ʻAlamā

Ngaahi Folofolá

Tohi ʻa Molomoná

Ngaahi Fakahokohokó
Talateú mo e Kau Fakamoʻoní
1 Nīfai
2 Nīfai
Sēkope
ʻĪnosi
Seilomi
ʻAmenai
Ngaahi Lea ʻa Molomona
Mōsaia
ʻAlamā
Hilamani
3 Nīfai
4 Nīfai
Molomona
ʻEta
Molonai

ʻAlamā

Vahe 1
ʻOku akoʻi ʻe Nēhoa ha ngaahi tokāteline hala, mo fokotuʻu ha siasi, pea kamata ʻa e ngāue fakataulaʻeiki kākaá, pea ne tāmateʻi ʻa Kitione—ʻOku tāmateʻi ʻa Nēhoa koeʻuhi ko ʻene ngaahi hiá—ʻoku mafola ʻa e fie maná mo e ngaahi fakatangá ʻi he kakaí—ʻOku tauhi pē ʻe he kau taulaʻeikí ʻa kinautolu, ʻoku tauhi ʻe he kakaí ʻa e kau masivá, pea ʻoku tuʻumālie ʻa e siasí. Taʻu 91–88 K.M. nai.
Vahe 2
ʻOku feinga ʻa ʻAmelikai ke hoko ko e tuʻi pea ʻoku fakafisinga ia ʻi he leʻo ʻo e kakaí—ʻOku fokotuʻu ia ʻe hono kau muimuí ko e tuʻi—ʻOku haʻu ʻa e kau ʻAmelikaí ke tauʻi ʻa e kau Nīfaí pea ʻoku ikunaʻi ʻa kinautolu—ʻOku kau fakataha ʻa e kau Leimaná mo e kau ʻAmelikaí pea ʻoku ikunaʻi ʻa kinautolu—ʻOku tāmateʻi ʻe ʻAlamā ʻa ʻAmelikai. Taʻu 87 K.M. nai.
Vahe 3
Kuo hanga ʻe he kau ʻAmelikaí ʻo fakaʻilongaʻi ʻa kinautolu ʻo fakatatau ki he kikité—Kuo fakamalaʻiaʻi ʻa e kau Leimaná tuʻunga ʻi heʻenau angatuʻú—ʻoku hanga ʻe he tangatá ʻo fakatupu honau ngaahi fakamalaʻiaʻi pē ʻo kinautolú—ʻoku ikunaʻi ʻe he kau Nīfaí ha kau tau ʻe taha ʻo e kau Leimaná. Taʻu 87–86 K.M. nai.
Vahe 4
ʻOku papitaiso ʻe ʻAlamā ha kau ului ʻe lau afe—ʻOku tupu hake ʻa e angahalá ʻi he siasí, pea ʻoku taʻofi ʻa e tupulaki ʻa e siasí—ʻOku fili ʻa Nīfaihā ko e fakamaau lahi—ʻOku tokanga pē ʻa ʻAlamā, ʻi heʻene hoko ko e taulaʻeiki lahí, ki he ngāue fakafaifekaú. Taʻu 86–83 K.M. nai.
Vahe 5
ʻE maʻu ʻa e fakamoʻuí, kapau ʻe fakatomala ʻa e tangatá mo tauhi ʻa e ngaahi fekaú, pea fanauʻi foʻou, mo fakamaʻa honau ngaahi kofú ʻi he taʻataʻa ʻo Kalaisí, pea anga-fakatōkilalo mo liʻaki meiate kinautolu ʻa e loto-hīkisiá mo e meheká, pea fai ʻa e ngaahi ngāue ʻo e māʻoniʻoní—ʻOku ui ʻa e Tauhi-sipi Leleí ki Hono kakaí—Ko kinautolu ʻoku nau fai ʻa e ngaahi ngāue koví ko e fānau kinautolu ʻa e tēvoló—ʻOku fakamoʻoni ʻa ʻAlamā ki hono moʻoni ʻo ʻene tokāteliné peá ne fekau ki he kakaí ke nau fakatomala—ʻE tohi ʻa e hingoa ʻo e Kau Māʻoniʻoní ʻi he tohi ʻo e moʻuí. Taʻu 83 K.M. nai.
Vahe 6
ʻOku fakamaʻa ʻa e siasi ʻi Seilahemalá pea fakamaʻumaʻuluta—ʻOku ʻalu ʻa ʻAlamā ki Kitione ʻo malanga ai. Taʻu 83 K.M. nai.
Vahe 7
ʻE ʻaloʻi mai ʻa Kalaisi ʻia Mele—Te Ne vete ange ʻa e ngaahi haʻi ʻo e maté peá Ne fua ʻa e ngaahi angahala ʻa Hono kakaí—Ko kinautolu ʻoku fakatomala, mo papitaiso, pea tauhi ʻa e ngaahi fekaú te nau maʻu ʻa e moʻui taʻengatá—ʻE ʻikai lava ʻe he kakai ʻoku ʻulí ʻo maʻu ʻa e puleʻanga ʻo e ʻOtuá—Kuo pau ke maʻu ʻa e loto-fakatōkilaló, tuí, ʻamanaki leleí, mo e manavaʻofá. Taʻu 83 K.M. nai.
