1 Nefi

Buku ya Mormon

Makambo oyo ezali kati ya buku
Boyingisi mpe Matatoli
1 Nefi
2 Nefi
Yakobo
Enosa
Jarom
Omini
Maloba ya Mormon
Mosiya
Alma
Elamani
3 Nefi
4 Nefi
Mormon
Etele
Moroni

1 Nefi

Mokapo 1
Nefi abandi lisolo ya makomi ya bato na ye—Lehi amoni likonzi ya moto kati na limoni mpe atangi uta na buku ya masakoli—Asanzoli Nzambe, ayebisi boyei ya Masiya liboso ete esalema, mpe asakoli bobebisami ya Yelusaleme—Anyokwami na Bayuda. Penepene na mobu 600 Liboso na mbotama ya Klisto.
Mokapo 2
Lehi amemi libota na ye kati na esobe mpembeni na Mbu Etane—Batiki bozwi na bango—Lehi atumbi mbeka epayi ya Nkolo mpe ateyi bana mibali na ye kobomba mitindo—Lamani mpe Lemuele bayimiyimi na tata na bango—Nefi azali na botosi mpe asambeli na bondimi; Nkolo alobi na ye, mpe aponami mpo na kokonza bandeko na ye ya mibali. Penepene na mobu 600 Liboso na mbotama ya Klisto.
Mokapo 3
Bana mibali ya Lehi bazongi na Yelusaleme kokamata bapalaki ya motako—Labana aboyi kopesa bapalaki—Nefi alendisi mpe akembisi bandeko na ye ya mibali—Labana ayibi bozwi na bango mpe ameki koboma bango—Lamani mpe Lemuele babeti Nefi mpe Sami mpe bapamelami na anjelu. Penepene na mibu 600–592 Liboso na mbotama ya Klisto.
Mokapo 4
Nefi abomi Labana engebene na etinda ya Nkolo, mpe nsima abotoli bapalaki ya motako na mayele—Zolami aponi kosangana elongo na libota ya Lehi na esobe. Penepene na mibu 600–592 Liboso na mbotama ya Klisto.
Mokapo 5
Salia azali koyima-yima na Lehi—Bango mibale basepeli likolo ya bozongi ya bana mibali na bango—Batumbi mbeka—Bapalaki ya motako ezali na nkoma ya Mose mpe ya baprofeta—Bapalaki ekitoli Lehi lokola eboto ya Yosefe—Lehi asakoli mpo na oyo etali nkona na ye mpe bobateli ya bapalaki. Penepene na mibu 600–592 Liboso na mbotama ya Klisto.
Mokapo 6
Nefi akomi na ntina ya makambo ya Nzambe—Ntina ya Nefi ezali ete andimisa bato baya epayi ya Nzambe ya Abalayama mpe kobikisama. Penepene na mibu 600–592 Liboso na mbotama ya Klisto.
Mokapo 7
Bana mibali ya Lehi bazongi na Yelusaleme mpe babiangi Yisamaele mpe bato ya ndako na ye kosangana elongo na bango na mobembo na bango—Lamani mpe basusu batomboki—Nefi alendisi bandeko mibali na ye bazala na bondimi na Nkolo—Bakangi ye na singa, mpe bakani bobebisami na ye—Akangolami na nguya ya bondimi—Bandeko na ye ya mibali basengi bolimbisi—Lehi mpe lingomba na ye batumbaki mbeka mpe bapesaki mabonza etumbama. Penepene na mibu 600–592 Liboso na mbotama ya Klisto.
Mokapo 8
Lehi amoni limoni ya nzete ya bomoi—Lehi alei mbuma na yango mpe alingi libota na ye esala mpe lokola—Amoni lingenda ya ebende, nzela ya moke mpe ya nkaka, londende ya molili oyo ezipi bato—Salia, Nefi, mpe Sami balei mbuma, kasi Lamani mpe Lemuele baboyi. Penepene na mibu 600–592 Liboso na mbotama ya Klisto.
Mokapo 9
Nefi asali maboke mibale ya masolo ya makomi—Liboke moko moko ebiangami bapalaki ya Nefi—Bapalaki ya minene ezali na mambi ya kala ya mokili; bapalaki ya mike ezali mingi na makambo ya bule. Penepene na mibu 600–592 Liboso na mbotama ya Klisto.
Mokapo 10
Lehi alobi yambo esalema ete Bayuda bakokamatama na boumbu na bato ya Babiloni—Ayebisi boyei ya Masiya, Mobikisi, Mosikoli na kati ya Bayuda—Lehi ayebisi lisusu boyei ya moko oyo akobatisa Mwana ya mpate ya Nzambe—Lehi ayebisi liwa mpe bosekwi ya Masiya—Amekisi bopanzani mpe bosangani ya Yisalaele na nzete ya elaya—Nefi alobi mpo na oyo etali Mwana na Nzambe, likabo ya Molimo Mosantu, mpe esengeli ya kozala na bosembo. Penepene na mibu 600–592 Liboso na mbotama ya Klisto.
Mokapo 11
Nefi amoni Molimo ya Nkolo mpe nzete ya bomoi elakisami epayi na ye na limoni—Amoni mama ya Mwana ya Nzambe mpe ayekoli bonkonde ya Nzambe—Amoni libatisi, mosala, mpe bobakami ya Mwana ya mpate ya Nzambe na ekulusu—Amoni lisusu bobiangi mpe mosala ya Bapostolo Zomi na mibale ya Mwana ya mpate. Penepene na mibu 600–592 Liboso na mbotama ya Klisto.
