Using the Songbook

Ang tuyo niini nga songbook mao ang pagtudlo sa mga bata sa ebanghelyo ni Jesukristo pinaagi sa musika.

UNSAON PAGTUDLO OG USA KA KANTA NGADTO SA MGA BATA

Ang mga bata makakat-on sa pagkanta pinaagi sa pagpaminaw niini nga gikanta sa makadaghang higayon. Sugdi pagtudlo ang kanta pinaagi sa pagkanta niini ngadto samga bata. Iapil ang mga bata pinaagi sa pagpangutana kabahin sa kanta nga makapahagit sa ilang paghunahuna.

1. Ikaw mismo angayang makakat-on sa kanta. Ipamilyar ang mga pulong ug tono pinaagi sa pagpatukar sa kanta ginamit ang piyano, pagpaminaw sa tape rekording, o sa paghangyo og laing tawo sa pagkanta o pagpatukar niini alang kanimo.

   Susiha unsay gipasabut sa mga pulong. Pangutan-a ang imong kaugalingon unsaon nimo paggamit ang mga pakisayran sa kasulatan [scripture references] sa tumoysa kanta sa imong pagpangandam o sa pagtudlo sa leksyon. Pangitaa ang importanting mga pulong o mga pulong nga may garay [rhyme], ingon man usab sa mga pulong nga posibling masabtan sa mga bata o dili sila makamao nga molitok. Tan-awa ang dagan sa tono [melody] o ritmo [rhythm] nga maoy makapasayon sa kanta nga makat-unan. Balik- balika sa pagpraktis ang kanta hangtud nga mamaayo ka na kaayo niini.

2. Paghimo og plano.

   1. Unsaon nga makuha ang pagtagad sa mga bata? (Tingali ginamit ang usa ka butang, usa ka hulagway o litrato, kasinatian, o usa ka hunghung.)

   2. Awhaga ang mga bata sa pagpaminaw sa kanta? (Hatag og pangutana nga makatabang sa mga bata nga makasabut sa mensahe sa ebanghelyo—sama sa, Unsa? Asa? Kinsa? Kanus-a? Ngano?—ihatag ang pangutana sa paagi nga madiskobrehan sa mga bata ang tubag samtang ikaw magkanta.)

   3. Unsaon nako sa pag-awhag sa mga bata aron mokanta? (Imbitara ang mga bata sa pagkanta sa mga pulong nga nakatubag sa mga pangutana. Lain-laina ang kapaspason [tempo] ug ang kakusgon [volume] aron dunay kahulugan. Hangyoa ang mga bata sa pagpaminaw sa ilang pagkanta nga walay duyog. Paabuta [expect] nga ang mga bata mobarug ug motanaw kanimo pag-ayo.)

   4. Unsa nga pagpamatuod ang akong ihatag sa mga bata nga makalig-on kanila? (Ipadayag ang imong personal nga pagpamatuod, o basaha ang mga pagpamatuod nga girekord sa mga kasulatan.)

Unsaon sa Pagpanindot sa Pagpanganta

1. Paggamit og laing mga pulong nga makapahimo sa mga kanta nga mas angay sa maong okasyon.

2. Itudlo ang mga kanta ginamit ang gisugyot nga mga aksyon, o patabanga ang mga bata sa paghimo og mga aksyon nga maoy giingon.

3. Pag-assign og gagmayng grupo nga mokanta sa lahi nga mga seksyon o mga bersikulo.

4. Gamita ang mga kanta nga adunay duha ka bahin nga kantahon pagdungan.

5. Sagul-sagola [medley] ang duha o daghang mga kanta nga adunay pareha ogmga mensahe.

6. Pasoloha ang usa ka bata sa pagkanta, o paghangyo og grupo sa mga bata nga manganta og koro.

7. Ipa-hum o ipakanta sa mga bata ang pipila ka mga kanta isip prelude music.

Unsaon sa Pag-conduct og Kanta

Ang imong kadasig, pagpangandam, ug pagpamatuod makatabang sa paglig-on sa mga pagpamatuod sa mga bata sa ebanghelyo.