Vahe 8
ʻOku malanga mo fai papitaiso ʻa ʻAlamā ʻi Mīleki—ʻOku ʻikai tali ia ʻi ʻAmonaihā pea ʻokú ne ʻalu mei ai—ʻOku fekauʻi ia ʻe ha ʻāngelo ke foki ʻo malanga ʻaki ʻa e fakatomalá ki he kakaí—ʻOku tali ia ʻe ʻAmuleki, peá na malanga fakataha ʻi ʻAmonaihā. Taʻu 82 K.M. nai.
Vahe 9
ʻOku fekau ʻe ʻAlamā ki he kakai ʻo ʻAmonaihaá ke nau fakatomala—ʻE ʻaloʻofa ʻa e ʻEikí ki he kau Leimaná ʻi he ngaahi ʻaho fakaʻosí—Kapau ʻe liʻaki ʻe he kau Nīfaí ʻa e māmá, ʻe fakaʻauha ʻa kinautolu ʻe he kau Leimaná—ʻE hāʻele vave mai ʻa e ʻAlo ʻo e ʻOtuá—Te Ne huhuʻi ʻa kinautolu ʻoku fakatomala, mo papitaiso pea tui ki Hono huafá. Taʻu 82 K.M. nai.
Vahe 10
Ko e tupu ʻa Līhaí meia Manase—ʻOku fakamatala ʻa ʻAmuleki ki hono fekauʻi ia ʻe he ʻāngeló ke ne tauhi ʻa ʻAlamā—ʻOku hanga ʻe he ngaahi lotu ʻa e kau māʻoniʻoní ʻo fakatupu hano fakahaofi ʻo e kakaí—ʻOku hanga ʻe he kau taukapo mo e kau fakamaau taʻe-māʻoniʻoní ʻo ʻai ʻa e tuʻunga ki hono fakaʻauha ʻo e kakaí. Taʻu 82 K.M. nai.
Vahe 11
ʻOku fakamatalaʻi ʻa e ngaahi mahuʻinga ʻo e lau paʻanga ʻa e kau Nīfaí—ʻOku fakakikihi ʻa ʻAmuleki mo Sisolome—ʻOku ʻikai fakamoʻui ʻe Kalaisi ʻa e kakaí ʻi heʻenau ngaahi angahalá—Ko kinautolu pē te nau mau ʻa e puleʻanga ʻo e langí ʻe fakamoʻuí—ʻE toetuʻu hake ʻa e kakai kotoa pē ʻi he anga taʻe-faʻa-mate—ʻOku ʻikai ke toe ʻi ai ha mate hili ʻa e Toetuʻú. Taʻu 82 K.M. nai.
Vahe 12
ʻOku lea ʻa ʻAlamā kia Sisolome—ʻOku lava ʻo fakahā ʻa e ngaahi meʻa lilo ʻa e ʻOtuá kiate kinautolu pē ʻoku tui faivelengá—ʻOku fakamāuʻi ʻa e tangatá ʻo fakatatau ki heʻenau ngaahi fakakaukaú, ngaahi tuí, ngaahi leá, mo e ngaahi ngāué—ʻE hoko ki he kau angahalá ha mate fakalaumālie—ʻOku hoko ʻa e moʻui fakamatelie ko ʻení ko ha tuʻunga ʻahiʻahiʻanga—ʻOku hanga ʻe he palani ʻo e huhuʻí ʻo fakahoko ʻa e Toetuʻú ʻo, makatuʻunga ʻi he tuí, mo ha fakamolemoleʻi ʻo e ngaahi angahalá—ʻOku maʻu ʻe kinautolu ʻoku fakatomalá ha totonu ke maʻu ʻa e ʻaloʻofa ʻi he ʻAlo pē Taha naʻe Fakatupú. Taʻu 82 K.M. nai.
Vahe 13
ʻOku ui ha kau tangata ko e kau taulaʻeiki lahi koeʻuhí ko ʻenau fuʻu tui lahí mo e ngaahi ngāue leleí—Ko honau fatongiá ke akoʻi ʻa e ngaahi fekaú—ʻOku fakamāʻoniʻoniʻi ʻa kinautolu ʻi heʻenau angatonú pea nau hū ki he mālōlōʻanga ʻo e ʻEikí—Naʻe kau ʻa Melekisēteki ʻiate kinautolú ni—ʻOku fakahā ʻe he kau ʻāngeló ʻa e ngaahi ongoongo ʻo e fiefia ʻi he fonuá kotoa—Te nau fakahā mai ʻa e hāʻele mai ʻa Kalaisí. Taʻu 82 K.M. nai.
Vahe 14
ʻOku fakahū ʻa ʻAlamā mo ʻAmuleki ki he fale fakapōpulá pea kauʻimaea ʻa kinaua—Ko hono tutu ʻi he afi ʻa e kakai tuí mo e ngaahi tohi toputapú—ʻOku tali ʻe he ʻEikí ʻaki ʻa e nāunau ʻa e kakai ne mate koeʻuhi ko ʻenau tuí—ʻOku movete ʻa e ngaahi holisi ʻo e fale fakapōpulá ʻo holo ki lalo—ʻOku fakahaofi ʻa ʻAlamā mo ʻAmuleki, pea ʻoku tāmateʻi ʻa hona kau fakatangá. Taʻu 82–81 K.M. nai.
