Vakavakayagataki ni iVolanisere

Na inaki ni ivolanisere oqo sai koya me ira vulica kina na gone na kosipeli i Jisu Karisito ena vakayagataki ni ivakatagi.

Na Vakavulici Ni Dua Na Sere Vei Ira Na Gone

Era dau vulica na lagati ni dua na sere na gone ena nodra rogoca vakawasoma. Tekivu vakavulica e dua na sere ena nomu lagata tiko vei ira na gone. Vakaitavitaki ira na gone ena nomu tarogi ira ena so na ka ka bolea kina na nodra vakasama na veika me baleta na sere oqori.

Mo kila talega o iko na sere Mo kila na qaqana kei na kena ilagalaga ena nomu vakatagitaka ena piano, vakarogoca e dua na kena tepi, se ena nomu raica e dua me laga se vakatagitaka vei iko. Vakasamataka na tukutuku e tukuni ena qaqana. Tarova iko se o na vakayagataka vakacava e dua na ivolanikalou ni tini na sere ena nomu vakavakarau se ena nomu vakavulica na sere. Vakaraica na vosa iusutu kei na vosa ka ra rorogo vata, vakakina na vosa ka ra na sega ni kila vinaka na gone se sega ni na cavuta rawa vakavinaka. Raica na ivakarau ni ivakatagi kei na kedra rogorogo vata ka na rawa ni vakarawarawataka na vulica na sere. Laga vakavica vata na sere me yacova ni sa kilai vinaka.
Vakarautaka e dua na ituvatuva.
1. Kovea nodra vakasama—ena dua beka na iyaya, itaba, ivolanikalou, dua na ka ka yaco, se dua beka la na vakasolokakana.
2. Vakauqeti ira na gone mera vakarorogo vinaka. Taroga e so na taro ka na vukei ira na gone mera kila vinaka na itukutuku ni sere—biuta na taro ena dua na kena ibiubiu ka me rawa ni ra na kila na gone na kena isau ena nomu lagata tiko na sere.
3. Sureti ira na gone mera lagata na malanivosa ka sauma tiko na taro. Veivukiyaka na kena totolo kei na kena rogo levu me vakaibalebale kina. Kerei ira na gone mera laga walega na sere. Namaka vei ira na gone mera dabe vakavinaka ka raici iko matua.
4. Tukuna na nomu ivakadinadina vakaiiko, se wasea eso na ivakadinadina ere volai tu ena ivolanikalou.

Mo Vakaisaluwakitaka Vakacava Na Lagati Ni Sere

Vakayagataka na veivosa veiganiti ka rawa me ni donu vinaka kina na sere.
Vakavulici ira na sere ka rawa mera na matanataki, se mera vukei iko na gone ena nomu bulia e so na matanisere ni vinakati me vakayacori vakakina.
Lesia e so na ilawlawa lalai mera laga na veiwasewase duidui se gagana.
Vakayagataka e so na sere ka rawa ni laga vata e rua na kena iwasewase.
Tuva e dua na sere veisemai ni rua se tolu na sere ka tautauvata na kedra ibalebale.
Me solo e dua na gone, se kerea e dua na ilawalawa gone mera laga vata e dua na italetale.
Mera vakagigitaka se lagata na gone eso na sere ena itekivu ni soqoni.

Me Liutaki Vakacava E Dua Na Sere

Ena vakaukauwataka na nodra ivakadinadina vakaiira ni kosipeli na gone na nomu igu kei na vakavakarau.

Ni ra tekivu vulica e dua na sere na gone, vukei ira mera muria na idusidusi ni kena tuni ena ivakarau ni veiliutaki ena iyalo. Oqori ena vakayacori ena kena yalo cake ka yalo sobu na liga me salavata kei na totolo ni tuni ni sere. Ena rawa talega ni veitosoyaki yani ki muri vakakina ki liu vakamalua me vakaraitaka na balavu ni rorogo, ka vakaraitaka na ikadakada ni kena lagati kei na kena sala.

