1. Erio ekero kiemiaka emeroigo etato na ene yaera, na emerongo etato netano erio aborokigwa ba Yeso bagacha ekanisa ya Yeso Kristo ase ense eria yonsi. Na buna abange bachete ase bare nakoang’ama ebibe biabo bakaba bakobatiswa ase erieta ria Yeso; na konyora Omoika Omochenu.

2. Erio ekero kiemiaka emerongo etato na etano nomo yaera, abanto bonsi bagacha bonsi ase Omonene ase ense eria yonsi abanephi na abalamani, na igaria kogechana tikwarenge egati yabo, kera omonto agakora amaya ase oyomuabo.

3. Bakaba bare bagosanga kera egento; aseigo omonda tarenge aroro gose omotaba, omosibwa gose omosibore, bonsi nigo basiboire, na abanyori ebiegwa bia igoro.

4. Erio ekero emieka emerongo etato netano nebere yaera boigo, omorembe okaba ogendererete ase ense eria.

5. Erio ekaba emeremo emenene yakoretwe na abarokigwa ba Yeso, erio bakaba bakobagwenia abarwaire, na kobokia abakure, nagokora abarenge ebirema gotara, emeuko korora, na chingencho chionsi chiebikone bigakorekana ase egati ya abana ba mwanyabanto; na tari ase bosa ebikone ebi biakorekanete gotatiga ase erieta ria Yeso.

6. Na ekero ki’omwaka emerongo etato netano netato yaera, na emerongo etato na kianda na emerongo ene nemo na emerongo ene na ebere goika emerongo ene nakianda ekaera.

7. Na Omonene akabamenta mono ase ense eria; erio bakanyara koagacha emechi naende ase emechie yarenge ere eria yasambetwe.

8. Erio nonya nomochie omonene Zarahemula okaba okoagachwa naende.

9. Korende emechie iyarengeo eyio konya yarimeire, na amache akaba agoeta igoro; aseigo emechi eye tiyare gokorwa emeyia naende.

10. Na bono rigereria ekaba egoika engaki abanephi bakomenteka chinguru, na komenteka mono bwango, na koba abaya abanto abororo.

11. Na bakanywomwa na konywomerigwa, na bakaba bagosesenigwa koreng’ana nomoganda bweira oria Omonene arosetie ase bare.

12. Na tibagenda naende nyuma yemeroberio eye ya amachiko a’Musa korende bakaba, bakogenda na amachiko aria banyorete korwa ase Omonene Nyasae, botambe ase okwengata na gosaba, na ase okonyorana amo ase ogosaba na koigwa ring’ana ri’Omonene.

13. Erio ekaba mochando toiyio ase abanto bonsi, ase ense eria; korende nigo biarengeo ebikone ebinene egati ya aborokigwa ba Yeso.

14. Erio ekero emiaka emerongo etano nebere nemo yaera, naboigo naende emiaka emenongo etano nebere ne bere, ase obuya goika emiaka emerongo kianda ekaera; nonya nemiaka rigana ekaera na aborokigwa ba Yeso achorete bakagenda paradiso ya Nyasae, gotatiga batato batigarete; na abande mbarengeo bachoretwe ribaga riabo; na abange babo kanya baerire.

15. Erio ekaba ogoetana gotaiyo ase ense eria ase engencho y’obwanchani bwa Nyasae bwamenyete ase abanto.

16. Ndamwamu tiyarenge aroro, gose ebitina gose emoko gose oborimo gose oboiti gose kende gionsi ekiobonyaka; ekeene kanga mogoko tobete ase abanto baria batongetwe na amaboko a’Nyasae.

17. Tibarengeo abauri, gose abaiti, gose abalamani, gose kende ekebe; korende nigo barenge amo, buna abana bakristo, na ababiare ase oborwoti bwa Nyasae.

18. Inaki basesenirie! Ekiagera Omonene abasesenetie kera ase amakoro abo, erio bakaba bagosesenigwa goika emiaka rigana erimo na ikomi ekaera; goika ekegori egetang’ani korwa Kristo gegaeta, na goetana tikwarenge aroro.

19. Erio egaika engaki Nephi akorika amang’ana aya (na koyagacha ase amariko a Nephi) goika agakwa na omwana oye Amosi akagacha ribaga riaye, naboigo akaba akogachwa ase amariko a’Nephi.

20. Akarenda goika emiaka emerongo etano netato nene, omorembe ore ase ense eria gotatiga ase abanto bake baria batamete korwa ase ekanisa na koira erieta ria abalamani; aseigo abalamani bagachaka naende ase ense eria.

21. Erio egaika engaki Amosi agokwa, (na nigo yarenge emiaka rigana na menongo kianda nainye korwa ogocha kwa Kristo) na omwana oye okorokwa Kristo akarika amang’ana aya ribaga riaye; na nigo ayagachete ase amariko a Nephi; nigo arigetwe ase egetabu kia Nephi ekio kere egetabu eke.

22. Erio ekero emiaka amagana abere aera; na ekegori gia kabere giaeta gotatiga baria abake.

23. Bono inche Mormoni, nigo naganirie momanye ng’a abanto babuchire na babeire bagwesiarera ase ense eye engima, na koba abanda mono, ekiagera bakinete ime ya Kristo.

24. Nabono ase emiaka eye rigana noyomo baria aberori bagachaka koba amo, buna besogete chianga chierigori na chingencho chionsi chiechiganchua chingiya, na ebinto ebiya biense.

