Beldukl el Tekoi

ApostolSel dui el Jesus Kristo a ngiluu el mesterir tirkel teruich me a terung el chad el Ngii a millilt er tir el kmal mle kmeed er Ngii er a taem el Ngii a ngar er a beluulechad e Ngii a ngiluu a ngerachel el mesterir el meruul a Urerel. Chelechal taem, ea Jesus Kristo a mla mekedongelterir a rebebil er a rechad el mo Apostol er Ngii. El diuaia ngar er a mong el taem, a Reapostol a tokubets el sioning er a Jesus Kristo e obang a ngerachel er Ngii.

Chedaol RengDirrek el okedongall el Chedaol Reng, Reng er a Dios, malechub eng Ongelaod. Ngii a sioning, ouchais, el kirel a Chedam er a Babeluades me a Jesus Kristo e olecholt e olisechakl el kirel a klemerang.

Chedaol RuollChedaol el teletael, el mekedmokl lokiu a ngerachel er a priesthood. El uaia techolb e chelid.

EbangkelioUldesuel a Chedam er a Babelaudes el ngosukid el mo metik er a budech er tial klengar me a deurreng er sel diak a ulebengelel klengar. A kmal moktek er a ebangkelio a Tngakireng er a Jesus Kristo el kired el morngii a klaumerang er kid er Ngii, ouchel a rengud, nguu a techolb e chelid, e nguu a sengk er a Chedaol Reng, e outekangel el mo er a ulebongel.

OcholtCheldecheduch er a delongelel a Dios me a Rengelekel, el oumesingd el okiu Chedaol Reng. A derstang el chad a sebecherir el ngmai ocholt el mo omekrael a klengar tir, eng di ngikel mengilt el profet er a Dios a melai ocholt el kirel a beluulechad el rokir. A ocholt a mei el kakerous a teletelel, eng di oumesingd er a taem eng uldasou, domelchesiu, maelchub e ngultebenged.

Okiis er a kodallUriul er a kodall er a tech, e sel teletael el luut el mo dmak a delbenged me a bedenged er a tech me a chiuis. A Jesus Kristo a mle kot el chad el mekiis er a kodall.

OluutKudmeklii a kmo ngerang el mo uaia ngii er a nga er a mong; lmuut el kudmeklii, lmuut el nguu el mei el beches. Uriul er a klemrang me a ngerachel er a bol dibus er a beluulechad, ea ebangkelio a mloluut el okiu a Profet Joseph Smith. A oluut a ngodech er a omeldechel ele a omelodech a belkul a kmo kede melodech er sel ngarngii er chelechang el melasm el meruul er ngii el mo uaia teletelel er a uchelel ea oluut a belkul a kmo kede lmuut el olutii malechub e kede lmuut el mekbechesir sel ngii a dimla chelechad malechub eng omeruul er sel cherrengelel.

PriesthoodNgerachel me a klisiich er a Dios. A Dios a msang a chad tial klisiich el meruul a Urerel. A Priesthood er a Aaron a mloluut el mo er a Joseph Smith lokiu a Johanes el Techolb, el ngii a millecholb er a Jesus. A Priesthood er a Melchizedek a mloluut lokiu a Petrus, Jakobus, me a Johanes, el tir a tedei er tirkel Teruich me a Terung el Apostol er a Jesus.

Priesthood er a AaronNgariou el priesthood. Tial priesthood a uldimukl er ngii a ngerachel el melecholb e ongkiklii a Aaron er a chelsel a Uodel el Renged er a Biblia.

Priesthood er a MelkisedekNgarbab el priesthood. Tiang a ongkiklii a Melchizedek er a chelsel a Uodel el Renged er a Biblia, el ngii a mle melemalt el chad e ngarbabel prist e king.

RebetSel sekum a rechad, Ikelesia, me a rokir el beluu a mo ikrii malechub ete mo cheroid er a ebangkelio er a Jesus Kristo. A rebet a olchotel a bingel, rraureng, me a riid er a ngerachel er a priesthood, malechub sel llemalt el meruul a urerel a Dios.

Techolb e chelidKlou a belkul el dauch el kirel a klausubes er a kngtid. Ngokiu a techolb e chelid me a oterkekled lokiu a ngerachel er a priesthood, e kid a mo chedal a Ikelesia er a Jesus Kristo er a Uriul-klebesei el Santo. A techolb e chelid okiu a mo modulb, el belkul a kmo a chad el metecholb a kirel mo modulb el rokir er a chelsel a ralm. A techolb e chelid a ochotii a blak el reng er kid el mo oltirakl er a Kristo el mo soiseb er a telbiil lobengkel a Dios.

TngakirengSel teletael el sobecheklid er a deleuill er kid me a Dios. A melngakireng a mo er a ringel el kirel a klengit, el mo uchul eng mengubet a kelebsengel a klengit er a chad el mo ouchel a rengul. A Jesus Kristo a di mle chimong el chad el sebechel kudmeklii a cherrungel el Tngakireng el kirir a rokui el chad. A Tngakireng er Ngii a uldimukl er ngii a mlo chuarm el kirel a klengit, me a Rsechel el mlechubel, me a Kodellel me a Okiis er a Kodellel. Meng Tngakireng a uchul, ea rokui el chad el mla kiei er a beluulechad a mo mekiis er a kodall. A Tngakireng a dirrek el meskid a rael eke de mousubes er a kngtid e mo kiei el mo er a ulebongel el obengkel a Dios.