Egetabu Kia Enosu

1. Erio egaika engaki Inche, Enosu, nkomanya ng’a tata nigo arenge Omonto-ekiage abete okonyorokereria ase amang’ana aye, ase amorokererio na emeroberio y’Omonene na tiga erieta ria Nyasae ritogigwe.

2. Na nimbe inkobatebia igoro y’enyameni nabwate amo na Nyasae, nyuma intaranyora okwaberwa kwebibe.

3. Rigereria, inkagenda gotwara ching’iti ase rinani; na amang’ana aria nabete inkoigwa tata agakwana igoro y’obogima, na omogoko bwa abachenu, agasoa ime ase enkoro yane.

4. Na omoyo one okaba n’enchara; erio ingatung’ama inse ase obosio bw’omotongi one, na inkarera ase ogosaba okonene na okomorigia ase omoyone omonyene; na ase rituko rigina inkaba inkorera ase are: na ekero obotuko bwaika inkaimokia eriogi riane igoro rigaika igoro.

5. Na eriogi riganchichera, rigateba ng’a: Enosu, ebibe biao biabeirwe aye, na nobe gogosesenigwa.

6. Na Inche, Enosu, nkamanya ng’e Nyasae takong’ainereria; ase ayio, obobe bwane bokarusigwa aroro.

7. Na inkabora: Omonene, inaki aya akorekanete?

8. Na agantebia ng’a: Ase engencho y’okwegena kwao ase kristo, oyio otanya koigwa gose korora. Na emiaka emenge neere nyuma atareorokia ase omobere; aseigo, imoka ogende okwegenia kwao gwagokorire omogima.

9. Erio, ekero naigwa amang’ana aya ingachaka koigwa amabera ase abaminto, abanephi; ase ayio, inkarwa enkoro yane ase Omonene igoro yabo.

10. Na ekero narenge ase omoika, rigereria, eriogi ri’Omonene rikang’ikera ase amato one rigoteba ng’a: nimbe inkobatarera abamino korerg’ana n’obong’aini bwabo ase okoyarenda amachiko. Nabaeire oboremo obo nanigo bore ase ense enchenu; na tinkoyeragereria gotatiaga ase ogokora ebibe; aseigo, nimbatarere abamino koreng’ana buna natebire; na ogosaria kwabo ninkorete inse ase obororo igoro ase emetwe yabo abanyene.

11. Na nyuma Inche, Enosu, ekero naigwa amang’ana aya, okwegena kwane gokaba gotari konyegerigwa ase Omonene; inkamosaba nogochandeka okonene ase abominto, Abalamani.

12. Erio ekero nasaba na gokora emeremo nechisemi, Omenene agantebia ng’a: Ninkore ase ore koreng’ana n,okogania kwao, ase engencho y’okwegena kwao.

13. Nabono rigereria, oko nakwo okogania kwao ng’a onye ekoba bo, nigo abanto bane abwe bare abanephi bakogwa ase ogosaria, na ase engencho ende yonsi mbasire, na abalamani tibagosira, erinde nario Omonene Nyasae arabe okorenda amang’ana ya abanto bane, abanephi; neba bo ase chinguru chiamaboko aye amachenu, erinde ekero kia amatuko abosio amariko aretwe ase abalamani, ng’a kero kende mbanyare koretwa ase ogotoreka:

14. Ase engaki eye y’ogochandeka nigo yare bosa ase okoirania ase okwegena kwane. Na bakerwa ase endamwamu yabo ng’a onye ndiria yaba bo, kanga nigo bayasaretie amang’ana aito, naboigo chingencho chinke chia abatata.

15. Aseigo inche oyo imanyete ng’a Omonene Nyasae nayarende amang’ana aito, inkaba inkorera botambe, ekiagera antebetie ng’a: Kende gionsi orasabe ase okwegera, na komanya ng’a imokenyore ase erieta ria Kristo, imokenyore.

16. Inabwate okwegena, naende inkagenderera korera ase Nyasae erinde anyare koyarenda amang’ana aya; na akaria eira amo nainche ng’a nayarete ase Abalamani ase engaki ararore.

17. Nainche, Enosu, inkamanya ng’a nigo erabe koreng’ana nokobwatana arosetie; Aseigo omoyo one ogatimoka.

18. Naende Omonene agantebia ng’a Tata Oo nere namboretie ebinto ebi; na goika bikoreke koreng’ana nokwegena kwabo; aseigo okwegena kwabo nigo kwarenge buna okweino.

19. Erio egaika engaki inche, Enosu, inkogenda goika egati ya Abanto ba Nephi, nakobana ebinto birabe bigocha, nakobiteba ebinto nabete inkoigwa nakorora.

20. Na inkarwa amang’ana ya abanto ba Nephi aria barigete nobong’aini ase ogokonya abalamani ase okwegena gwekeene ase Nyasae. Korende Ogokora gwaito nigo kwarenge bosa okogecha kwabo gogaichora, erio bakaraeka ase okogania kw’ebibe biabo goika bakaba buna ching’iti, na abanto abaiteri amanyinga,baichire nogosasima chisanamu na abanyamoko; na Koria ching’iti chimbe; nakomenya ase chiema, na goetanana ime ase eroro babegete ebisena ebieng’e ase ebibono biabo na kogingira emetwe yabo; na obong’aini bwabo nigo bwarenge ase obota na enungu na egesire. Na abange bakaba batari koria kende bagakonyeka ase chinyama; na nigo bagendererete korigia gotoita.

21. Erio egaika engaki abanto ba Nephi bakorema riroba nagosimeka chindagera chia ngencho ende yonsi, na amatunda, na endagera ende, na gotuga riicho ria kera engencho, nechimbori, na chimbori chiorasana, naboigo chibarasi chinyinge.

22. Erio Ababani Abange bakaba bakomenteka ase tore na abanto nigo bare kogenda ange bosa, abatari koigwa.

23. Na kende inkiaba aroro gegokonya, obobe bweka obonene, okorandia na okobana gokaba igoro yechisegi. Obobe noboakong’u, na ogosareka gokaba botambe gokobainyoria igoro ya amakweri, na omochando okare nakare, na ebina na chinguru chia Nyasae, na ebinto ebi bionsi bikababeka komenya ase obwoba ase Omonene. Nigo ingoteba ng’a Kende nkiaremete, na enkwana enene ere endonge nebarende barabwo korwa ase ogosoa ase ogosareka, na ekero aya aera inkaba inkorika igoro yabo.

24. Na inkarora esegi egati ya Abanephi na Abalamani ase amatuko y’obogima bwane.

25. Na ekaba egoika engaki inkoba omogotu, na emiaka emia na merongo etano nebere na kianda kanya yaerire korwa engaki tata oito Lehi arwere Yerusalemu.

26. Na inkarora ng’a bwango nabo indabaise kogenda inse ase empera, inde ase chinguru chia Nyasae ng’a imbe inkorandia na kobana ase abanto aba, na korwa ring’ana koreng’ana nekeene kere ime ya kisto. Na inkayateba onsi ase amatuko ane onsi, na koba n’omogoko ase are kobana aria y’ense.

27. Erio bwango Inkagenda aase ogotimoka kwane okwo kore n’omoboria one; inkamanya ng’a ime ase are nimbe ingotimoka. Na inkagokera amatuko indabe inkobekerwa omobere otagokwa, na gotenena ase obosio bwaye. Naboigo koborora obosio bwaye nomogoko, na nere natebe ase ende ng’a: Inchwo asende, aye osesenirie, aase nare igaa arosetigwe ase ore ime ase obomenyo bwa tata.