3 Nefi

Buku ya Mormon

Makambo oyo ezali kati ya buku
Boyingisi mpe Matatoli
1 Nefi
2 Nefi
Yakobo
Enosa
Jarom
Omini
Maloba ya Mormon
Mosiya
Alma
Elamani
3 Nefi
4 Nefi
Mormon
Etele
Moroni

3 Nefi

Mokapo 1
Nefi, mwana mobali ya Elamani, akeyi uta na mboka, mpe mwana mobali na ye Nefi abombi masolo ya makomi—Ata bilembo mpe makamwisi ezali beboo, bato ya nkuna bakani koboma basembo—Butu ya mbotama ya Klisto ekomi—Elembo epesami mpe monzoto ya sika mobimi. Lokuta mpe bobubi ebakisami, mpe bayongoli ya Gadiatoni babomi bato mingi. Penepene na mibu 1–4 ya Mobu ya Nkolo.
Mokapo 2
Nkuna mpe bonsomo ebakisami na kati ya bato—Banefi mpe Balamani basangani mpo na komibatela na bayongoli ya Gadiatoni—Babongwani ya Balamani bakomi mposo mpembe mpe babiangami Banefi. Penepene na mibu 5–16 ya Mobu ya Nkolo.
Mokapo 3
Gidiani, mokambi ya Gadiatoni, asengi ete Lakonusi mpe Banefi bango moko bamitika mpe mboka na bango—Lakonusi aponi Gidigidoni lokola mokonzi na mampinga—Banefi basangani na Zalayemila mpe na Beboo mpo na komibatela. Penepene na mibu 16–18 ya Mobu ya Nkolo.
Mokapo 4
Mampinga ya Nefi balongi bayongoli ya ba Gadiatoni—Gidiani abomami, mpe mokitani na ye, Zeminaliya, amikangi singa—Banefi basanzoli Nkolo mpo na elonga na bango. Penepene na mibu 19–22 ya Mobu ya Nkolo.
Mokapo 5
Banefi bayamboli mpe batiki masumu na bango—Mormon akomi mambi ya kala ya bato na ye mpe asakoli liloba ya libela—Yisalaele ekosangisama uta na bopanzani na ye ya ntango molai. Penepene na mibu 22–26 ya Mobu ya Nkolo.
Mokapo 6
Banefi bafuluki—Lolendo, nkita, bokeseni ya nkondo ebimi—Eklezia epasuki na bokabwani—Satana akambi bato na botomboki ya polele—Baprofeta mingi babeleli boyamboli mpe babomami—Babomi na bango basali ekokolo mpo na kokweisa ekobima. Penepene na mibu 26–30 ya Mobu ya Nkolo.
Mokapo 7
Mosambisi mokonzi abomami, ekobima ebebisami, mpe bato bakabwani na mabota—Yakobo, motelemeli Klisto akomi mokonzi ya bato ya likelemba moko ya nkuku—Nefi ateyi boyamboli mpe bondimi na Klisto—Banjelu basaleli ye mokolo na mokolo, mpe asekwisi ndeko na ye ya mobali uta na bakufi—Mingi bayamboli mpe babatisami. Penepene na mibu 30–33 ya Mobu ya Nkolo.
Mokapo 8
Ekumbaki, boningani ya mabele, moto, mopepe ya kaina, mobulungano ya mokili etatoli bobakami ya Klisto na ekulusu—Bato mingi babebisami—Molili ezipi mboka mikolo misato—Bango oyo batikali na bomoi bamileli mpo na oyo ekoyela bango. Penepene na mibu 33–34 ya Mobu ya Nkolo.
Mokapo 9
Kati na molili, mongongo ya Klisto esakoli bobebisami ya bato mpe bingumba mingi mpo na nkuna na bango—Asakoli lisusu bonzambe na Ye, ayebisi ete mobeko ya Mose mokokisami, mpe abiangi bato baya epayi na Ye mpe babikisama. Penepene na 34 ya Mobu ya Nkolo.
Mokapo 10