Mokapo 12
Nefi amoni mboka ya elaka na limoni; bosembo, mabe, mpe bokwei ya bafandi na yango; boyei ya Mwana ya mpate ya Nzambe na kati na bango; lolenge boni Bayekoli Zomi na mibale mpe Bapostolo Zomi na mibale bakosambisa Yisalaele; ezalela ya bosoto mpe ya mbindo ya baoyo babebaki moke moke kati na bozangi boyambi. Penepene na mibu 600–592 Liboso na mbotama ya Klisto.
Mokapo 13
Nefi amoni na limoni eklezia ya zabulu etiami na kati ya Bayuda-te, bobomboli mpe kolonizasio ya Amerika, bobungisi ya biteni mingi ya polele mpe ya motuya ya Biblia, ezalela elandi ya bopengwi ya baoyo bazali Bayuda-te, bozongisi ya nsango malamu, boyei ya makomi ya mikolo ya nsuka, mpe botongi ya Siona. Penepene na mibu 600–592 Liboso na mbotama ya Klisto.
Mokapo 14
Anjelu ayebisi Nefi mpo na oyo etali mapamboli mpe bilakeli mabe oyo ekokweya likolo ya baoyo bazali Bayuda-te—Baeklezia ezali bobele mibale: Eklezia ya Mwana ya mpate ya Nzambe mpe eklezia ya zabulu—Basantu ya Nzambe na bikolo nyonso banyokwami na eklezia ya monene mpe ya nsomo—Apostolo Yoane akokoma mpo na oyo etali nsuka ya mokili. Penepene na mibu 600–592 Liboso na mbotama ya Klisto.
Mokapo 15
Nkona ya Lehi esengeli kozwa nsango malamu uta na Bayuda-te na mikolo ya nsuka—Bosangani ya Yisalaele emekisami na nzete ya elaya oyo kani bitape ya mboka bikokangisama lisusu na kati ya nzete—Nefi alimboli limoni ya nzete ya bomoi mpe alobeli boyengebene ya Nzambe na kokabolaka bato ya nkuna uta na basembo. Penepene na mibu 600–592 Liboso na mbotama ya Klisto.
Mokapo 16
Bato ya nkuna bamonaka ete bosolo ezali mpasi—Bana mibali ya Lehi bazwi bana basi ya Yisamaele na bolongani—Liawona elakisi bango nzela na esobe—Maloba uta na Nkolo ekomami likolo ya Liawona mbala na mbala—Yisamaele akufi; libota na ye eyimiyimi na ntina ya mitungisi. Penepene na mibu 600–592 Liboso na mbotama ya Klisto.
Mokapo 17
Nefi atindami kotonga masuwa—Bandeko na ye batelemeli ye—Alendisi bango na kobetaka lisusu lisolo ya misala ya Nzambe na Yisalaele—Nefi atondisami na nguya ya Nzambe—Bandeko na ye bapekisami kosimba ye, nakobangaka ete bakawuka lokola mokekele mokawuka. Penepene na mibu 592–591 Liboso na mbotama ya Klisto.
Mokapo 18
Masuwa masilisami—Mbotama ya Yakobo mpe ya Yosefe etangami—Lingomba emati na masuwa mpo na mboka elakelama—Bana mibali ya Yisamaele mpe basi na bango basangani na loyenge mpe na botomboki—Nefi akangemi, mpe masuwa ezongisami nsima na ekumbaki ya nsomo—Nefi azwi bonsomi, mpe na losambo na ye mopepe makasi mokiti—Bato bakomi na mboka elakelama. Penepene na mibu 591–589 Liboso na mbotama ya Klisto.
Mokapo 19
Nefi asali bapalaki ya makele mpe akomi mambi ya kala ya bato na ye—Nzambe ya Yisalaele akoya nsima ya mibu nkama motoba uta na ntango Lehi atikaki Yelusaleme—Nefi ayebisi mpasi na ye mpe bobakami na ye na ekulusu—Bayuda bakotiolama mpe bakopanzama kino na mikolo ya nsuka, ntango bakozonga na Nkolo. Penepene na mibu 588–570 Liboso na mbotama ya Klisto.
Mokapo 20
Nkolo abimisi ntina na Ye na Yisalaele—Yisalaele aponamaki na litumbu ya mitungisi mpe asengeli kolongwa uta na Babiloni—Meka na Yisaya 48. Penepene na mibu 588–570 Liboso na mbotama ya Klisto.
Mokapo 21
Masiya akozala pole mpo na Bayuda-te mpe akobikisa bato ya boloko—Yisalaele ekosangana na nguya na mikolo ya nsuka—Bakonzi bakozala batata babokoli na bango—Meka na Yisaya 49. Penepene na mibu 588–570 Liboso na mbotama ya Klisto.
Mokapo 22
Yisalaele ekopanzama likolo ya etando nyonso ya mabele—Bayuda-te bakosalisa mpe bakoleisa Yisalaele na nsango malamu na mikolo ya nsuka—Yisalaele ekosangana mpe ekobikisama, mpe bato ya nkuna bakozika lokola matiti—Bokonzi ya zabulu ekobebisama, mpe Satana akokangisama na singa. Penepene na mibu 588–570 Liboso na mbotama ya Klisto.

Bimisa na lokasa

Kobakisa milongo oyo etiami langi to etiami mikoloto

Mikomisa mpo na kosalela

Kobakisa nkoma ya nse ya lokasa