iTukutuku taumada

Kemuni na gonelalai:

Oqo e dua na ivola ni sere ka caka me nomuni sara ga. Sa na rawa mo ni lagata ga ena veigauna kei na veivanua kecega. Sa na rawa mo ni lagata ena vakavinavinaka vua na Tamada Vakalomalagi, kei na so tale me sere ga ni kena taleitaki na lagasere.

Ni ko ni lagasere ko ni na yalovakacegu. Ena vakacegui kemuni na Yalo Tabu ka ko ni na kila vinaka na ibalebale ni veivosa kei na itukutuku kei na dina ni qaqa ni sere o ni lagata. Ko ni na rawa ni vulica kina na kosipeli, ka na vukea na karoni ni nomuni ivakadinadina ena nomuni sa vulica tiko. Ko ni na vulica vakarawarawa sara na veika o ni sa vakatavuilici kina. Na irogorogo ni sere ena kauta mai vei kemuni na kena ibalebale ka ko ni na yalovakacegu kina. Na kedra ivakaraitaki ena vukei kemuni mo ni na kila kina vakarawarawa na kena itukutuku. Ni ko ni sa kila na sere, ena tiko vata kei kemuni ena dua na gauna balavu, (me vaka e dua na itokani vinaka) me na vukei kemuni mo ni digidigi vakadodonu ka na marau kina.

E dau tukuna na sere e dua na itukutuku ka na kila taucoko na tamata. Era na lagata na gonelalai ena veiyasai vuravura na sere oqo. Ena rawa ni semata na gauna sa oti kei na gauna se bera mai na sere. Ena dua na siga ko na lagata na sere vata ga oqo kei ira na luvemu.

Era na tiko ena ivolanisere oqo na veilutaga kece sara ni kosipeli. Na sere era tiko eke era na vakamacalataka na bula mai lomalagi; baleta na masu, na vakavinavinaka, kei na vakarokoroko; na vuni nona lako mai na iVakabula; baleta na ivakavuvuli ni kosipeli; baleta na bibi ni matavuvale kei na itikotiko, kei na veika e dau maroroi; baleta na totoka ni veika bula kei na kena gauna, kei na kena dodonu meda dau taletaka na veika eda cakava. Na kena itintitni e baleta na sere ni vakarau tekivu se ni sa laki vakacavari na soqoni—me rawa ni vakarokoroktaki kina.

Ko ni na laki iliuliu ni Lotu se ena vuravura ena dua na gauna. Na ka o ni vulica mai na sere oqo ena vukei kemuni mo ni dei ena vakabauta kei na veiqaravi vakadodonu. Na yalovakacegu e kauta mai na sere, ena solia vei iko na marau kei na veivakayaloqaqataki ka na vakacokotaka na nomu nanuma tiko ni ko luve ni Kalou.