Vahe 15
ʻOku ʻalu ʻa ʻAlamā mo ʻAmuleki ki Saitome pea fokotuʻu ai ha siasi—ʻOku fakamoʻui ʻe ʻAlamā ʻa Sisolome pea ʻokú ne kau ki he Siasí—ʻOku papitaiso ʻa e tokolahi, pea ʻoku tuʻumālie ʻa e Siasí—ʻOku ʻalu ʻa ʻAlamā mo ʻAmuleki ki Seilahemala. Taʻu 81 K.M. nai.
Vahe 16
ʻOku fakaʻauha ʻe he kau Leimaná ʻa e kakai ʻo ʻAmonaihaá—ʻOku taki atu ʻe Sōlami ʻa e kau Nīfaí ʻo nau ikunaʻi ʻa e kau Leimaná—ʻOku malanga ʻaki ʻe ʻAlamā mo ʻAmuleki mo ha tokolahi kehe ʻa e ongoongoleleí—ʻOku nau akonaki ʻo ka hili ʻa e Toetuʻu ʻa Kalaisí ʻe hā mai ia ki he kau Nīfaí. Taʻu 81–77 K.M. nai.
Vahe 17
ʻOku maʻu ʻe he ngaahi foha ʻo Mōsaiá ʻa e laumālie ʻo e kikité mo e maʻu fakahaá—ʻOku nau ʻalu atu ʻi honau taki taha hala ke malanga ʻaki ʻa e ongoongoleleí ki he kau Leimaná—ʻOku ʻalu ʻa ʻĀmoni ki he fonua ko ʻIsimelí ʻo ne hoko ai ko ha tamaioʻeiki ʻa e Tuʻi ko Lamōnaí—ʻOku fakahaofi ʻe ʻĀmoni ʻa e ngaahi takanga monumanu iiki ʻa e tuʻí peá ne tāmateʻi hono ngaahi filí ʻi he vai ko Sēpusí. Veesi 1–3, taʻu 77 K.M. nai; veesi 4, taʻu 91–77 K.M. nai; mo e veesi 5–39, taʻu 91 K.M. nai.
Vahe 18
ʻOku mahalo ʻa e Tuʻi ko Lamōnaí ko e Laumālie Lahi ʻa ʻĀmoni—ʻOku akoʻi ʻe ʻĀmoni ʻa e tuʻí ʻo kau ki he Fakatupú, ngaahi fengāueʻaki ʻa e ʻOtuá mo e tangatá, mo e huhuʻi ʻoku fou ʻia Kalaisí—ʻOku tui ʻa Lamōnai pea tō ia ki he kelekelé ʻo hangē kuo pekiá. Taʻu 90 K.M. nai.
Vahe 19
ʻOku maʻu ʻe Lamōnai ʻa e ʻamanaki lelei te ne maʻu ʻa e moʻui taʻengatá peá ne mamata ki he Huhuʻí—ʻOku ʻāvea ʻa kinautolu kotoa pē ʻi hono falé, pea mamata hanau tokolahi ki he kau ʻāngelo—ʻOku maluʻi ʻa ʻĀmoni ʻi ha mana fakaofo—ʻOkú ne papitaiso ha tokolahi peá ne fokotuʻu ʻa e siasí ʻi honau lotolotongá. Taʻu 90 K.M. nai.
Vahe 20
ʻOku fekau atu ʻe he ʻEikí ʻa ʻĀmoni ki Mitonai ke fakatauʻatāinaʻi hono kāinga kuo tuku pōpula ʻi aí—ʻOku feʻiloaki ʻa ʻĀmoni mo Lamōnai mo e tamai ʻa Lamōnaí, ʻa ia ko e tuʻi ia ki he fonuá hono kotoa—ʻOku kole ʻe ʻĀmoni ki he tuʻi toulekeleká ke fakangofua hono tukuange hono kāingá. Taʻu 90 K.M. nai.
Vahe 21
ʻOku akoʻi ʻe ʻĒlone ʻa e kau ʻAmalekaí ʻo kau kia Kalaisi mo ʻEne Fakaleleí—ʻOku tuku pōpula ʻa ʻĒlone mo hono kāingá ʻi Mitonai—Naʻe hili honau fakatauʻatāinaʻí, naʻa nau akonaki ʻi he ngaahi fale lotú pea nau fakaului ha tokolahi—ʻOku foaki ʻe Lamōnai ki he kakai ʻo e fonua ko ʻIsimelí ke nau tauʻatāina ʻi heʻenau tui fakalotú. Taʻu 90–77 K.M. nai.
Vahe 22
ʻOku akoʻi ʻe ʻĒlone ʻa e tamai ʻa Lamōnaí ʻo kau ki he Fakatupú, ko e Hinga ʻa ʻĀtamá, mo e palani ʻo e huhuʻi ʻia Kalaisí—ʻOku ului ʻa e tuʻí mo hono falé kotoa—ʻOku fakamatalaʻi ʻa e vahevahe ʻo e fonuá ʻi he kau Nīfaí mo e kau Leimaná. Taʻu 90–77 K.M. nai.
