Tahk ke Kahs

AkwuckAkwuck muhtahl, suc orekmakihnyuck ke kuh luhn pristut. Sie mwe srihkasrak pa pacptais.

FohlohkihnyuckyakOruh sie ma orekma oacna met ah; sifil oaki; fohlohkohnwack in sasuci. Tukun ma pwacye ac kuh tuhlac liki facluh, wosasuc uh fohlohkihnyuckyak sel Mwet Pahluh Joseph Smith. Fohlohkyak sac sie na liki in sifil luhmahlah ma ke in sifil luhma kalmac pa in ahkwoyelah sie u ma oasr kuh akwuck in srihke in fohlohkihn nuh ke pwacyeiyac ah, finne nuh ke fohlohkihn kalmac pa in sifilpac oakiyac kuh ahksasucye u na pwacye sac kuh ahkpahye nuh ke fohniyac ah.

Forlah liki Ma PwacyeKe kais sie mwet, Alu, kuh muhtuhnfacl nuh kwewa kuhflah kuh forlah liki wosasuc luhn Jisus Kraist. Ma sikyak ke forlah liki ma pwacye pa lahelihk, fohs, ac tuhlac ke kuh luhn pristut, kuh kuh in mukwikwi ke inen God.

FwackyuckSramsram inmahsrlon God ac tuhlihk Nahtuhl, kwacna tuhkuh sin Nguhn Muhtahl. Kais sie kuh in eis fwackyuck in kol moul lalos sifacna, tuhsruhk mwet pahluh sollac luhn God muhkwena kuh in eis fwackyuck nuh fin facluh nohfohn. Fwackyuck tuhkuh ke luhmah pucspucs, tuhsruhk inkaiyacn pacl uh tuhkuh ke luhman nuhnak, puhla, ac mwe akihlen uh.

Iwaclah Ma sikyak ma oruh kuht in lohacng nuh sin God. In iwaclah pa in kweok ke ma koluk, in tuh eslah mwactwacn ma koluk luhn mwet auliyak uh. Jisus Kraist pa muhkwena kuh in oruh Iwaclah wo se nuh sin mwet nuh kwewa. Iwaclah Lal weacng kweok Lal nuh ke ma koluk lasr, ahksohrohrye Srahl, ac misac ac Moulyak Lal. Ke srihpen Iwaclah, mwet nuh kwewa suc ma moul met ah ac tuhfah moulyak. Iwaclah sac use pac nuh sesr inkacnek in nuhnak muhnahs ke ma koluk lasr ac in moul pahtpaht yurin God.

Melchizedek PristutPristut fuhlwact kuh pristut se lucng uh. Pahngpahng Melchizedek ke Wuhlweacng Mahtuh ke Pwacpuhl uh, suc ma tuh prist fuhlwact suwohswohs ac tohkohsrah se.

Mwet SapWal se Jisus Kraist El sang nuh sin mwet singucul luo El sulaclah in oruh mwet in kahsruh fototo Lal ke pacl kuhlwacnsap Lal fin facluh ac nuh selos suc El sang kuh in mukwikwi ke Inel. In pacl inge, Jisus Kraist El pahngon mukul sahyac in kuhlwacnsap ekihn Mwet Sap Lal. In pacl met ah, Mwet Sap se pa mwet loh yohk srihpac se luhn Jisus Kraist ac eis kuh Sel.

Nguhn MuhtahlOacyacpac pahngpahng Nguhn Muhtahl, Nguhn luhn God, ac Mwet in Ahkwoye se. El lohoh kac, kuh ahkpwacyei, ke Pahpah Lucng ac Jisus Kraist ac ahkkahlwemye ac luti ma pwacye uh.

PacptaisSie oruh yohk srihpac in eis nuhnak muhnahs luhn ma koluk uh. Ke eis pacptais ac ahkkweyeyucklac ke kuh luhn pristut, kuht ekihn mempucr ke Alu luhn Jisus Kraist luhn Mwet Luhlahlfongi ke Lwen-sahflah. Pacptais ke tili otyak, kalmac pa mwet se ma pacptaislac uh pa tihlmackihnyucki ke kihtin pacl lun kof uh. Pacptais uh ahkkahlwemye luhngse lasr in ukwe mwe srihkasrak luhn Kraist ac in oruh olwelah nuh sin God.

PristutWal ac kuh luhn God. God El sang kuh se inge nuh sin mukul se in mukwikwi ke Inel. Aaronic Pristut fohlohkihnyuckyak nuh sel Joseph Smith sel Jon Pacptais, suc pacptaisellah Jisus. Melchizedek Pristut fohlohkihnyuckyak sel Piter, Jemes, ac John, tolu sin Mwet Sap Singucul Luo luhn Jisus.

Pristut Lal AaronPristut se ten ah. Pristut se inge wi kuh in pacptaisi ac ekihn inel Aaron ke Wuhlweacng Mahtuh ke Pwacpuhl uh.

Sifil MoulyakTukun misac luhn mahno, sifil fohlohkweni luhn nguhn wi mahno wolacna luhn ikwac ac sri. Jisus Kraist pa emet in sifil moulyak.

WosasucPlwacn luhn Pahpah Lucng in kahsrwe kuht eis mihslac ke moul se inge ac engan nwe tok ma pahtpaht. Wosasuc pa yohk ke Iwaclah luhn Jisus Kraist ac enenuh nuh sesr in oasr luhlahlfongi ke El, auliyak, pacptaislac, eis Nguhn Muhtahl, ac muhtwacnglah nuh ke sahflah.