25. Korwa engaki eye bakaba nobuya bwabo na ayande amange ase bare.

26. Erio bagachaka gwatananekana ase ebiombe na koagacha chikanisa boka ase okonyora obonene, na gokana ekanisa eng’ene ya Yeso Kristo.

27. Erio ekero ki’omwaka bwe rigana na-ikomi yaera chikanisa chikaba ase ense eria chinyinge mono, echio echinde chiare goteba ng’a nigo chimomanyete Kristo, korende bagakana enchiri, bakaba aboro mono, na nakworokia aria bakanetigwe ase abategenwa.

28. Erio ekanisa eye ekaba enene igoro yebibe, na igoro ya Saitani oria oirete chinkoro chiabo.

29. Naende eyarengeo ekanisa ende etamokanete Kristo; asengencho y’oboitongo bwabo na obwegenu bwabo ime ya Kristo; na kobachaya asengencho yebikone ebinge biachete ase bare.

30. Aseigo bakaba nechinguru na okobua ase aborokigwa ba Yeso baria barengeo, bakabaruta ase echera korende ase chinguru chia Nyasae chichera chigatandokana, bakaba bakogenderera gokora ebikone ebinge ase bare.

31. Nonya baroche ebikone ebi, abanto bakagenderera gokora ebibe nagokong’ia chinkoro chiabo, nakobarigia kobaita buna riria Abayandi barigetie komoita Yeso, koreng’ana nering’ana riaye.

32. Erio bakarutwa ase riera ri’omorero na bagasoka batayieti.

33. Erio naende bakabaruta ase engoro yeching’iti chiorosana, na bagachaka kogosoria buna omwana nemanwa; erio naende bakarwa aroro bataririe.

34. Nonya naboigo abanto bagakong’ia emioyo yabo ekiagera baraetwe amo nabakuani boborimo na ababani boborimo, ase okobaukoria ase chikanisa chinyinge na gokora chingencho chionsi chiebibe. Erio bakabaita abanto ba Kristo, korende abanto ba Yeso tibaitwa naende. Erio bakebeka gokora ebibe na obworo bwonsi omwaka ase omwaka goika emiaka amagana abere na merongo etato ekaera.

35. Na bono egaika engaki yomwaka oyo, ase owaka bw amagana abere namerongo etato noyomo, ogwatananekana gokaba okonene egati ya abanto.

36. Erio egaika engaki ase omwaka oyo abanto bakaimoka bakorokwa abanephi, na nigo barenge abegenwa bekeene ase Kristo, na egati yabo nigo barenge baria barangeretigwe na abalamani – – yakobo, abanto ba’Joseph, na Abazoram;

37. Aseigo abegenwa ase Kristo, aba abasasimi Kristo, (abwe egati yabo aborokigwa barenge aroro batato ba Yeso baria batamete) bakaba bakorokwa Abanephi, na abanto ba Yakobo na abanto ba Joseph, na abazoram.

38. Erio bakanga enchiri aba bakorokwa Abalamani Abaishmael, Abalemueli na tibatiga ogotegena kwabo, korende bakaba bakoenenera enchiri ya Kristo; na koborokereria abana babo gotegena na buna abaise babo korwa omochakano.

39. Na nase engencho ya obworo bwabaise, buna yabete ekero kiomochakano. Na bakaba bakworokigwa kogecha abana ba Nyasae, buna AbaLamani batebetie abana babo kogecha abana ba Abanephi korwa omochakano.

40. Erio ekero emiaka amagana ane na menongo ene na ene yaera, ekaba obuya tibori ase abanto. Na ebibe biabanto bikaba bikomenteka mono, nakomanyekana kobua abanto ba Nyasae.

41. Erio boigo bakaba bakoagacha chikanisa chiabo boka nakorwa ebing’wanso ase ebinto bionsi bikomekameka. Na ekero emiaka amagana abere na merongo etano yaera, na amagana abere na menongo etano nomo.

42. Na erio egaika engaki aboro bagochaka koagacha chiira na gotiemana na Abagiantoni.

43. Abanto baria bare korokwa Abanephi bagachaka koba aberori ase chinkoro chiabo ase engencho yobonda bwabo, na ase abamwabo abalamani.

44. Na gochakera engaki eye aborokigwa bagachaka koba nobororo ase engencho y’ebibe biense.

45. Erio ekero emiaka amagana atato aera, bonsi abanto ba Nephi na Abalamani bakaba aboro mono, buna oyonde ase oyonde.

46. Erio egaika engaki abauri ba Gadianton bagosoa ase ense eyio yonsi; na onde taba aroro ore omochenu gotatiga aborokigwa ba Yeso. Na chithahabu na chifetha bakaba bagochibeka ase ebiage ase obonge, na korenda ase chinchere chionsi echioborendi.

47. Erio ekero emiakia amagana atato na etano yaera, (na banto bare rioka ase obworo) Erio Amosi agakwa; na momura omwabo, Ammaron, akaba okogacha amang’ana ribaga riaye.

48. Erio ekero emiaka amagana atato aera namerongo ebere Ammaroni, agotebigwa n’ Omoika Omochenu, anyare kobisa amariko aria arenge amachenu – – nonya namang’ana aria arwetwe ekegori ase ekegori – – goika engaki emiaka amagana atato na emerongo ebere korwa ogocha kwa Yeso Kristo.

49. Naboigo akaba okogacha ase Omonene ng’a nario arache gocha ase abatigari benyomba ya yakobo koreng’ana nobobani na eira y’Omonene. Na aya naro are omoerio bwa amang’ana Ammaroni.