Kon magsugod na sa pagkat-on ang mga bata og usa ka kanta, tabangi sila sa pagsunod sa dagan sa tono pinaagi sa pitch-level conducting. Mahimo kini pinaagi sa paglihok sa imong kamot pataas ug paubos sumala sa pitch sa tono. Mahimo usab nga imong lihokon balikbalik ang imong kamot og hinay sa pagpakita sa gitas-on sa mga nota, magpakita sa ritmo [rhythm] sa tono ingon man usab sa dagan.

Kon makakat-on na ang mga bata sa kanta, mahimong imo nang gamiton ang standard beat patterns nga anaa sa mosunod nga pahina, o kombinasyon sa pitchlevel conducting ug beat patterns.

Unsaon sa Pagpatukar o Paduyog

Ang paagi sa pagpatukar sa kanta makaimpluwensya sa kinantahan sa mga bata. Kinahanglan nga imong suportahan ang tingog pero dili kini tabunan.

Daghan sa mga kanta niining libroha, sama sa mga kanta sa pag-ampo, angay sa prelude o postlude nga musika. Ang pagpatukar sa prelude nga musika nga angay makat-unan sa mga bata makatabang nila nga mapamilyar sa tono.

Pakopya sa Musika

Ang mga kanta nga adunay pahibalo nga © (tuig) IRI sa katapusan sa kanta, mga kanta nga walay pahibalo sa katungod sasinulat [copyright], ang tanang mga paghulagway, ug kinatibuk-ang mga materyal niini nga libro mahimong kopyahon alang sa sulagma, dili pangnegosyo nga paggamit sa simbahan o panimalay. Ang mga kanta nga giimprinta nga adunay pamahayag nga “Kini nga awit mahimong kopyahon alang sa sulagma, dili pangnegosyo nga paggamit sa simbahan o panimalay” mahimong pakopyahan alang sa giingong paggamit. Kon adunay pahibalo sa katungod sa sinulat uban sa kanta, ang pahibalo kinahanglang iapil sa tanang kopya nga himoon.

Ang mga kanta sa mga pahina 24 ug 113 adunay mga restriksyon sa katungod sa sinulat ug kinahanglan dili gayud pakopyahan.

Mga Bahin sa Songbook

Mga Timaan sa Kapaspason [Tempo]

Ang mga timaan gibutang diha sa wala nga bahin ibabaw sa kada kanta isip sumbanan alang sa tempo. Pananglit ang,

= 56–72 magsulti kanimo nga angay kantahon ang kanta gikan sa 56 ug 72 beats kada minuto (usa ka kwarter nga nota kada beat). Paggamit og relo o orasan nga adunay segundo. Ang segundo mosukod og 60 beats o segundo kada minuto.

Pasiuna [Introduction] sa mgaBracket

Ang mga bracket nga nagpakita sa gisugyot nga pasiuna gihatag sa ibabaw sa linya sa melody kon ang kanta walay gisulat nga pasiuna.

Paggamit sa mga tudlo

Ang mga numero ginamit ang mga tudlo sa kasagaran anaa sa wala ug ubos gamay sa mga nota. Ang paggamit sa mga tudlo makatabang sa pagpangita sa sinugdanan nga posisyon sa kamot, nagpakita kanus-a usbon ang posisyon, ug nagsugyot usab og mga paagi sa pagpatukar sa malisud nga mga tudling.

Pagpasabut sa mga Simbolo ug mga Termino

Ang staff nga adunay bass clef kasagaran maglakip sa left-hand accompaniment,ubos sa middle C..

Ang staff nga dunay treble clefkasagaran naglakip sa melody ug right-hand accompaniment, ibabaw sa middle C.

Ang time signature anaa sa sinugdanan sa matag kanta. Ang numero sa ibabaw nagpakita sa gidaghanon sa beats sa matag measure. Ang numero saubos nagsulti unsang matanga sa nota ang usa ka beat.

Ang natural sign nagkanselar sa sharp o flat.

Para sa triplet, ang tulo ka mga nota tukaron sa usa ka ihap. (Tan-awa ang “Dan-ag”, p. 96.)

8va

Ang 8va ibabaw sa staff nagpasabut nga ikaw mopatukar sa mga nota sa mas taas sa octave.

