Joseph Smith: Umuhanuzi w’Imana

Ubwo Joseph Smith yari afite imyaka cumi n’ine y’amavuko, yashatse kumenya itorero yayoboka, bityo asaba Imana mu isengesho rivuye ku mutima. Mu gisubizo cy’iri sengesho, Imana Data n’Umwana Wayo, Yesu Kristo, babonekeye Joseph maze bamubwira ko Itorero ry’ukuri rya Yesu Kristo ritari ku isi kandi ko batoranyije Joseph ngo arigarure.

Uhereye uwo munsi, Joseph yakoze mu murimo w’Imana, awukora mu gushinga Itorero rya Yesu Kristo ry’Abera b’Iminsi ya Nyuma no kubaka ubwami bw’Imana ku isi mu minsi ya nyuma. Abayoboke b’indahemuka b’Itorero bahamya ko Yesu Kristo ari Umukiza n’Umucunguzi w’isi. Yesu ayobora Itorero Rye uyu munsi binyuze mu ihishurirwa ku muhanuzi mu isi. Joseph Smith yari umuhanuzi nk’uwo. Nubwo Joseph yakoze ibintu byinshi mu buzima bwe, icy’ingezi cyane cyabaye ukwiyemeza kwe kuba umwigishwa n’umuhamya wa Yesu Kristo. Yaranditse ati: “Nyuma y’ubuhamya bwinshi bwamutanzweho, ubu ni ubuhamya, ubwa nyuma bw’ubundi bwose, tumutanzeho: Ko ariho” (Inyigisho n’Ibihango 76:22).

Abakira ubuhamya bw’Umuhanuzi kubw’imbaraga za Roho Mutagatifu bazamenya ukuri kw’umurimo yahamagariwe gukora. Bashobora no kugira amahoro n’ibyishimo bituruka ku Mukiza Yesu Kristo, ariwe Joseph Smith yaramije kandi yakoreye.