Mboka ezalaki nie mpo na ngonga mingi—Mongongo ya Klisto mopesi elaka ya kosangisa bato na Ye lokola mama ya soso asangisaka bana soso na ye—Eteni eleki sembo ya bato babatelami. Penepene na mibu 34–35 ya Mobu ya Nkolo.
Mokapo 11
Tata atatoli na ntina ya Mwana Molingami na Ye—Klisto amonani mpe asakoli Bomikabi na Ye—Bato bayoki bilembo ya mpota na maboko mpe makolo mpe na mopanzi na Ye—Bagangi Hozana—Atii ndakisa mpe lolenge ya libatisi—Molimo ya boweli ezali ya zabulu—Malongi ya Klisto ezali ete bato basengeli kondima, kobatisama mpe kozwa Molimo Mosantu. Penepene na 34 ya Mobu ya Nkolo.
Mokapo 12
Yesu abiangi mpe atindi bayekoli zomi na mibale—Apesi na Banefi lisukulu moko ekokani na Esakola likolo ya Ngomba—Alobeli Esengo ya bobongi nie—Mateya na ye ezali likolo mpe makeyi liboso ya mobeko ya Mose—Bato batindami kozala bato oyo babongi nie kutu lokola Ye mpe Tata na Ye bazali na bobongi nie—Meka na Matai 5. Penepene na 34 ya Mobu ya Nkolo.
Mokapo 13
Yesu ateyi Banefi Losambo ya Nkolo—Basengeli kobomba biloko ya motuya na lola—Bayekoli zomi na mibale kati na mosala na bango batindami kotungisama te mpo na biloko ya ntango—Meka na Matai 6. Penepene na 34 ya Mobu ya Nkolo.
Mokapo 14
Yesu atindi bato ete: Bosambisa te; Bosenga na Nzambe; Bokeba na baprofeta ya lokuta—Alaki lobiko na bango oyo basalaka bolingi ya Tata—Meka na Matai 7. Penepene na 34 ya Mobu ya Nkolo.
Mokapo 15
Yesu asangeli ete mobeko ya Mose mokokisami na Ye—Banefi bazali bampate mosusu oyo alobelaki na Yelusaleme—Na ntina ya mabe, bato ya Nkolo na Yelusaleme bayebi oyo etali mpate epanzama ya Yisalaele te. Penepene na 34 ya Mobu ya Nkolo.
Mokapo 16
Yesu akokende kotala mpate mosusu uta na kati ya oyo ebunga ya Yisalaele—Na mikolo ya nsuka nsango malamu ekokende na baoyo bazali Bayuda-te mpe nsima na ndako ya Yisalaele—Bato ya Nkolo bakomona miso na miso ntango Akomema lisusu Siona. Penepene na 34 ya Mobu ya Nkolo.
Mokapo 17
Yesu atindi bato bamanyola maloba na Ye mpe basambela mpo na kozwa bososoli—Abikisi bakoni na bango—asambeli mpo na bato, kosalelaka lokota moko oyo ekoki kokomama te—Banjelu basaleli bana mike mpe moto mozingi bana mike na bango. Penepene na 34 ya Mobu ya Nkolo.
Mokapo 18
Yesu abandisi elambo na kati ya Banefi—Batindami kosambela ntango nyonso na nkombo na Ye—Baye wana baliaka mosuni na Ye mpe bamelaka makila na Ye ntango balongobani te bakweisami—Bayekoli bazwi nguya ya kopesa Molimo Mosantu. Penepene na 34 ya Mobu ya Nkolo.
Mokapo 19
Bayekoli zomi na mibale basali epayi ya bato mpe basambeli mpo na kozwa Molimo Mosantu—Bayekoli babatisami mpe bazwi Molimo Mosantu mpe lisalisi ya banjelu—Yesu asambeli kosalelaka maloba oyo makoki te kokomama—Atatoli bondimi monene koleka ya Banefi. Penepene na 34 ya Mobu ya Nkolo.
Mokapo 20