Vahe 23
ʻOku fanongonongo ʻa e tauʻatāina fakalotú—ʻOku fakaului ʻa e kau Leimana ʻi he potu fonua ʻe fitu mo e ngaahi kolo lalahi—ʻOku nau ui ʻa kinautolu ko e kau ʻAnitai-Nīfai-Līhai pea ʻoku fakaʻatā ʻa kinautolu mei he fakamalaʻiá—ʻOku fakaʻikaiʻi ʻe he kau ʻAmalekaí mo e kau ʻAmuloné ʻa e moʻoní. Taʻu 90–77 K.M. nai.
Vahe 24
ʻOku haʻu ʻa e kau Leimana ke tauʻi ʻa e kakai ʻo e ʻOtuá—ʻOku fiefia ʻa e kau ʻAnitai-Nīfai-Līhaí ʻia Kalaisi pea ʻaʻahi mai kiate kinautolu ha kau ʻāngelo—ʻOku nau fili ke nau mate kae ʻikai maluʻi ʻa kinautolu—ʻOku ului ha kau Leimana tokolahi kehe. Taʻu 90–77 K.M. nai.
Vahe 25
ʻOku mafola ʻa e ngaahi fakamamahi ʻa e kau Leimaná—ʻOku ʻauha ʻa e hako ʻo e kau taulaʻeiki ʻa Noá ʻo hangē ko ia naʻe kikiteʻi ʻe ʻApinetaí—ʻOku fakaului ha tokolahi ʻo e kau Leimaná ʻo nau kau mo e kakai ʻo ʻAnitai-Nīfai-Līhaí—ʻOku nau tui kia Kalaisi mo tauhi ʻa e fono ʻa Mōsesé. Taʻu 90–77 K.M. nai.
Vahe 26
ʻOku vīkiviki ʻa ʻĀmoni ʻi he ʻEikí—ʻOku fakaivia ʻa e kakai tui faivelengá ʻe he ʻEikí pea ʻoku foaki kiate kinautolu ʻa e ʻiló—ʻE makatuʻunga ʻi he tuí hano ʻomi ʻe he tangatá ha kakai ʻe lau afe ki he fakatomalá—ʻOku maʻu ʻe he ʻOtuá ʻa e māfimafi kotoa pē, pea ʻokú ne ʻafioʻi ʻa e meʻa kotoa pē. Taʻu 90–77 K.M. nai.
Vahe 27
ʻOku folofola ʻa e ʻEikí kia ʻĀmoni ke ne taki ʻa e kakai ʻo ʻAnitai-Nīfai-Līhaí ke nau hao—ʻOku ʻosi ʻa e ivi ʻo ʻĀmoní ʻi heʻene fiefia heʻene feʻiloaki mo ʻAlamaá—ʻOku foaki ʻe he kau Nīfaí ki he kau ʻAnitai-Nīfai-Līhaí ʻa e fonua ko Selesoní—ʻOku ui ʻa kinautolu ko e kakai ʻo ʻĀmoní. Taʻu 90–77 K.M. nai.
Vahe 28
ʻOku ikunaʻi ʻa e kau Leimaná ʻi ha tau fakaʻulia—ʻOku tō tau ha lau mano—ʻOku tuku ʻa e kau angahalá ki ha tuʻunga ʻo e mamahi taʻetuku; ʻoku maʻu ʻe he kau māʻoniʻoní ha fiefia ʻoku ʻikai hano ngataʻanga. Taʻu 77–76 K.M. nai.
Vahe 29
ʻOku holi ʻa ʻAlamā ke ne kalanga ʻaki ʻa e fakatomalá ʻi he mālohi ʻo e kau ʻāngeló—ʻOku foaki ʻe he ʻEikí ha kau akonaki ki he ngaahi puleʻanga kotoa pē—ʻOku fiefia ʻa ʻAlamā ʻi he ngāue ʻa e ʻEikí mo e ngaahi ngāue lelei ʻa ʻĀmoni mo hono kāingá. Taʻu 76 K.M. nai.
Vahe 30
Ko Kolihola, ko e fili ʻo Kalaisí, ʻokú ne taukae kia Kalaisi, ko e Fakaleleí, mo e laumālie ʻo e kikité—ʻOkú ne akonaki ʻaki ʻoku ʻikai ha ʻOtua, pe ha hinga ʻa e tangatá, pe ha tautea ki he angahalá, pea ʻoku ʻikai ha Kalaisi—ʻOku fakamoʻoniʻi ʻe ʻAlamā ʻe hāʻele mai ʻa Kalaisi pea ʻoku fakamoʻoni ʻa e meʻa kotoa pē ʻoku ʻi ai ha ʻOtua—ʻOku fie maʻu ʻe Kolihola ha fakaʻilonga pea ʻoku teʻia ia ʻo noa—Naʻe hā mai ʻa e tēvoló kia Kolihola ʻo hangē ha ʻāngelo ʻo ne akoʻi kiate ia ʻa e ngaahi meʻa ke ne leaʻakí—ʻOku tāmoloki ʻa Kolihola ʻo ne mate. Taʻu 76–74 K.M. nai.
Vahe 31
ʻOku taki ʻe ʻAlamā ha ngāue ke toe fakatafoki mai ʻa e kau Sōlami naʻe mavahe mei he Siasí—ʻOku fakaʻikaiʻi ʻe he kau Sōlamí ʻa Kalaisi, pea nau tui ki ha fakakaukau hala ʻoku nau lelei ange ʻi he kakai kehé, pea nau lotu ʻaki ʻa e ngaahi lotu tāumaʻu—ʻOku fonu ʻa e kau faifekaú ʻi he Laumālie Māʻoniʻoní—ʻOku mole atu ʻa honau ngaahi faingataʻaʻiá ʻi he fiefia ʻia Kalaisí. Taʻu 74 K.M. nai.
