1. Kuenadgana, emidina pemarga na wissoggoloena, kuager pemar na pinsamala, we igarba toisamalale, ibu imakoe. Ar wegihidba. ¿Ibigar sunna na kuager pinsamala?

2. ¿Na epinsa surmar si, pemarga ibmar soisad, Purba nued abingasad sorbali, sunna anger Kaiya ba sunmaimaloe? ¿Ar igi pemar sunmakoe angermar Kaiya bali purba nued sulile?

3. Angermala, Purba nued ba sunmaimala; tehgi soggu, Cristo Kaiya purba parsoge. Tehegine aulale an pemarga soisa: Cristo Kaiya purba nue ittomala; Ar tehgi soggu Cristo Kaiya purba pemarga sogoe, pela ibmar imaimaloedgine.

4. Tehegine an pemarga we ibmar soisad sorba, ar akku ittosmala, ar pemar kege ebumarbali, tehgi soggua, igar nuedba naosurmala, ar unni nega sishidba yóggumaloe.

5. Tehegi, pemarga an kannar soibali, ar we igar nued ba toimalale, al purba nued abingamaloe, eh pemarga pela ibmar oyogoe, ba imakegala.

6. Tehgihidba, we Cristo igar oturtaimaidi, ar igar paid pemarga uilegosuli, al eh san nikuedse pemarga sogoe. Tehegine pemarga sanar igar oyosale, eh, pemarga sogoe, we kantikidba imaimaloye.

7. Emi, ani, Nefi, bar pemarga na sogo surmala; Purba an Kaiya purba Kaniki, ar unnila pukib na ittoe tulemar gala, ibmar akkusun ittomala isgudidihidbali, ibmar wissurmaladbali, tehgi tulemar kuager akku ibmar nanue ittomala, ar ibmar turtaibisurmala, igar tummagan akku ittobali, ar nue emarga uilesana, eye, pela Kaiya purba nuegana.

8. Kuenadgana Emisguagine, na pemar take, amba pinsa puimala kuagele; tehegine naibi na ittoe we ibmargi pemarga sunmakedgine. Ar purba nued, nue ittomardibe, tulemar oturtake Pab se koledgine, pemar wisugmala Pab se koled nue abelege; Al purba isgana tulemar oturtake mer Pabse korye, tehegi soggua Pabse koled abesuli.

9. Tehegine, pemarga na soge palibali. Pab se kormala, mer pemar se isgued tagegala; tule tummad ga immar kuen imakosurmala, idu Pab se korsurmalale, Cristo nuggine, ar eh pemar immar abingaega, tehegine pemar arbaed abingaega we yob igar samaloe, ar igar nuegan ga kuegala pemar san purbagine.