Ni ra sa vulica oti na sere na gone, o na via vakayagataka beka na ituvatuva ni ividi lavaki ena tabana e so oqo, se na cokoti vata ni veilutuki ni domo kei na ituvatuva ni ividi

Mo Na Vakatagitaka Se Vakaitokanitaka Vakacava

Na ivakarau ni kena vakatagitaki na sere ena vakayarayarataki ira na gone ena kena lagati. Mo tokoni ira ia mo kakua ni ulabaleti ira. E vuqa vei ira na sere ena ivolanisere oqo, me vakataki ira na sere masu, era na veiganiti kei na ivakatagi ni tekivu se ni suka. Na vakatagitaki ni sere ni ivakatagi ni tekivu ka ra na vulica na gone ena rawa ni vukei ira ena nodra kila vinaka na kena melodi.

Lavetaki Ni Ikabakaba

O ira na sere ka toka vei ira na notisi © (year) IRI ena mua ni sere, ira na sere ka sega na kedra notisi ni dodonu ni lavelavetaki, era itaba tu ga, kei na itukutuku raraba e so ena ivola oqo mera kakua ni lavetaki me ra volitaki ka vakayagataki ena lotu se i vale O ira na sere era tabaki ka volai koto vei ira “This song may be copied for incidental, noncommercial church or home use” sa rawa mera lavetaki ka vakayagataki me vaka sa vakaraitaki toka. Kevaka e kunei kei na dua na sere na ivakatakilakila ni dodonu ni lavelavetaki, me na kabiri ena ilavelave taucoko e caka na notisi

Na sere kece ena tabana e 24 kei na 113 era vakatabui na kedra lavetaki ka sega ni dodonu mera lavetaki.

Veika Me Baleta Na Ivolanisere Oqo

Maka ni Totolo

Era sa koto na maka ena tutu i mawi ena dela ni sere yadua me idusidusi ni kedra totolo. Me kena ivakaraitaki,

= 56–72 e vakaraitaka ni veiganiti me lagati na sere oqori ena maliwa ni 56 kei na 72 na ividi ena dua na miniti (dua na ikava ni rorogo dua na ividi). Vakayagataka e dua na kaloko ni liga se kaloko ka vakaligani sekodi. Na liganisekodi ena vakarautaka e 60 na ividi se sekodi ena dua na miniti.

iKovu iKau

Na ikovo ka vakaraitaka na itekitekivu vakaturi era koto e delani laini ni melodi kevaka e sega na idusidusi volai ni sere.

iQaqalo iVakaraitaki

Na naba ni iqaqalo ivakaraitaki era dau toka ena yasa imawi ka vakakina vakalailai e delani domo. E dau vukea na vakaraitaki ni vanua me tekivu kina na liga na iqaqalo ivakaraitaki, na gauna me vakayacori kina na veisau, ka vaka talega kina me vakatututaka na sala me vakatagitaki kina e duatani tale na qaqana.

Ivakamacala Ni Ivakatakilakila Kei Na Vosa E So

Na sitavi (staff) se ikabakaba ka vaka ka vaka kelevi ni besi (bass clef) e vakavuqa ni dau okati vata kei na veitokoni liga imawi, ena ruku ni C e loma.

Na sitavi ka vaka kalevi terevali treble clef e vakavuqa ni dau okati kina na melodi kei na veitokoni liga imatau, ena delani C e loma.

Na kena gauna kei na totolo e dau vakaraitaki ena itekitekivu ni sere yadua. Na naba e cake e vakaraitaka na iwiliwili ni ividi ena ivakarau yadua. Na naba e ra e tukuna se mataqali rorogo cava ena dua na ividi.

Na ivakatakilakila matau (natural sign) e tababokoca e dua na memela se vela.

Me baleta e dua na druatolu, eratou vakatagitaki ena dua na wili na rorogo e tolu. (Raica na “Cila cila,” t. 96.)

8va

Na 8va ena dela ni dua na sitavi e kena ibalaebale me vakatagitaki ena walu na rorogo e cake.

Na fermata (fer-MAH-tah) e dua na yara se tauri tu vakadua. E vakavuqa me dau tauri tu na rorogo oqo me veimama tale ni kena gauna.

Na ivakatakilakila ni Asedi (Accents) e vakaraitaka ni dodonu me vakadreti na rorogo.

Na ivakatakilakila ni sitakoto (sitaccato), (domo lailai) ena dela se ruku ni dua na ulu ni rorogo e vakaraitaka ni dodonu vua na dautabapiano me vakatagitaka cacavukavuka na rorogo.