Vahe 32
ʻOku akoʻi ʻe ʻAlamā ʻa e kakai masivá ko ia kuo hanga ʻe honau ngaahi faingataʻaʻiá ʻo fakavaivaiʻi ʻa kinautolu—Ko e tuí ʻa e ʻamanaki lelei ki he meʻa ʻoku ʻikai mamata ki ai ka ʻoku moʻoni—ʻOku fakamoʻoniʻi ʻe ʻAlamā ʻoku tauhi mai ʻa e kau ʻāngeló ki he kakai tangata, kakai fefine, mo e fānau—ʻOku fakatatau ʻe ʻAlamā ʻa e folofolá ki ha tengaʻi ʻakau—Kuo pau ke tō ia mo fafangaʻi—Pea ʻoku toki tupu hake ia ʻo hoko ko ha fuʻu ʻakau ʻa ia ʻoku toli mei ai ʻa e fua ʻo e moʻui taʻengatá. Taʻu 74 K.M. nai.
Vahe 33
ʻOku akoʻi ʻe Seinosi ʻoku totonu ke lotu mo hū ʻa e tangatá ʻi he feituʻu kotoa pē, pea ʻoku taʻofi ʻa e ngaahi fakamāú tuʻunga ʻi he ʻAló—ʻOku akoʻi ʻe Seinoki ʻoku foaki mai ʻa e ʻaloʻofá tuʻunga ʻi he ʻAló—Naʻe hiki hake ʻe Mōsese ʻi he maomaonganoá ha fakataipe ʻo e ʻAlo ʻo e ʻOtuá. Taʻu 74 K.M. nai.
Vahe 34
ʻOku fakamoʻoniʻi ʻe ʻAmuleki ʻoku ʻia Kalaisi ʻa e folofolá ki he fakamoʻuí—ʻO ka ʻikai fakahoko ha fakalelei, kuo pau ke ʻauha ʻa e faʻahinga kotoa ʻo e tangatá—ʻOku tuhu ʻa e fono kotoa ʻa Mōsesé ki he feilaulau ʻa e ʻAlo ʻo e ʻOtuá—Ko e palani taʻengata ʻo e huhuʻí ʻoku makatuʻunga ia ʻi he tuí mo e fakatomalá—Lotu koeʻuhi ko e ngaahi tāpuaki fakamāmani mo fakalaumālié—Ko e moʻuí ni ko e taimi ia ke teuteu ai ʻa e tangatá ke feʻiloaki mo e ʻOtuá—Ngāueʻi homou fakamoʻuí ʻi he manavahē ʻi he ʻao ʻo e ʻOtuá. Taʻu 74 K.M. nai.
Vahe 35
ʻOku hanga ʻe hono malanga ʻaki ʻo e folofolá ʻo fakaʻauha ʻa e ngāue ʻa e kau Sōlamí—ʻOku nau tuli ʻa e kau ului, ʻa ia kuo nau kau mo e kakai ʻo ʻĀmoni ʻi Selesoní—ʻOku mamahi lahi ʻa ʻAlamā koeʻuhi ko e fai angahala ʻa e kakaí. Taʻu 74 K.M. nai.
Vahe 36
ʻOku fakamoʻoniʻi ʻe ʻAlamā kia Hilamani ʻa hono fakaului ia hili ʻene mamata ki ha ʻāngeló—ʻOkú ne fepaki mo e ngaahi mamahi ʻo ha laumālie kuo fakamalaʻiaʻi; ʻokú ne ui ki he huafa ʻo Sīsuú, pea fanauʻi ʻi he ʻOtuá—ʻOku fakafonu ʻe ha fiefia lahi ʻa hono laumālié—ʻOkú ne mamata ki ha ngaahi haʻohaʻonga ʻo e kau ʻāngelo ʻoku nau fakafetaʻi ki he ʻOtuá—Kuo aʻusia ʻe ha kau ului tokolahi pea nau mamata ki he ngaahi meʻa kuó ne aʻusia mo mamata ki aí. Taʻu 74 K.M. nai.
Vahe 37
ʻOku fakatolonga ʻa e ngaahi peleti palasá mo e ngaahi folofola kehé ke ʻomi ha ngaahi laumālie ki he fakamoʻuí—Naʻe fakaʻauha ʻa e kau Sēletí koeʻuhi ko ʻenau fai angahalá—Ko ʻenau ngaahi fakapapaú mo e ngaahi fuakava fufuú kuo pau ke taʻofi ia mei he kakaí—Fealeaʻaki mo e ʻEikí ʻi hoʻo ngaahi ngāue kotoa pē—Hangē hono tataki ʻe he Liahoná ʻa e kau Nīfaí, ʻe pehē hono tataki ʻe he folofola ʻa Kalaisí ʻa e tangatá ki he moʻui taʻengatá. Taʻu 74 K.M. nai.
