1 Mpo tala, Nkolo, Nkolo na Bibele, azali kolongola uta na Yelusaleme, mpe uta na Yuda, lisalisi mpe likonzi, likonzi mobimba ya lipa, mpe lisalisi mobimba ya mai—

2 Moto ya makasi, mpe moto ya etumba, mosambisi, mpe profeta, mpe moto ya ekenge, mpe mokolo;

3 Kapiteni ya bato ntuku mitano, mpe moto ya lokumu, mpe mopesi toli, mpe mosali ya mayele mabe, mpe molobeli ya malonga.

4 Mpe nakopesa bana epayi na bango mpo na kozala bana ya bakonzi likolo na bango, mpe bana babotami sika bakokonza bango.

5 Mpe bato bakonyokwama, moko moko na mosusu, mpe moko moko na moto ya penepene na ye; mwana akomilakisa na lolendo likolo ya mokolo, mpe moto mpamba na oyo ya lokumu.

6 Ntango ekosimba moto ndeko na ye ya mobali ya ndako ya tata na ye, mpe akoloba: yo ozali na elamba, zala moyangeli na biso, mpe kotika te bonielengeni oyo eya na nse ya maboko na yo—

7 Na mokolo wana akolapa, kolobaka: Nakozala mobikisi bokono te; mpo na ndako na ngai lipa ezali te mpe bilamba te; kotia ngai moyangeli ya bato te.

8 Mpo Yelusaleme ebukani, mpe Yuda ekweyi, mpo lolemo na bango mpe misala na bango ezalaki mabe na Nkolo, mpo na kotumola miso ya nkembo na ye.

9 Etaliseli ya bilongi na bango, ezali kotatola mabe na bango, mpe eyebisi ete lisumu na bango ezali kutu lokola oyo ya Sodomo, mpe bakoki kobomba yango te. Lisuma epayi na milimo na bango, mpo bapesi mbano ya mabe epayi na bango moko!

10 Loba epayi ya basembo ete ezali malamu na bango; mpo bakolia mbuma ya misala na bango.

11 Lisuma epayi ya bato ya nkuna, mpo bakowa; mpo mbano ya maboko na bango ekozala likolo na bango!

12 Mpe bato na ngai, bana bazali banyokoli na bango, mpe basi bazali kokonza likolo na bango. O bato na ngai, bango oyo bakambaka bino basali ete bobunga mpe bobebisa banzela ya botamboli na bino.

13 Nkolo atelemi mpo na kosamba, mpe atelemi mpo na kosambisa bato.

14 Nkolo akokota na bosambisi na bampaka ya bato na ye mpe bana ya bakonzi na bango; mpo bosilisi kolia elanga ya vinyo mpe biloko bipunzamaki ya babola na ndako na bino.

15 Bolingi bosala nini? Bobuki bato na ngai na biteni, mpe boniki bilongi ya babola, elobi Nkolo Nzambe na Bibele.

16 Mpo na kobakisa, elobi Nkolo: Mpo ete bana basi ya Siona bazali lofundo, mpe bazali kotambola nkingo etombwama likolo mpe miso esila nsoni, kotambolaka mpe kodendaka lokola ekokende bango, kolelisaka ngengele na makolo na bango—

17 Boye Nkolo akobeta motole ya moto ya bana basi ya Siona na libandi, mpe Nkolo akomonisa biteni bibombana na bango.

18 Na mokolo wana Nkolo akolongola tapale ya ngengele ya makembisi na bango, mpe matambala, mpe makembisi ya kilikili lokola sanza;

19 Biloko ya kolata ya motuya mpe ya nkaka na maboko, mpe bilamba ya kozipa miso;

20 Bikoti, mpe makembisi ya makolo, mpe bitendi ya mike mike mpe ya molai mpo na moto, mpe manzanza ya malasi, mpe biloko ya matoyi;

21 Mpete, mpe mpauni ya zolo;

22 Basanduku ya monzele, mpe minkoto, mpe efulunkoi, mpe bigudi.

23 Talatala, mpe lino ya malonga, mpe ngabuni, mpe matambala ya kozipa miso ya petepete.

24 Mpe ekosalema, na esika ya solo kitoko ekozala solo mabe; mpe na esika ya mokaba, kitendi ya mpamba; mpe na esika ya nsuki esalema kitoko, libandi; mpe na esika ya nzambala, elamba ya kozingama ya saki, kozikisama na esika ya bonzenga.

25 Mibali na yo bakokweya na mompanga mpe bato makasi na yo na etumba.

26 Mpe bikuke na ye ekolela-lela mpe ekokufela; mpe akotikala mpamba, mpe akofanda na mabele.