1 Tokanga mai, ʻa kimoutolu ʻe kau Senitaile, pea fanongo ki he ngaahi folofola ʻa Sīsū Kalaisi, ko e ʻAlo ʻo e ʻOtua moʻuí, ʻa ia kuó ne fekau kiate au ke u lea ʻo kau kiate kimoutolu, he, vakai, ʻokú ne fekau kiate au ke u tohi, ʻo pehē:

2 Tafoki mai, ʻa kimoutolu kotoa pē ko e kau Senitailé, mei hoʻomou ngaahi angahalá; pea fakatomala mei hoʻomou ngaahi ngāue koví, mo hoʻomou ngaahi loí mo e ngaahi kākaá, mo hoʻomou ngaahi feʻauakí, mo hoʻomou ngaahi anga-fakalielia fufuú, mo hoʻomou ngaahi tauhi tamapuá, mo hoʻomou ngaahi fakapoó, mo hoʻomou ngaahi ngāue fakataulaʻeiki kākaá, mo hoʻomou meheká, mo hoʻomou ngaahi fekeʻikeʻí, pea mei hoʻomou ngaahi fai angahala kotoa pē mo e ngaahi anga-fakalieliá, pea haʻu kiate au, ʻo papitaiso ʻi hoku hingoá, koeʻuhi ke mou maʻu ha fakamolemole ʻo hoʻomou ngaahi angahalá, pea fonu ʻi he Laumālie Māʻoniʻoní, koeʻuhi ke lau ʻa kimoutolu fakataha mo hoku kakai, ʻa ia ʻoku ʻo e fale ʻo ʻIsilelí.