Vahe 38
Naʻe fakatangaʻi ʻa Sipiloni koeʻuhi ko e māʻoniʻoní—Ko e fakamoʻuí ʻoku ʻia Kalaisí, ʻa ia ko e moʻui mo e maama ʻo e māmaní—Taʻofi hoʻo ngaahi holi fakakakanó. Taʻu 74 K.M. nai.
Vahe 39
Ko e meʻa fakalielia ʻa e angahala fakaeangamaʻá—ʻOku hanga ʻe he ngaahi angahala ʻa Kolianitoní ʻo taʻofi ʻa e kau Sōlamí mei heʻenau tali ʻa e folofolá—ʻOku lava ʻe he huhuʻi ʻa Kalaisí ʻo fakamoʻui ʻa e kakai tui faivelenga naʻa nau moʻui ʻi muʻa ʻiate iá. Taʻu 74 K.M. nai.
Vahe 40
ʻOku fakahoko ʻe Kalaisi ʻa e toetuʻu ʻa e kakai kotoa pē—ʻOku ʻalu ʻa e kau pekia māʻoniʻoní ki palataisi pea ʻalu ʻa e kau angahalá ki he fakapoʻuli ʻi tuʻá ʻo tatali ai ki he ʻaho ʻo ʻenau toetuʻú—ʻE fakafoki ʻa e meʻa kotoa pē ki honau anga-totonu mo haohaoá ʻi he Toetuʻú. Taʻu 74 K.M. nai.
Vahe 41
ʻE ʻalu atu ʻa e tangatá ʻi he Toetuʻú ki ha tuʻunga ʻo e fiefia taʻetuku pe mamahi taʻetuku—Kuo teʻeki hoko ʻa e fai angahalá ko e fiefia—ʻOku ʻikai maʻu ʻe he tangata fakakakanó ʻa e ʻOtuá ʻi he māmaní—ʻOku toe maʻu ʻe he tangata taki taha ʻi he Fakafokí ʻa e ngaahi anga mo e ngaahi ʻulungaanga naʻa nau maʻu ʻi he moʻui fakamatelié. Taʻu 74 K.M. nai.
Vahe 42
ʻOku hoko ʻa e moʻui fakamatelié ko ha taimi ʻahiʻahiʻanga ke lava ai ʻe he tangatá ʻo fakatomala mo tauhi ki he ʻOtuá—Naʻe fakatupu ʻe he Hingá ʻa e mate fakasino mo e mate fakalaumālie ʻa e faʻahinga kotoa ʻo e tangatá—ʻOku fakahoko ʻa e huhuʻí tuʻunga ʻi he fakatomalá—Ko e ʻOtuá pē ʻokú Ne fai ʻa e fakalelei ki he ngaahi angahala ʻa e māmaní—Ko e ʻaloʻofá ʻoku maʻanautolu pē ʻoku fakatomalá—ʻOku moʻulaloa ʻa hono toengá ki he fakamaau totonu ʻa e ʻOtuá—ʻOku hoko mai ʻa e ʻaloʻofá tuʻunga ʻi he Fakaleleí—Ko e kau fakatomala moʻoní pē ʻe fakamoʻuí. Taʻu 74 K.M. nai.
Vahe 43
ʻOku malanga ʻaki ʻe ʻAlamā mo hono ngaahi fohá ʻa e folofolá—ʻOku hoko ʻa e kau Sōlamí mo e kau angatuʻu Nīfai kehé ko e kau Leimana—ʻOku haʻu ʻa e kau Leimaná ki he kau Nīfaí ke tau—ʻOku fakateunga ʻe Molonai ʻa e kau Nīfaí ʻaki ʻa e ngaahi teunga tau—ʻOku fakahā ʻe he ʻEikí kia ʻAlamā ʻa e ngaahi fokotuʻutuʻu fufū ki he tau ʻa e kau Leimaná—ʻOku maluʻi ʻe he kau Nīfaí ʻa honau ngaahi ʻapí, ko ʻenau tauʻatāiná, ko honau ngaahi fāmilí, mo ʻenau lotú—ʻOku ʻākilotoa ʻe he ngaahi kau tau ʻa Molonai mo Līhaí ʻa e kau Leimaná. Taʻu 74 K.M. nai.
Vahe 44
ʻOku fekau ʻe Molonai ki he kau Leimaná ke nau fai ha fuakava ʻo e melino pe ʻe fakaʻauha ʻa kinautolu—ʻOku ʻikai tali ʻe Seilahemena ʻa e fekaú, pea toe hoko atu ʻa e taú—ʻOku ikunaʻi ʻe he kau tau ʻa Molonaí ʻa e kau Leimaná. Taʻu 74–73 K.M. nai.
Vahe 45
ʻOku tui ʻa Hilamani ki he ngaahi lea ʻa ʻAlamaá—ʻOku kikiteʻi ʻe ʻAlamā ʻa hono fakaʻauha ʻo e kau Nīfaí—ʻOkú ne tāpuakiʻi mo fakamalaʻiaʻi ʻa e fonuá—Mahalo naʻe ʻave ʻa ʻAlamā ʻe he Laumālié, ʻo hangē ko Mōsesé—ʻOku tupu hake ʻa e fekeʻikeʻi ʻi he siasí. Taʻu 73 K.M. nai.
