1. Tehgi, ani, Nefi, an negguebur ibmargi oturtaisad, pela narmaisa surgusa; na sunmaked yob, an kangued narmaked nue niysuli; ar tule warkuen Purba nued ba sunmakele, tulemar mimmar ekuagese purba nued ouboge.

2. Wegihidba tule pukidar, kuage isgana nika, ar Purba nued gi na, nue pinsasurmala. Tehegi soggu ibmar narmailesad, kege na abingamala, ar ib nuedga sasurmala.

3. Ar ani, Nefi na ibmar narmaisa, nue narmaise; tehegine immar bur nued na take, an neggueburga na abege. Tehegine palibali Pabse na egise igala, neg ibgine, tehegine an poedba nonoonaged kwalatig kue mutikidba, Ehmar ulale; ar ulubgi pensuli pabtummad se kole, al nue wisi Eh an ittogoe se koledi.

4. Ar na wisi, Pab tule tummad si koled abingaoe, an negguebur yeher opinsaegala, tehegine kaiya purba an narmaise wile ittogedgine, ehmarga igar kantikidgi kuoe; ar ga soilegoe igar nued imaiye; ega soilegoe epabgan igar taniggidi, ar Esús gi sunmake, ga soge eh pensulidgi pinsae, tehegine arba eigarba nue nanadih kue, wede, san purba kege perguedi.

5. Al isgued igarba pehedse kangue ga sunmake, igar napiraguad soimaidbali; tehegine tule kuen urwosurmala we kaiya narmailesadgine, ar tehegile nia purba do.

6. An yeher ittoe ibmar napiraguadbali; An wehergue Esús bali; ar an sanpurba pentaisa, sohoneggine.

7. An negguebur wile take, tehgi Cristo na ulubgi pensuli, tule sanpurba pukidara. Esucristo asabin kuisgudabmaloe isgued suli.

8. Udios mar na wile take—Udios ye an sogedi, ar we tulemar gi tanimaladga an soge.

9. Tulemar Pab sorda surmalad, an sabbali. Tehginiguar na nue abdaisuli ehmar nugumaladi, unni Cristo na abingamalar kebe, tehegine yauag karaguad ba na toimalar kebe, ar igar inniggiguadba nanamalar kebmala, esanpurba nudaymalagala, tehgi kudihi kudoe, ibagan napi wilubtaileged sega.

10. Emidi kuenadgan, ar pemar Udios mar moga, tehegine pela napa tirbir naidi, we kaiya purba ittomala, ar Cristo kuage ulubgi mer pengumala. Tehegine Cristo kuage ulubgi pensurmalale, we kaiya purba pensurmar baloe, ar we Cristo kadi, al anga eh uisa; tehegi pela tulemar oturtaimala, nued taedgine.

11. Tehegi Cristo kaiya purba sulir, na pemar soged ba ga igar amimala; tehegine ar, Cristo kantikidgi immar sogoe pemargala ibagan napidgine; al ekangued nikadba pemar ga immar sogoe; al easabin kuisgutabmaloe, ar taimaloe pemar, anmoga, tehegi kuisgumalo ede anga soisa we ibi narmake, an tule nued sur iniguar na imaisa.

12. Ar Pab se na egise, Cristo nuggine anmar pukidar, perguablesuli, pentailegosuli nibneggine, we iba tummadsega napid.

13. Tehegine, emide kuenadgana, pemar pela Israel negginmaladi, ar pemar pela. ¡Ar pela napa tirbir naidi! Pemarga na sunmage, igi tule warkuen napba gi mai nosayobi: Tehgimar sunnoe, we ibagan taniggoed se sunna.

14. Al pemar Pabtummad tule nued taedba nagubi surmalad, ar Udios Kaiya purba ittobi surmalad, tehgi an Kaiya purba ittobi surmalad, ar PabMachi Kaiya purba sunmakoed ittogo surmalad we gihidba na napi pemarga soge, ar we Kaiya purba bali, ibmar pemala, yohoed se ibagan pergudele na taimaloe.

15. Tehegine, napaba an nuga mese, pemarga yoho oyoledabboe, igar napi mesle soggalile, ah asabínni; ar we yob tule tummad anga igar uisa, tehegi soggu ba na iggar imake. Tehgin Kadinye.