Na laini veve slur e vakaraitaka ni rau vakayagataki vata e rua na rorogo ni domo me baleta e dua na rorogo tautauvata.

Na ivakatagi ena maliwa ni ba tokaruataki (repeat bars) e vakatagitaki vakarua. Kevaka e tiko ga e dua na ivakatakilakila, me tekivutaki tale mai liu.

E dua na tai (tie) laini veve lekaleka (ka semata vata e rua na rorogo ka tautauvata na kedrau ivakatagedegede) ena vakaraitaka vei iko mo na vakatagitaka se lagata vakadua na domo oqori ka taura tu me vaka na kena balavu e rua. So na gauna era na dau tai ena dua na qaqa ni sere ka sega ena dua tale.

E dua na krisendo (crescendo) e kena ibalebale na rogo lailai ki na rogo levu ni ivakatagi.

E dua na veibasai ni krisendo (decrescendo) e kana ibalebale narogo lailai sobu yani ni ivakatagi

E so na sere e sivia na dua na kedra itinitini. Ena matai ni gauna e lagati taucoko kina, vakayagataka na ivakarau ni kena matai ni tini. Tokaruataka me vaka e vakaraitaki, ena levei ni imatai ni itinitini ka vakayagataki na ikarua ni itinitini me vaka e dusimaki.

fine

Oqo e kena ibalebale “kena itinitini” fainala (finale).

D.C. al fine

Da capo al fine kena ibalebale mo lesu ki na ivakatakilakila ka vakatagi tale me yacova na fine.

D.S. al fine

Dal segno al fine e kena ibalebale mo lesu ki na ivakatakilakila

ka vakatagi tale me yacova na fine.

Ritardando

Ritardando e kena ibalebale na vakamalua sobu tiko ya ni ivakatagi. (Raica na “Talai mai na Luvena ,” t. 20.)

a tempo

E vakatakilakilataka na vosa oqo me vaka tale na kena totolo mai na itekitekivu na sere.

descant

E dua na descant sai koya na laga ena dua ga na domo vakataki koya. E rawa talega ni vakatagitaki e dua na descant.

Obiliqeto (obbligato)

E dua na obbligato sai koya e dua na malawa ni vakatagi ka rogolevu cake mai na ivakarau ni rorogo. So na gauna ena dau ganita na tikina oqori na domo ka tautauvata na kena vosa na kena melodi.

ositinato (ostinato)

E dua na ostinato sai koya e dua na iwalewale ni ivakatagi ka lesuvi tale (vakavuqa me dau rua na kena veilutuki) ni lagati vata kei na sere. (Raica na “Meu sa Totolo,” t. 71.)

rauni (round)

Eratou tekivutaka e dua na ilawalawa na sere, qai—mai na wili vakavica—mera qai tekivu na kena vo. Tovolea mada na lagasere wavoki me kua na ivakatagi—ka wili ga vakakena ivakatagi na hamoni ni veidomo.

Sere wasei rua vakarua

E dua na sere wasei vakarua e rua na kena melodi ka rau rawa ni lagati vata ga ena dua na gauna.

Ena vakaraitaka na maka ni wasewase (phrase mark) tells you that these notes shoni sa dodonu mera cokoti se lagati vakamaravu na domo oqo.

Ena vuku ni dua na rorogo e cocowiriwiri se vaka na api na kena rorogo, vakatagitaka yadudua na domona tekivu mai ra ka lako cake yani ka kakua ni tabaka vata vakadua kece tu yani.

iVakarau Dodonu ni Veiliutaki

Na ivakarau rua na ividi

Vakayagataki ena sere era makataki 2/2, 2/4, se 6/8 tu.

Na ivakarau tolu na ividi

Vakayagataki vei ira na sere era makataki 3/4 se 9/8 tu.

Na ivakarau va na ividi

Vakayagataki vei ira na sere era makataki 4/4 se 12/8 tu.

Na ivakarau ono na ividi

Vakayagataki ena sere era makataki 6/8 tu.

Jati ni Wa-ni ivakatagi

Kevaka e sega na kibodi, sa rawa me na vakayagataki e dua na qita se iyaya ni vakatagi cava ga. Vakayagataki na wa era vakaraitaki toka e dela ni laini ni melodi