Vahe 46
ʻOku feinga ʻa ʻAmalekaia ke ne hoko ko e tuʻi—ʻOku hiki hake ʻe Molonai ʻa e tohi fuka ʻo e tauʻatāiná—ʻOkú ne fakalotoʻi ʻa e kakaí ke nau maluʻi ʻenau lotú—ʻOku ui ʻa e kau tui moʻoní ko e kau Kalisitiane—ʻE fakatolonga ha konga ʻo e hako ʻo Siosefá—ʻOku hola ʻa ʻAmalekaia mo e kau angatuʻú ki he fonua ko Nīfaí—ʻOku tāmateʻi ʻa kinautolu ʻoku ʻikai te nau poupouʻi ʻa e feinga ki he tauʻatāiná. Taʻu 73–72 K.M. nai.
Vahe 47
ʻOku ngāue ʻaki ʻe ʻAmalekaia ʻa e kākaá, fakapoó, mo e fakaolooló ke ne hoko ai ko e tuʻi ʻo e kau Leimaná—ʻOku fai angahala mo anga-fekai lahi ange ʻa e kau Nīfai angatuʻú ʻi he kau Leimaná. Taʻu 72 K.M. nai.
Vahe 48
ʻOku fakatupu ʻe ʻAmalekaia ʻa e ʻita ʻa e kau Leimaná ki he kau Nīfaí—ʻOku teuteu ʻe Molonai ʻa ho kakaí ke nau maluʻi ʻa e ngaahi tui ʻa e kau Kalisitiané—ʻOkú ne fiefia ʻi he taʻehaʻisia mo e tauʻatāiná pea ko e tangata mālohi ia ʻa e ʻOtuá. Taʻu 72 K.M. nai.
Vahe 49
ʻOku ʻikai lava ʻe he kau Leimaná ʻo kapa ʻa e ongo kolo naʻe ʻākoloʻi takatakai ʻo ʻAmonaihā mo Noá—ʻOku taukae ʻa ʻAmalekaia ki he ʻOtuá peá ne fakapapau te ne inu ʻa e toto ʻo Molonaí—ʻOku kei ngāue ʻa Hilamani mo hono kāingá ke fakamālohia ʻa e Siasí. Taʻu 72 K.M. nai.
Vahe 50
ʻOku hanga ʻe Molonai ʻo langa fakamālohi ʻa e ngaahi fonua ʻo e kau Nīfaí—ʻOku nau langa hake ha ngaahi kolo foʻou—ʻOku hoko mai ʻa e ngaahi tau mo e ngaahi fakaʻauha ki he kau Nīfaí ʻi he ngaahi ʻaho ʻo ʻenau fai angahalá mo e ngaahi anga-fakalieliá—ʻOku ikunaʻi ʻa Molianitoni mo ʻene kau angatuʻú ʻe Teanikumi—ʻOku pekia ʻa Nīfaihā, pea ʻoku hoko hono foha ko Peiholaní ki he nofoʻanga fakamāú. Taʻu 72–67 K.M. nai.
Vahe 51
ʻOku feinga ʻa e kau tangata tuʻí ke liliu ʻa e laó pea fili ha tuʻi—ʻOku poupouʻi ʻa Peiholani mo e kau tangata tauʻatāiná ʻe he leʻo ʻo e kakaí—ʻOku fakamālohiʻi ʻe Molonai ʻa e kau tangata tuʻí ke nau maluʻi honau fonuá pe tāmateʻi ʻa kinautolu—ʻOku hamu ʻe ʻAmalekaia mo e kau Leimaná ha ngaahi kolo lahi ne langa kolotau takai—ʻOku taʻofi ʻe Teanikumi ʻa e ʻoho mai ʻa e kau Leimaná peá ne fakapoongi ʻa ʻAmalekaia ʻi hono fale fehikitakí. Taʻu 67–66 K.M. nai.
Vahe 52
ʻOku fetongi ʻe ʻAmolone ʻa ʻAmalekaia ko e tuʻi ʻo e kau Leimaná—ʻOku taki ʻe Molonai, Teanikumi, mo Līhai ʻa e kau Nīfaí ʻi ha tau naʻa nau ikunaʻi ai ʻa e kau Leimaná—ʻOku toe maʻu mai ʻa e kolo ko Mūlekí, pea ʻoku tāmateʻi ʻa Sēkope ko e tangata Sōlamí. Taʻu 66–64 K.M. nai.
Vahe 53
ʻOku ngāue ʻaki ʻa e kau pōpula Leimaná ke nau fakamālohiʻi ʻa e kolo ko Mahú—ʻOku fakatupu ʻe he ngaahi fekeʻikeʻi lahi ʻi he kau Nīfaí ʻa e ngaahi ikuna ʻa e kau Leimaná—ʻOku taki ʻa Hilamani ki he ngaahi foha kei talavou ʻe toko ua afe ʻo e kakai ʻo ʻĀmoní. Taʻu 64–63 K.M. nai.
Vahe 54
ʻOku alea ʻa ʻAmolone mo Molonai ke fai ha fakafetongi ʻo e kau pōpulá—ʻOku fie maʻu ʻe Molonai ke holomui ʻa e kau Leimaná pea taʻofi ʻenau ngaahi ʻoho mai mo e tāmaté—ʻOku fie maʻu ʻe ʻAmolone ke tuku hifo ʻe he kau Nīfaí ʻa ʻenau ngaahi mahafu taú pea nau hoko ko e kau tamaioʻeiki ki he kau Leimaná. Taʻu 63 K.M. nai.