Ang fermata fermata (fer-MAH-tah) usa ka pause o pugngan. Ang nota sa kasagaran pugngan og dili mominos sa katunga sa sukod tibuok nota.

Ang mga accent nagpakita nga ang mga nota o chords kinahanglang adunay emphasis.

Ang staccato nga timaan sa ibabaw o sa ubos sa ulo sa nota nagpasabut nga ang piyanista mopatukar niana nga nota nga pinabundak.

Ang slur nagpakita kon duha ka mga pitch gigamit sa usa ka silabo.

Ang musika tali sa repeat bars patukaron makaduha. (Tan-awa sa “The Sacred Grove,” p. 87.) Kon usa lamang ka timailhan gihatag, balika gikan sa sinugdanan sa musika.

Ang tie (taliwala sa duha ka mga nota sa parehong pitch) nagpahibalo kanimo nga kinahanglang mopatukar ka o mokanta niana nga nota makausa ug mohunong sa total nga value sa duha. Usahay ang mga nota nahigot sa usa ka bersikulo sa kanta ug dili sa lain.

Ang crescendo nagpasabut nga ang musika magkakusog.

Ang decrescendo nagpasabut nga ang musika magkahinay.

Ang ubang mga kanta adunay daghang ending. Sa unang higayon sa kanta, gamita ang measure alang sa unang ending. Balika sumala sa gipakita, mosaylo sa unang ending ug mogamit sa ikaduhang ending sumala sa gipakita.

fine

Kini nga timaan nagpasabut nga “ang katapusan” (panghinapos).

D.C. al fine

Da capo al fine Ang Da capo al fine nagpasabut sa pagbalik ngadto sa sinugdanan ug ipatugtog hangtud sa pulong nga fine.

D.S. al fine

Dal segno al fine Ang Da capo al fine nagpasabut sa pagbalikngadto sa sinugdanan

ug ipatugtog hangtud sa pulong nga fine.

rit.

Ang Ritardando nagpasabut sa pagpahinay sa musika sa inanay. (Tan-awa sa “Mipadala sa Bugtong Anak”, p. 29.)

a tempo

Kining pulonga nagpasabut nga ang musika mobalik ngadto sa orihinal nga gikusgon.

descant

Ang descant usa ka opsyonal nga kabahin sa pagkanta nga dunay mga pulong nga iya ra. Posible ang pagtukar og descant isip instrumental nga bahin.

obbligato

Ang obbligato usa ka opsyonal nga instrumental nga bahin ibabaw sa melodiya. Usahay ang bahin anaa sa han-ay nga angay alang sa tingog ginamit ang susama nga mga pulong sa melody.

ostinato

Ang ostinato usa ka gibalikbalik nga dagan sa musika (kasagaran duha ka mga pitch) gikanta uban sa usa ka kanta. (Tan-awa sa “Dali ko nga motuman”, p. 71.)

round

Ang round usa ka kanta nga ibalik-balik (kasagaran sa duha o tulo ka higayon) sa daghang grupo. Usa ka grupo mosugod sa kanta, ug––sa inihap nga sukod––laing grupo mosugod. Sulayi ang pagkanta og rounds nga walay duyog––ang panag-uyon sa tingog maoy magsilbi nga duyog.

Ang phrase mark nagsulti nga kini nga mga nota kinahanglangmasumpay o maayo pagkalumbay nga pagkatukar.

Alang sa rolled o sama sa alpa ang epekto, patukara ang mga nota tagsatagsa gikan sa ubos ngadto sa ibabaw kay sa usahon lang pagpatukar.

Mga Standard Pattern sa Pag-Conduct

Ang two-beat nga pattern gigamit alang sa mga kanta ngagimarkahan og 2/2, 2/4, or 6/8.

Ang three-beat nga pattern gigamit alang sa mga kanta ngagimarkahan og 3/4 or 9/8.

Ang four-beat nga pattern gigamit alang sa mga kanta ngagimarkahan og 4/4 or 12/8

Ang six-beat nga pattern gigamit alang sa mga kanta ngagimarkahan og 6/8.

Chording

Kon walay keyboard, gitara o laing instrumento mahimong gamiton. Gamita ang mga chords nga gipakita ibabaw sa linya sa melody.