Laajrak in Naan ko

Aaronic PriesthoodPriesthood eo ettā ļo̧k. Priesthood in ekoba mālim eo n̄an peptiaj im ej etōņake etan Aron ilo Kalim̧m̧ur M̧okta in Baibōļ eo.

Bun̄ Jān TōmakKe kajjojo armej, Kabun̄ eo, ak aolepen laļ ko raar meļo̧kļo̧k ak kowaan ko̧jpeļ eo an Jisōs Kraist. Bun̄ Jān Tōmak ej tōprak in jab errā, tarpok, im jako mālim eo an priesthood, ak jim̧we eo n̄an jerbal ilo etan Anij.

RijilōkTaitōļ eo Jisōs Kraist eaar leļo̧k n̄an jōn̄oulruo em̧m̧aan ro Eaar kālōt āinwōt ro M̧ōttan repaaktata ilo tōre in kwaļo̧k eo an ioon laļ in im ro me Eaar leļo̧k mālim eo n̄an jerbal ilo Etan. Ilo tōre kein, Jisōs Kraist eaar kūr bar jet em̧m̧aan ro n̄an jerbal āinwōt Rijilōk ro An. Āinwōt ilo tōre ko etto, juon Rijilōk ej juon rikam̧ool ejeno̧lo̧k an Jisōs Kraist im ewōr an mālim jān E.

PinmuurTōre eo me ej kōm̧m̧an bwe jen maron̄ jokkun wōt juon n̄an Anij. N̄an pinmuur ej n̄an en̄taan kōn kajen ko an jerawiwi, ilo jekjek in kōm̧akūt tōpark ko waļo̧k jān jerawiwi jān rijerawiwi ro rej ukweļo̧k. Jisōs Kraist eaar e wōt emaron̄ in kōm̧m̧ane Pinmuur eo eweppān n̄an aolep armej. Pinmuur eo An ekoba en̄taan eo An kōn jerawiwi ko ad, an to̧o̧rļo̧k bōtōktōk In, im mej im Jerkakpeje eo An. Kōnke kōn Pinmuur eo, jabdewōt eo eaar mour enaaj jerkakpeje. Pinmuur eo ej barāinwōt letok n̄an kōj wāween eo n̄an meļo̧kļo̧k jerawiwi ko ad im n̄an mour indeeo ippān Anij.

PeptaijJuon bun̄tōn eo eaorōk ilo bōk jeorļo̧k bōd an jerawiwi. Kōn peptaij im kapen jān mālim eo an priesthood, jej erom membōr ro an Kabun̄ eo an Jisōs Kraist im Armej ro Rekwojarjar ilo Raan-kein Āliktata. Peptaij kōn tulo̧k, meļeļe in bwe armej eo peptaiji ej tulo̧k ium̧win dān ilo juon tōre eo ekadu. Peptaij ej kwaļo̧k ad m̧ōņōņō in ļoor waanjon̄ak eo an Kraist im n̄an kōm̧m̧an bujen ko ippān Anij.

Ko̧jpeļKarōk eo an Jemed Ilan̄ n̄an jipan̄ kōj bōk aenōm̧m̧an ilo mour in lan̄lōn̄ ilo mour indeeo. Ko̧jpeļ eo ej pād ioļapļap in Pinmuur eo an Jisōs Kraist im ej aikuji bwe en wōr ad tōmak ilo E, ukweļo̧k, peptaij, bōk Jetōb Kwojarjar, im niknik n̄an jem̧ļo̧kin.

Jetōb KwojarjarBarāinwōt ņa etan Jetōb Ekwojarjar, Jetōb an Anij, im Rikaenōm̧m̧an. E ej kam̧ool, ak kwaļo̧k kam̧ool, kōn Jemed Ilan̄ im Jisōs Kraist im ej kwaļo̧k im ej katakin m̧ool eo.

Melkisedek PriesthoodPriesthood eo eutiej ļo̧k ak eļapļo̧k. Ej etōņake etan Melkisedek ilo Kalim̧m̧ur M̧okta jān Baibōļ eo, eo eaar juon pris eo eutiej im kiin̄ ejim̧we.

Kain̄iJuon jerbal ekwojarjar, ekkā an kōm̧m̧an kōn mālim eo an priesthood. Juon waanjon̄ak ej peptaij.

PriesthoodMālim im kajoor eo an Anij. Anij ej leļo̧k kajoor in n̄an juon em̧m̧aan n̄an jerbal ilo Etan. Aaronic Priesthood eo kar kōjepļaak tok n̄an Joseph Smith jān John Ripeptaij, eo eaar peptaiji Jisōs. Melkisedek Priesthood eo kar kōjepļaaktok jān Peter, James, im John, Jilu iaan Rijilōk ro Jōn̄ouruo an Jisōs.

Jepļaaktok eoKōm̧m̧ane juon men eo āinwōt kar m̧okta; bar kajutak e; bar kōrooltok juon alen. Ālkin an m̧ool eo im mālim eo kar jako jān laļ in, ko̧jpeļ eo eaar bar jepļaaktok kōn Rikanaan Joseph Smith. Bar kōjepļaaktok eokta jān bar eeiki bar eeiki meļeļe in n̄an kōkōm̧anm̧anļo̧k juon dououl ak iminene eo ewaļok kadede ilo kōttōpar eo n̄an bar kōrooltok n̄an jekjek eo an im̧aantata, ilo an bar jepļaak ej meļeļe in n̄an bar kajutak ak kōrooltok doulul ak iminene eo m̧oktata kōn likieo in.

JerkakpejeĀlkin mej an kanniōk, bar koba ippān doon eo an jetōb eo ippān ānbwiin in kanniōk eo an ānbwiin im dii ko. Jisōs Kraist eaar E eo kein kajuon n̄an jerkakpeje

Madenļo̧kEkōnono eo ikōtaan Anij im ajri ro Nejin, ekkā kōn Jetōb Kwojarjar. Kajjojo armej remaron̄ bōk m̧adenļo̧k n̄an tōl mour ko aer make, bōtaab rikanaan eo an Anij wōt emaron̄ bōk m̧adenļo̧k n̄an aolepen laļ in. M̧adenļo̧k ej itok ilo elōn̄ jekjek ko, bōtaab emakijkij wōt an itok āinwōt ļōmņak, en̄jake, im im̧we ko.