Mokapo 7
Yakobo akobi kotanga uta na Yisaya: Yisaya azali koloba lokola Masiya—Masiya akozala na lokota ya bato bayekola—Akopesa mokongo na ye epayi na baoyo babetaka—Akoyokisama nsoni te—Meka na Yisaya 50. Penepene na mibu 559–545 Liboso na mbotama ya Klisto.
1 Iyo, mpo boye elobi Nkolo: Ebenganaki ngai yo, to ebwakaki ngai yo mosika libela? Mpo, boye elobi Nkolo: Wapi mokanda ya bopanzi libala ya mama na bino? Na nani ebenganaki ngai bino, soki te na modefisi nani etekaki ngai bino? Iyo, na nani etekaki ngai bino? Tala, mpo na mabe na bino bomiteki bino moko, mpe mpo na bobuki mibeko na bino mama na bino abenganami.
2 Yango wana, ntango nayaki, moto moko azalaki te; ntango nabiangaki, iyo, moko te azalaki mpo na koyanola. O ndako ya Yisalaele, loboko na ngai ekomi mokuse na nyonso ete ekoki kosikola te, soki te nazali na nguya te mpo na kobikisa? Tala, na mpamela na ngai nakokausa mbu, nakokomisa bibale na bango esobe mpe mbisi na yango ekolumba solo mabe mpo ete mai ekawuki, mpe bakokufa na ntina ya mposa ya mai.
3 Nakolatisa lola na boyindo, mpe nakokomisa elamba ya saki ezipelo na bango.
4 Nkolo Nzambe apesi ngai lokota ya baoyo bayekola, ete nayeba lolenge nini kolobela bino liloba na ntango elongobani, O ndako ya Yisalaele. Wana elembi bino ye alamukaka ntongo ntongo na ntongo. Akolamusa litoyi na ngai mpo na koyoka lokola baoyo bayekola.
5 Nkolo Nzambe afungolaki litoyi na ngai, mpe nazalaki motomboki te, to mpe nazongaki nsima te.
6 Napesaki mokongo na ngai epayi na baoyo babetaka, mpe matama na ngai na bango oyo bapikolaki mandefu. Nabombaki te elongi na ngai uta na nsoni mpe uta na nsoi.
7 Mpo Nkolo Nzambe akosalisa ngai, boye nakoyokisama nsoni te. Boye nakomisaki elongi na ngai lokola libanga, mpe nayebi ete nakoyokisama nsoni te.
8 Mpe Nkolo azali penepene, mpe alongisi ngai. Nani akowela na ngai? Tika toteleme esika moko. Nani azali moyini na ngai? Tika ye aya penepene na ngai, mpe nakobeta ye na makasi ya monoko na ngai.
9 Mpo Nkolo Nzambe akosalisa ngai. Mpe bango nyonso oyo bakokitisa ngai, tala, bango nyonso bakonuna lokola elamba, mpe epomboli ekolia bango nie.
10 Nani azali na kati na bino oyo abangaka Nkolo, oyo atosaka mongongo ya mosali na ye, oyo atambolaka na molili mpe azali na pole te?
11 Tala bino nyonso oyo bapelisaka moto, baye bokomizinga na montentei, botambola na pole ya moto na bino mpe na mintentei oyo bopelisaki. Oyo nde yango bokozwa uta na loboko na ngai—bokolala na nse na mawa.