Yesu apesi lipa mpe vinyo na lolenge ya kokamwa mpe apesi bato elambo—Montika ya Yakobo ekoya na boyebi ya Nkolo Nzambe na bango, mpe bakosangola libula ya Baamerika—Yesu azali profeta lokola Mose, mpe Banefi bazali bana ya baprofeta—Bato basusu ya Nkolo, bakosangana na Yelusaleme. Penepene na 34 ya Mobu ya Nkolo.
Mokapo 21
Yisalaele ekosangisama ntango Buku ya Mormon ekobima—Bayuda-te bakotiama lokola bato nsomi na Amerika—Bakobikisama soki bandimi mpe batosi; soki bongo te, bakokatama mosika mpe bakobebisama—Yisalaele akotonga Yelusaleme ya Sika, mpe mabota mabunga, makozonga. Penepene na 34 ya Mobu ya Nkolo.
Mokapo 22
Na mikolo ya nsuka, Siona mpe makonzi na yango ekotiama, mpe Yisalaele ekosangisama na boboto mpe bolamu—Bakolonga—Meka na Yisaya 54. Penepene na 34 ya Mobu ya Nkolo.
Mokapo 23
Yesu andimi maloba ya Yisaya—Atindi bato baluka baprofeta—Maloba ya Samwele Molamani mpo na oyo etali Bosekwi ebakisami na lisolo ya makomi na bango. Penepene na 34 ya Mobu ya Nkolo.
Mokapo 24
Ntoma ya Nkolo akolengela nzela mpo na Boyei ya Mibale—Klisto akofanda na bosambisi—Yisalaele atindami kofuta moko na zomi mpe mabonza—Buku ya Kokanisa ebombami—Meka na Malaki 3. Penepene na 34 ya Mobu ya Nkolo.
Mokapo 25
Na Boyei ya Mibale, bato ya lolendo mpe bato ya nkuna bakozikisama lokola matiti ya zamba—Eliya akozonga liboso ya mokolo wana monene mpe ya nsomo—Meka na Malaki 4. Penepene na 34 ya Mobu ya Nkolo.
Mokapo 26
Yesu alimboli makambo nyonso uta na ebandeli kino na nsuka—Bana babotami sika mpe bana mike balobi makambo ya kokamwa oyo makoki kokomama te—nyonso kati na Eklezia ya Klisto bazali na biloko nyonso na lisanga na kati na bango. Penepene na 34 ya Mobu ya Nkolo.
Mokapo 27
Yesu atindi ete Eklezia ebiangama na nkombo na Ye—Etinda na ye mpe mbeka ya bomikabi na ye nde esali nsango malamu na Ye—Bato batindami bayambola mpe babatisama mpo ete basantisama na Molimo Mosantu—Basengeli kozala kutu lokola Yesu azali. Penepene na mibu 34–35 ya Mobu ya Nkolo.
Mokapo 28
Libwa kati na bayekoli zomi na mibale bazali na mposa mpe balakelami kosangola libula ya bokonzi ya Klisto ntango bakokufa—Banefi Misato mosusu bazali na mposa mpe bapesami nguya likolo ya liwa ete batikala likolo ya mabele kino Yesu akoya lisusu—Babongalami mpe bamoni makambo mapekisami mpo na koloba, mpe bazali sikawa kosalaka na kati ya bato. Penepene na mibu 34–35 ya Mobu ya Nkolo.
Mokapo 29
Bobimi ya Buku ya Mormon ezali elembo ete Nkolo abandi kosangisa Yisalaele mpe kokokisa mayokani na Ye—Bango oyo bakobwaka bimoniseli mpe makabo ya mokolo ya nsuka bakolakelama mabe. Penepene na mibu 34–35 ya Mobu ya Nkolo.
Mokapo 30
Bayuda-te ya mokolo ya nsuka batindami koyambola, koya epayi ya Klisto, mpe kotangama elongo na ndako ya Yisalaele. Penepene na mibu 34–35 ya Mobu ya Nkolo.

Bimisa na lokasa

Kobakisa milongo oyo etiami langi to etiami mikoloto

Mikomisa mpo na kosalela

Kobakisa nkoma ya nse ya lokasa