti mangbalbaliw ket kaipapananna ti mangpabaro iti paset ti agdama nga organisasion wenno aramid nga addaan iti panagkagumaan a mangisubli iti daytoy iti sigud a kasasaadna, idinto a ti mangisubli ket kaipapananna ti mangipasdek manen wenno mangpabaro manen iti sigud nga organisasion wenno aramid iti pakabuklanna.

PannubbotTi pasamak a mangpabael kadatayo a makitunos iti Dios. Ti mangsubbot ket mangsagaba iti pannusa gapu iti basol, iti kasta a wagas mangikkat kadagiti bunga ti basol manipud kadagiti agbabbabawi a managbasol. Ni Jesucristo laeng ti agmaymaysa a makabael a mangaramid iti naan-anay a Pannubbot para iti amin a sangkataw-an. Mairaman iti Pannubbotna ti panagsagabana para kadagiti basbasoltayo, ti panagsayasay ti darana, ken ti ipapatay ken Panagungarna. Gapu iti Pannubbot, agungarto ti amin a nagbiagen. Mangted pay kadatayo ti Pannubbot iti wagas a pakapakawanantayo kadagiti basbasoltayo ken makipagnaed iti Dios iti agnanayon.

PriesthoodTi turay ken pannakabalin ti Dios. Ited ti Dios daytoy a pannakabalin iti tao tapno agtignay iti naganna. Naisubli ti Aaronic Priesthood ken ni Joseph Smith babaen ni Juan Bautista, a nangbuniag ken ni Jesus. Ti Melchizedek Priesthood ket insubli da Pedro, Santiago, ken Juan, tallo kadagiti Sangapulo-ket-dua nga Apostol ni Jesus.