Vahe 55
ʻOku fakafisi ʻa Molonai ke fakafetongi ʻa e kau pōpulá—ʻOku kākaaʻi ʻa e kau leʻo Leimaná ʻo nau konā, pea ʻoku fakatauʻatāinaʻi ʻa e kau pōpula Nīfaí—ʻOku toe maʻu ʻa e kolo ko Kití taʻe-ha-lilingi toto. Taʻu 63–62 K.M. nai.
Vahe 56
ʻOku ʻoatu ʻe Hilamani ha tohi kia Molonai, ʻo fakamatala ki he tuʻunga ʻoku ʻi ai ʻa e tau mo e kau Leimaná—ʻOku feia ʻe ʻAnitipesi mo Hilamani ha ikunaʻi kāfakafa ʻo e kau Leimaná—ʻOku tau ʻa e ngaahi foha ʻe toko ua afe ʻo Hilamaní ʻaki ha mālohi fakaofo, pea ʻoku ʻikai tō hanau toko taha. Veesi 1, taʻu 62 K.M. nai; veesi 2–19, taʻu 66 K.M. nai; mo e veesi 20–57, taʻu 65–64 K.M. nai.
Vahe 57
ʻOku fakamatala ʻa Hilamani ki hono toe maʻu ʻo ʻAnitipalá mo e tukulolo pea mo hono maluʻi ki mui ʻo Kumenaí—ʻOku tau ʻi he loto-toʻa ʻa ʻene kau talavou ʻĀmoní; ʻoku nau kafo kotoa, ka naʻe ʻikai ha toko taha ʻe mate—ʻOku fakamatala ʻa Kiti ki he tāmate mo e hola ʻa e kau pōpula Leimaná. Taʻu 63 K.M. nai.
Vahe 58
ʻOku ikunaʻi ʻe Hilamani, Kiti, mo Teomena ʻa e kolo ko Manataí ʻi ha tauhele—ʻOku holomui ʻa e kau Leimaná—ʻOku fakahaofi ʻa e ngaahi foha ʻo e kakai ʻo ʻĀmoní ʻi heʻenau tuʻu maʻu ʻi hono maluʻi ʻenau tauʻatāiná mo ʻenau tuí. Taʻu 63–62 K.M. nai.
Vahe 59
ʻOku kole ʻe Molonai kia Peiholani ke fakatokolahi ʻa e kau tau ʻa Hilamaní—ʻOku faʻao ʻe he kau Leimaná ʻa e kolo ko Nīfaihaá—ʻOku ʻita ʻa Molonai ki he puleʻangá. Taʻu 62 K.M. nai.
Vahe 60
ʻOku lāunga ʻa Molonai kia Peiholani koeʻuhi ko e taʻetokanga ʻa e puleʻangá ki he ngaahi kau taú—ʻOku tuku ʻe he ʻEikí ke tāmateʻi ʻa e kakai māʻoniʻoní—Kuo pau ke ngāue ʻaki ʻe he kau Nīfaí ʻa honau mālohí mo ʻenau koloá kotoa pē ke fakahaofi kinautolu mei honau ngaahi filí—ʻOku fakamanamana mai ʻe Molonai te ne tauʻi ʻa e puleʻangá kapau ʻe ʻikai ʻomi ha tokoni ki heʻenau ngaahi kau taú. Taʻu 62 K.M. nai.
Vahe 61
ʻOku fakahā ʻe Peiholani kia Molonai ʻa e taʻe-fie-tokoni mo e angatuʻu ki he puleʻangá—ʻOku puleʻi ʻe he kau tangata tuʻí ʻa Seilahemala pea ʻoku nau kau mo e kau Leimaná—ʻOku kole ʻe Peiholani ha tokoni fakakautau ke tauʻi ʻa e kau angatuʻú. Taʻu 62 K.M. nai.
Vahe 62
ʻOku laka atu ʻa Molonai ke tokoni kia Peiholani ʻi he fonua ko Kitioné—ʻOku tāmateʻi ʻa e kau tangata tuʻi ʻoku nau fakafisi ke maluʻi honau fonuá—ʻOku toe maʻu ʻe Peiholani mo Molonai ʻa Nīfaihā—ʻOku tokolahi ʻa e kau Leimaná ʻoku kau mai ki he kakai ʻo ʻĀmoní—ʻOku tāmateʻi ʻe Teanikumi ʻa ʻAmolone pea ʻoku fakapoongi foki mo ia—ʻOku tuli ʻa e kau Leimaná mei he fonuá, pea fokotuʻu ʻa e melinó—ʻOku foki ʻa Hilamani ki he ngāue fakafaifekaú pea langa hake ʻa e siasí. Taʻu 62–57 K.M. nai.
Vahe 63
ʻOku tauhi ʻe Sipiloni pea hoko kia Hilamani ʻa e ngaahi lekooti toputapú—ʻOku fononga ha kau Nīfai tokolahi ki he fonua fakatokelaú—ʻOku foʻu ʻe Heikoti ha ngaahi vaka, pea folau ai ki he tahi hihifó—ʻOku ikunaʻi ʻe Molonaihā ʻa e kau Leimaná ʻi he tau. Taʻu 56–52 K.M. nai.